Úff. Þegar ég er heitur í þessum umræðum gæti ég gert langa lista. Þetta er það helsta sem mér dettur í hug þessa stundina:
1. Hafa persónubundið nám, þ.e. námsefnið er persónubundið. Þannig myndu allir nemendur fá efni við hæfi og myndu þá alltaf verið að bæta sig á sínum hraða.
2. Öll upplýsingatæknikennsla sem ég kynnist í mínum síðasta grunnskóla var vægara sagt ömurleg. Þar vantar einmitt það sem þú nefndir, umgengni á netinu o.s.frv.
Þó veit ég til þess að Heimili og skóli hafi verið að senda hópa í SAFT verkefninu til að fjalla um þessa hluti en þessir hópar taka auðvitað voða takmarkaðan hluta af skólum á hverju ári. 
Hér vil ég líka bæta ofan á að auka notkun upplýsingatækninnar með því að bjóða upp á rafræn skil. Þessi möguleiki er til en skólanir nýta sér ekki þennan möguleika.
3. Láta fagaðila fjalla um mál eins og netið, ofbeldi í sambandi, kynfræðslu o.s.frv. Þó er ég ekki að tala um að það eigi að vera einhverjir rosalegir fagaðilar eins og kynfræðing að taka fyrir kynfræðslu heldur einhver sem þekkir málefnið og getur svarað spurningum um það sem í þessu dæmi gæti þá verið skólahjúkrunarfræðingur.
4. Það mikilvægasta sem ég man þó eftir að hafa ekki fengið fræðslu um er réttindi mín. Ég er nokkuð meðvitaður um þau en það er vegna þess að ég aflaði mér sjálfur upplýsinga um þau. Nemendur í dag vita varla hvað er leyfilegt að gera við þá og hvað ekki, hver eru réttindi þeirra sem nemendur o.s.frv.
5. Aukin pressa er á grunnskólana að kenna börnunum allt. Grunnskólinn þarf helst að taka á öllum fræðsluþáttum svo foreldrar þurfa ekki að sjá um það sjálfir. Það er samt augljóst að það er ekki hægt á svona stuttu skólaári án þess að skerða kennsluna. Það sem ég man eftir varðandi fræðslu var að það var ekki forgangsraðað. Það þarf að forgangsraða til að hægt sé að koma mikilvægustu málefnunum að.

Annars dettur mér ekkert meira í hug í bili.

Mér finnst að það ætti að gera námið og skólalífið hentugra fyrir nemendur sem eiga við örðugleika að stríða en eru ekki fatlaðir. Sjálf er ég með Asperger's, og jafnvel eftir að ég hafði fengið greiningu var ekki tekið tillit til þess sem ég á erfitt með, þ.e félagslega þáttarins. Hópíþróttir og -verkefni á ég rosalega erfitt með, sérstaklega þar sem ég var lögð í mikið einelti áður en ég skipti um skóla vegna hluta sem ég hafði, og hef, enga stjórn á, hluta sem fylgja því að vera með Asperger's. Jafnvel í skólanum sem ég útskrifaðist úr átti ég mjög erfitt með að taka þátt í þessum tveimur hlutum, sérstaklega ef um var að ræða hópverkefni þar sem mikilla umræða á milli nemenda var þörf.
Ég missti mikið úr í stærðfræði, sem ég var ekki mjög sterk í fyrir, í 8. bekk vegna kvíða og þunglyndis sem var bein afleiðing af eineltinu, og þar með Asperger's, og ég fékk mikla aðstoð við að koma mér á réttan kjöl í því í seinni skólanum, þó það tækist ekki alveg að bæta það upp. En ég fékk litla aðstoð með félagslegu hliðina, og hún var ekki aðlöguð til að henta mínum þörfum, sem einstaklings með Asperger's.
Félagslega hliðin er mér mjög erfið, ég get eiginlega ekkert tekið þátt í íþróttum vegna þess að íþróttakennarinn minn í fyrri skólanum var sá sem byrjaði eineltið, og jafnvel í framhaldsskóla finnst mér ég ekki mæta nógu miklum skilningi þegar kemur að þeim. Ég hef fengið undantekningu, á að ganga einhverja ákveðna leið í tímanum, en ég þarf að sýna fram á að ég hafi gert það með því annað hvort að fara inn í stofnanir og fá undirskrift á miða eða með því að mæta í tímann áður en ég held af stað og eftir að ég er búin. Bæði fyrir og eftir áramót skrópaði ég í 90% tímanna, vegna þess að það fylgir því einfaldlega svo mikill kvíði, stress og vanlíðan að mæta í tímana þó ekki sé nema kannski 5 mínútur eða fara inn í stofnanir, sem er enn verra, að ég get einfaldlega ekki höndlað það.
Þetta finnst mér að verði að laga, það hefur mikið verið gert fyrir fatlaða nemendur og þá sem eru með námsörðugleika, sem er gott og blessað, ekki misskilja mig, en við sem erum á mörkum þess að vera fötluð og 'eðlileg' þurfum svolítinn stuðning og skilning líka.

Persónulega langar mig að ráða mínum hraða. Ég vil geta tekið 2 ár á einu ári ef ég er fær um það... ég lærði varla neitt í grunnskóla. Ef ég hefði lært jafnmikið í grunnskóla og ég læri nú, væri grunnskólanáminu lokið áður en ég vissi af.

Bara einkavæða allt kerfið og sjá hvað er skilvirkast.

það ætti að kenna kynjafræði

-Mér finnst stærðfræðikennslan í 6. bekk alltof lítil. Man ég var kominn með leið á að vera ennþá að gera margföldunardæmi þá og fannst það ekki nógu mikið challenge lengur. Þetta var ein af ástæðunum afhverju ég fékk tímabundið lítinn áhuga á stærðfræði. Svo allt í einu í áttunda bekk að mig minnir er hoppað í erfiðari dæmi en það vantar þarna eitthvað millistig finnst mér. 

-Svo er eitt annað með t.d. námsráðgjafa. Held ég hafi farið einu sinni til einhverskonar námsráðgjafa en man lítið eftir því. Finnst mikilvægt að nemendur fái líka sérstaklega viðurkenningu og einhverskonar vott af framabraut í því fagi sem það fær góðar einkunnir í eða hefur áhuga á. 

-Svo finnst mér alveg háalvarlegt mál hvað skólastofnanir eru lokaðar. Sem tengist líka þessu með áhuga og að finnast maður eiga von á frama í einhverju fagi. Kennararnir segja manni lítið hvað lífið getur boðið upp á ef maður heldur áfram ástundun í þessu eða hinu. Útskýra t.d. ekki hvað maður getur raunverulega notað stærðfræði í enn það var eitt af ástæðunum afhverju ég missti áhuga á stærðfræði og hélt það væri ekkert merkilegt fyrst enginn virtist leggja nein praktísk not fyrir það. Sem er auðvitað skrítið þar sem tæknimenntun er hvað eftirsóttust núna. Núna nota ég aðallega stærðfræði því mér líkar mjög vel þann skýrleika í hugsun sem það gefur manni. Það var eitthvað sem mér varð ljóst bara eftirá að ég hætti að stunda stærðfræði.
Þannig að það vantar mjög tengsl við raunveruleikann, skólastofnanir eru alltof lokaðar og þurfa að opna á framakosti í atvinnulífi svo börn hafi nú einhverja von og not fyrir það sem þau eru að læra. Opna á alla þá áhugaverðu hluti sem er verið að gerast í heiminum beisiklí, þetta vantar í grunn og gagnfræðiskólakerfinu.

Mér fannst aðallega vanta pepsi max