Gleymt lykilorð
Nýskráning
Sápur

Sápur

3.347 eru með Sápur sem áhugamál
26.628 stig
609 greinar
2.896 þræðir
112 tilkynningar
6 pistlar
1.590 myndir
867 kannanir
24.904 álit
Meira

Ofurhugar

Karat Karat 1.866 stig
heidal heidal 1.826 stig
freki freki 1.014 stig
vettlingurinn vettlingurinn 866 stig
johnnyd johnnyd 818 stig
kjutipae kjutipae 702 stig
hulda hulda 672 stig

Stjórnendur







Persónurnar í Beverly hills



Brandon Walsh (Jason Priestly)


Brandon Walsh er tvíburabróðir Brenda Walsh. Hann er svona venjulegi gaurinn ef svo má að orði komast. Hann er ekki alinn upp í Beverly Hills heldur kemur hann frá Minnesota. Foreldrar hans eru ekki ofurríkir þannig að hann er ekki dekraður. Hann vinnur, og er samviskusamur í sambandi við skólann. Hann er ritstjóri skólablaðs West Beverly High ásamt Andrea Zuckerman. Hann hefur verið með nokkrum stelpum síðan þáttaröðin byrjaði og má þar nefna stelpuna sem laumaði að honum e-töflu, fordómafullu stelpuna og stelpuna sem hann er með einmitt núna en það er hún Nikki. Brandon er bara þessi venjulegi gaur, með fínar einkunnir, á venjulega fjölskyldu, lendir einstaka sinnum í vandræðum og þá er það oftast ekki hans hugmynd. Brandon er mikill vinur Steve's. Reyndar kynntist hann Dylan fyrst en þeir ná ekki jafn vel saman og hann og Steve.

Brandon



Brenda Walsh (Shannen Doherty)


Brenda Walsh kemur einnig frá Minnesota en þrátt fyrir það að hún sé tvíburasystir Brandon eru þau eins og svart og hvítt. Brenda kom og átti í smá vandræðum fyrst með að falla ekki inn. Aðalmálið hjá henni er að falla inn í hópinn. Hún litaði á sér hárið og gerði allskonar vitleysu áður en hún sætti sig bara við sig. Svo urðu hún og Kelly fljótt góðar vinkonur og Donna með. Brenda er ekki jafn samviskusöm og Brandon, hún vill gera hluti á sinn hátt. Hún varð fljótt mjög heit fyrir Dylan og byrjuðu þau saman. Þau hafa gengið í gegnum margt og það nýlegasta þegar Brenda fór á bak orða sinna og hélt til Mexíkó með Dylan, svo þegar þau komu til baka var hún ekki með skilríki til þess að sanna að hún væri bandarísk og þurfti forráðamann til þess að koma með þau. Þá bannaði pabbi hennar þeim að vera saman og sendi Brendu til París. En það varð til þess að hún byrjaði að reykja og daðra við frakka. En einmitt þetta sama sumar hélt Dylan framhjá með Kelly. Svo nokkru seinna hættu þau saman.

Brandon



Jim Walsh (James Eckhouse)


Er faðir tvíburanna, hann er afar strangur faðir en gerir oftast rétt þegar þau gera eitthvað af sér. Hann átti í smá vandræðum með þegar þau fluttu til Beverly Hills að ákveða sig hvort hann vildi vera þar eða í Minnesota, það setti gríðarlegt álag á samband hans við eiginkonu sína Cindy Walsh. En svo ákvað hann að vera áfram í Beverly Hills og það gladdi alla. Einnig áttu hann og konan hans í smá vandræðum vegna þess að hann vann svo mikið að sambandið þeirra var ekkert ræktað og sama tíma hittir Cindy gamlan kærasta og gamlir neistar kvikna en þeir slokkna fljótt þegar Jim áttar sig.

Jim



Cindy Walsh (Carol Potter)


Er móðir tvíburanna, hún er mjög góð móðir. Hún er svona venjulegasti karakterinn því að ekki hefur mikið borið á henni nema þegar gamall kærasti kom í bæinn og vildi endilega stinga af með henni. Hún var næstum búin að láta tilleiðast og hjónaband hennar og Jim stóð á brauðfótum en svo tóku þau sér bæði tak og björguðu hjónabandinu.

Cindy



Kelly Taylor (Jennie Garth)


Er kynboman í vinahópnum. Hún er skilnaðarbarn og mjög bæld. Einu sinni var hún mesta druslan í West Beverly High en henni tókst að koma orðsporinu á rétt ról áður en það varð um seinan. Hún er mjög lífsglöð manneskja. En örlítið dramadrottning. Hún og Steve voru að slá sér upp en Kelly komst að þeirra niðurstöðu að þau eru betri vinir. Seinna kynntist svo mamma Kelly pabba Davids og nú eru þau saman og búa saman. Þetta var örlítið erfitt fyrir Kelly fyrst en nú eru hún og David mestu mátar. Nýlega hefur Kelly verið að slá sér upp með Dylan og varð það til þess að hann og Brenda hættu saman þó að Brenda viti það ekki.

Kelly



Steve Sanders (Ian Ziering)


Er svona kúlistinn í hópnum. Hann er ákaflega vinsæll meðal vina sinna en hann er þekktur fyrir eilítið kaldhæðinn húmor og illkvittin. Jafnvel þó að Brandon og Steve séu bestu vinir eru þeir ekkert voðalega líkir. Steve á fræga mömmu en komst að því fyrir nokkru að hann er ættleiddur, reyndi hann þá að leita uppi móður sína án árangurs. Hann fær rosalega athygli hvar sem hann kemur enda mjög athyglissjúkur. Steve er ekki mjög löghlýðinn og gerir allt til þess að svindla á prófum en það fellur ekki vel í kramið hjá Brandon.

Cindy


Persónurnar úr The O.C.
1. Ryan Atwood (Benjamin McKenzie)
Ryan er hápunktur og miðja þáttarins - þó svo aðrar persónur lendi líka í einhverjum ævintýrum. Ryan bjó í einhverju krummaskuði og Sandy, heimilisfaðirinn, kom með hann heim til Newport Beach. Í byrjun var hann feiminn og óreyndur lífi ríkafólksins - en hann var ekki lengi að eignast vini, og þar ber hæst að nefna Seth Cohen. Marissa var á þeim tíma í sambandi með Luke, en hún fór í algjört rugl og Luke hélt framhjá henni - þá fór hún og Ryan að vera saman. Luke og Ryan voru mestu óvinir á þeim tíma, en þeir byrjuðu að hanga saman rétt eftir að Luke uppgötaði að faðir hans var samkynhneigður. Luke reyndist vera mjög fínn gaur, og eru þeir vinir í dag. Þess má einnig geta að göturotta að nafni Oliver kom inn í þættina og varð 'besti' vinur Marissu. Hann splundraði sambandi þeirra Ryan og blekkti alla - dró þá á asnaeyrunum.
Ryan
2. Seth Cohen (Adam Brody)
Flestar gelgjur á Íslandi, sem hafa aðgang að sjónvarpi og Skjáeinum, horfa á Seth - eða Adam - og hugsa 'ómægöss hvað hann er ógó sætur'. Þessi persóna er reyndar sú skemmtilegasta að mínu mati, þó Seth hafi nú reyndar breyst undarfarna þætti. Það sem mér finnst skemmtilegast við hann er hvað hann er kaldhæðinn - en hann hefur, eins og ég sagði áðan, breyst virkilega. Hann byrjaði þættina sem þekki týpíski 'lúði'. En síðan byrjaði hann með Önnu - Summer fór að hrífast að honum og allt í einu varð hann allt í einu 'svali' strákurinn. Anna hætti með honum, vegna þess að hann hugsaði bara um Summer, og þá fór hann og 'bangaði' Summer. Seth er einkabarn Sandy og Kirsten.
Seth
3. Marissa Cooper (Mischa Barton)

Marissa er dóttir Jimmy og Julie Cooper og hefur hún búið allt sitt líf við hliðina á Cohen fjölskyldunni. Marissa hefur ætíð verið 'vinsæla' stelpan í skólanum, eða allavega ein af þeim vinsælu, og er hún besta vinkona Summer. Marissa kynntist Ryan þegar hann var nýfluttur til Newport og urðu þau fljótlega góðir vinir eins og áður hefur komið fram. Fljótlega í þáttaröðinni tók hún of stóran skammt af pillum og var lögð inn á sjúkrahús. Hún er víst mjög ákveðin og á í erfiðum tímum; skilnaði foreldra sinna, faðir hennar gjaldþrota, hún þolir ekki móður sína - svona svo eitthvað sé nú nefnt. Marissa var send til sálfræðings, og þar kynntist hún göturottunni Oliver. Þau byrjuðu að hanga eitthvað saman og urðu betri og betri vinir - enda leit hann frekar vel út frá hennar augum séð, þó svo að Ryan hafi allan tímann vitað hver þessi gaur var. Hann síðan dró fram byssu og ætlaði að fremja sjálfsvíg fyrir framan hana, en öryggisverðirnir komu inn í tæka tíð og handtóku hann.
Marissa
4. Summer Roberts (Rachel Bilson)

Summer er besta vinkona Marissu og slútta nr. 1 í Newport. Það þekkja hana allir en þó eru fáir sem þola hana. Summer notar líkama sinn til að fá sitt fram og auðvitað fær hún sitt alltaf fram - Hún segir ávallt hvað hún hugsar og sér aldrei eftir neinu. Summer er dekruð pabbastelpa og hefur verið það alveg síðan foreldrar hennar skildu. Summer hefur verið draumadís Seth's síðan þau voru í barnaskóla og hann er loksins byrjaður að 'banga' hana.
Summer
5. Luke Ward (Chris Carmack)
Luke er fyrrvr. kærasti Marissu og fyrrvr. konungur Newport. Líf hans hefur verið skrítið síðan hann komst að því að pabbi hans hafi verið í langan tíma að 'banga' starfsfélaga sinn. Fyrir nokkru síðan hélt Luke framhjá Marissu og sefur núna með móður hennar - skemmtilegur gaur þar á ferð. Hann hefur nú samt skánað með tímanum og hefur hengið með Ryan, Seth og co. undarfarnar vikur. Hann er þessi 'djokkí' sem er skítsama um alla og sefur hjá hverjum sem er - hann hefur nú samt breyst heilmikið síðan hann komst að því að faðir hans er snar-snúinn.
Luke
6. Anna Stern (Samaire Armstrong)
Anna er frá Pittsburgh í Pensilvaníu en býr nú í Newport. Anna kom yfir sumarið til O.C. en fór svo í siglingu til Tahíti. Hún er svo sannarlega utankomumaður og passar varla inn í þetta samfélag en hún hefur samt spjarað sig. Hún var með Seth um tíma, en hann sýndi Summer meiri áhuga en Önnu og hún sagði honum upp. Anna er alveg ótrúlega vel gefin stúlka og mun sennilega koma eitthvað meira við sögu í þessum þáttum.
7. Oliver Trask (Taylor Handley)
Eina persónan í The O.C. sem mér er virkilega illa við. Þoli þennan gaur ekki, hann er svo ýktur eitthvað - og það er ekki leikaranum að kenna, heldur handritshöfundum. Þessi drengur kemur inn í þættina sem þessi 'fíni' strákur sem er SAMT hjá sálfræðing. Síðan sjáum við að hann kaupir eiturlyf og við grunum hann um að ljúga um tilvist kærustu sinnar - en síðan er hann strax orðinn eiturlyfjasjúklingur sem lemur sjálfan sig sér til kátínu og reynir að ræna kærustunum frá fólki. Þoli þessa persónu ekki. En allavega, þá kom Oliver inn í þættina sem vinur Marissu en fór útúr seríunni sem sambandsspillir.
Oliver

Persónurnar úr One Tree Hill.
Textann um persónurnar samdi Mariakr.



1. Lucas Scott (Chad Michael Murray)
Lucas er “eldri” sonur Dans Scott, en Dan yfirgaf hann og móður hans, Karen Rowe, áður en hann fæddist. Hann ólst upp hjá móður sinni, en Keith föðurbróðir hans var aldrei langt undan, og bætti hann Lucasi upp föðurleysið. Besti vinur hans er Haley, og fyrst um sinn eru þau tvö út af fyrir sig. En svo byrjar hann að spila körfubolta með Tree Hill Ravens, og líf hans gerbreytist. Allt í einu vill fólk vera vinir hans, eða eitthvað meira. Allir fyrir utan hálfbróður hans, Nathan, sem hataði hann til að byrja með. Kannski var þó aðeins einhverskonar öfund. Kannski fyrir að hafa sloppið við þær miklu kröfur sem Dan faðir þeirra setti honum. Meðal fólks sem sýnir Lucasi nú mikla athygli eru vinkonurnar Peyton og Brooke, en Peyton var einmitt kærasta Nathans til að byrja með. Þær vilja hann báðar, en þegar Peyton hafnar honum vegna þess að hún var ekki viss um hvort hún vildi vera með honum, fer hann að “fela sig” með Brooke, eins og Haley orðaði það. Þá verður Brooke virkilega ástfangin af honum, þannig að þegar hann og Peyton fara svo á bakvið hana verður hún mjög sár, enda er hún mjög hrædd við að verða særð. Síðan slitnar upp úr hlutunum hjá Lucas og Peyton, sambandið var næstum andvana í fæðingu. Á meðan er hann mjög ósáttur við samband Nathans og Haleyar. Kannski er hann sjálfur hrifinn af henni. Lucas sér eftir öllu sem hann hefur gert, og ákveður að flytja með frænda sínum til Charleston.
2. Nathan Scott (James Rafferty)
Nathan er “yngri” sonur Dans, hann og Lucas eru samt jafnaldrar, því að hann er bara þremur mánuðum yngri. Hann byrjaði sem “skúrkurinn” gerði Lucas lífið erfitt, vegna þess að hann þoldi ekki að hann væri til. En svo byrjar hann að reyna við Haley, bestu vinkonu Lucasar, til þess eins að ná til hans. En síðan róast hann, og verður ástfanginn af henni, sem og hún af honum. Og hún reynir að sýna þeim að hann sé ekki jafn slæmur og bróðir hans heldur. Og það tekst, þeir verða vinir. Hann er núna í smá uppreisn gegn foreldrum sínum, er búinn að skilja við þá, giftast Haley, og allt lítur út fyrir að honum sé að takast það að losna undan þeim.
3. Haley James (Scott) (Bethany Joy Lench)
Haley var upphaflega besta vinkona Lucasar og hún átti fáa aðra vini. Það voru eiginlega bara þau tvö. Hún er leiðbeinandi (tutor) í Tree Hill High, og gæti flokkast sem "nördi", þó hún sé það alls ekki. Hún er bara hlédræg. Einnig vinnur hún á Karen’s Cafè. Hún er yngsta barnið í fjölskyldunni, en lítur frekar á Karen og Lucas sem fjölskyldu sína, að einhverju leyti. Í seríu 1 hitti hún Nathan, féll fyrir honum, þau byrjuðu að vera saman, sem gekk ekki alltaf vel, og núna eru þau búin að taka upp á því að giftast. Hver veit hvernig það á eftir að ganga.
4. Peyton Sawyer (Hilarie Burton)
Peyton er algjör andstæða þeirrar hefðbundnu klappstýru sem maður á að venjast, sbr. Brooke. Hún er hæfileikaríkur listamaður, hlustar mest á rokk, og við fyrstu sýn virðist hún vera mjög einmana, sem hún er ekki. En það að alast upp án móður (hún dó þegar hún var lítil) hefur tekið sinn toll. Hún kynnist Jake, og verður mjög hrifin af honum. En þegar hann þarf að fara í burtu vegna þess að barnsmóðir hans reynir að taka barnið þeirra af honum, verður aumingja Peyton alveg niðurbrotin.
5. Brooke Davis (Sophia Bush)
Strákar, partý, klappstýrurútínur og strákar.. Þetta er það eina sem Brooke hugsar um. Eða það vill hún að þið haldið. Í rauninni er hún hrædd við það að vera yfirgefin aftur, þá á ég ekki bara við eins og þegar Lucas sagði henni upp, heldur hvernig foreldrar hennar virðast hunsa hana, og hefur hún þess vegna sett upp marga veggi í kringum sig tilfiningalega, til að forðast það að verða særð. M.a. setur hún á sig “grímu” þessarar sjálfsöruggu kynveru.
6. Karen Rove (Moira Kelly)
Karen á, eins og flestir vita, soninn Lucas með Dan Scott, en hún varð ófrísk eftir að þau kláruðu Tree Hill High. Hann skyldi hana eftir, en fór í háskóla. Hún sat eftir í Tree Hill, þar sem hún eignaðist son, sem hún skýrði Lucas. Bróðir Dan, Keith hjálpaði henni mikið, og varð eins konar föðurímynd fyrir Lucas, þó að hann vissi vel að Keith væri bara frændi hans. Karen á kaffihús í bænum, en græðir ekki mikið á því. Þegar Dan flutti aftur í bæinn vildi hann fá sameiginlegt forræði yfir syninum, en Karen vildi það ekki. Karen fékk aðeins að sleppa úr öllu dramanu í Tree Hill þegar hún fór til Ítalíu í matreiðsluskóla. Hún kom svo aftur inní allt dramað strax, en Lucas og Keith lentu í bílslysi þegar þeir voru á leiðinni að sækja hana á flugvöllinn.
7. Dan Scott (Paul Johansson)
Í stuttu máli varð kærasta Dans í miðskóla, Karen, ófrísk sumarið eftir að þau útskrifuðust úr skólanum, og Dan stóð á krossgötum, að vera eftir í Tree Hill með Karen, eða fara í háskóla og láta draum sinn um frama í körfubolta rætast. Hann valdi seinni kostinn, en var kominn í sömu spor nokkrum mánuðum síðar, þegar þáverandi kærasta hans, Deb, sagði honum að hún væri ófrísk. Núna ákvað hann að giftast henni, og eignast barnið með henni. Svo fluttu þau til Tree Hill, og með hjálp (peningum) frá pabba hennar opnaði hann bílasölu í Tree Hill. Dan reyndi að verða hluti af lífi Lucasar líka, en þegar Karen leyfði honum það ekki útilokaði hann þau úr lífi sínu. Ég held að hann hafi alltaf séð eftir því að hafa skilið Karen eftir, og hann kunni ekki að bregðast við þessari auka föðurtilfiningu í garð Lucasar, og þegar Karen vildi ekki fá hann inní líf Lucasar hunsaði hann þau alveg, og varð þess vegna svona kröfuharður gagnvart Nathani, seinni syninum. Í lokaþætti seríu eitt labbar Dan inn á Keith og Deb eftir að þau höfðu sofið saman. Hann rýkur heim til sín, en þau voru þá skilin að borði og sæng, en þegar hann er að fara að skrifa undir skilnaðarpappírana fær hann hjartaáfall.
8. Deb Scott (Barbara Alyn Woods)
Deb er eiginkona Dans, en vegna vinnu sinnar var hún mikið að heiman þegar Nathan var að alast upp, og gat ekki stöðvað Dan þegar hann lagði sífellt harðar að Nathani um að standa sig í körfuboltanum. Svo fáum við að vita allan sannanleikann, að eitt sumarið hafi hún farið frá honum, og flutt í burtu til annars manns. En hún vildi ekki fara frá Nathani, þannig að hún kom aftur. En þetta sumar var Dan sérstaklega harður við Nathan, og eins og Nathan sagði, þá breytti hann honum í það sem hann var orðinn þetta sumar. Og fyrir það vill Nathan ekki fyrirgefa mömmu sinni. Hún verður vinkona Karenar, og hættir í vinnuni sinni, og gerist meðeigandi í kaffihúsinu sem Karen á. Þegar hún er meira í bænum sér hún hvað Dan er hræðilegur, og þannig fer að lokum að hún vill skilja við hann. Í lokaþætti seríu eitt sefur hún hjá Keith, og Dan labbar inn á þau eftir á.
9. Keith Scott (Craig Sheffer)
Keith er eldri bróðir Dans Scott, en á meðan Dan gekk allt í haginn sat Keith bara á hliðarlínunni, og ég held að hann hafi öfundað bróður sinn mjög mikið þegar þeir voru í skóla, hann var hrifinn af Karen, kærustu hans, og var e.t.v. pínulítið öfundsjúkur út í körfuboltahæfileika hans. Svipar svolítið til stöðu Lucasar í byrjun 1. seríu. Þegar Dan fór í burtu og skyldi Karen eftir ófríska hjálpaði hann henni, en hann elskaði hana enn þá. Hann átti bílaverkstæði, en eftir að Dan sveik hann þegar hann keypti fyrirtækið af honum, og Karen hafnaði bónorði hans, og eftir að hafa sofið hjá konu bróður síns og Dan þurrkað hann úr lífi sínu, enginn smá listi það, fann hann enga ástæðu til að vera áfram í Tree Hill, og ákvað því að flytja til Charleston.
10. Jake Jagelski (Bryan Greenberg)
Jake er aukapersóna í þáttunum en hér koma samt sem áður nokkrar upplýsingar um hann. Hann á sem fyrr getur dótturina Jenny, en þarf að flýja í burtu þegar barnsmóðir hans kemur í bæinn og hótar að taka hana af honum. Hann er líka í körfuboltaliði Tree Hill High, og er einn af fyrstu manneskjunum í liðinu sem tekur á móti Lucasi og verða þeir ágætir félagar. Lucas er einmitt fyrsta manneskjan sem fær að vita að Jake á dóttur af aðal fólkinu í þáttunum. Peyton verður hrifin af honum, og það tekur mjög á hana þegar hann þarf að fara.





Íbúatafla Nágranna

Scott Timmins
(Ben Nicholas)





Númer 22


Lou Carpenter (Tom Oliver)
Lou er einn af þeim sem búinn er að vera hvað lengst í þáttunum. Hann er ættaður norðan frá Queensland þar sem hann gekk í skóla með Harold og Madge. Lou hefur verið með mörgum konum og hrifinn af enn fleirum. Hann var ástfaginn af Madge en hún valdi Harold. Lou á tvö uppkomin börn, Lauren og Guy með konu sem ekki er nafngreind og síðan hélt að hann ætti Louise með Cheryl Stark, en síðan kom í ljós að hann á hana ekki. Fyrir stuttu síðan giftist hann Trixie Tucker eftir stutt kynni en hún hefur þegar yfirgefið hann. Nú gerir hann hosur sínar grænar fyrir Völdu, móður Lyn. Lou er mikill braskari og tekur oft mikla áhættu í viðskiptum. Hann á helminginn í kránni og verkstæðinu en er í miklum fjárhagsvanda í dag þar sem hann lagði allt í leiksýninguna Hello Dolly sem fór algerlega út um þúfur. Hann fékk lánað fé hjá mafíósanum Rocco og gengur illa að standa við greiðslur og er því að selja allt sem honum dettur í hug, löglega og ólöglega. Harold er besti vinur Lous og hann gaf þeim síðarnefnda nýra þegar hans eigin biluðu.

Lou


Númer 24


Harold Bishop (Ian Smith)
Harold er annar tveggja sem hefur verið lengst í þáttunum, en þó með hléum. Harold féll eitt sinn í sjóinn og fannst ekki aftur. Hann missti minnið við þennan atburð en lifði hann af og birtist því aftur í Ramseygötu mörgum árum síðar og fékk minnið aftur. Harold á tvö börn af fyrra hjónabandi, þau Kerry, sem er látin og David sem nú býr hjá honum ásamt fjölskyldu sinni. Harold var til margra ára giftur æskuvinkonu sinni Madge, en hún lést fyrir nokkrum árum úr krabbameini. Harold spilaði til langst tíma bæði á sekkjapípu og túbu og var mikill áhugamaður um tónlist. Hann var einnig mjög hrifin af rótum sínum í Skotlandi. Harold var mikill mannvinur, starfaði að mannúðarmálum, m.a. í hjálpræðishernum og tók að sér unglinga og veitti þeim heimili. Harold var þar til fyrir skemmstu grænmetisæta og bindindismaður. Þetta breyttist þegar Harold fékk heilablóðfall, en það virðist hafa skaddað persónuleika hans. Harold er hættur að sinna mannúðarmálum og ekki lengur sami mannvinurinn og hann var og reyndar oft orðinn dónalegur og særandi. Sjálfur hefur hann tekið eftir þessu en ræður ekki við sig. Hann er einnig farinn að borða kjöt og drekka áfengi. Harold er leikinn af Ian Smith.

Harold


David Bishop (Kevin Harrington)
David er sonur Harold Bishops og er giftur Liljönu. Þau hjónin eiga eina dóttur, Serenu. David hafði lítið samband við föður sinn og systur þar til hann fluttist nýlega til Erinsbæjar. Hann hafði stofnað fyrirtæki með félaga sínum og stefndi hátt. Viðskiptafélaginn spilaði illa með David og skyldi hann eftir allslausan er fyrirtækið rann út í sandinn. Davið varð því að taka dóttur sína úr einkaskóla, skila fína kagganum sínum og hætta við að flytja í glæsivilluna. Fjölskyldan býr nú hjá Haroldi. David vinnur sem aðstoðarmaður hjá Körtunni en á tímabili varð hann að vinna sem “kerrustrákur” í stórmarkaði til að auka tekjunar. David er leikinn af Kevin Harrington.


Liljana Bishop (Marcella Russo)
Liljana er eiginkona Davids Bishops. Liljana er af serbnesku bergi brotin og heldur fast í serbneskar hefðir. Liljana hefur ekki þurft að vinna mikið úti en nú vinnur hún sem ritari hjá Karli lækni. Bestu vinkonur hennar eru Lyn og Susan. Liljana er leikin af Marcellu Russo.


Serena Bishop (Lara Sacher)
Serena er dóttir Davids og Liliönu Bishop og er barnabarn Harolds. Hún er frekar dekruð enda einkabarn og er vön að fá það sem hún vill. Hún byrjar á því að sækja einkaskóla, en hún hefur alltaf verið í stúlknaskólum, þangað til pabbi hennar verður gjörsamlega gjaldþrota að hún byrjar í Erinsborouh High. Serena er týpísk unglingsstelpa. Hún lifir í tískunni og hugsar mikið um stráka og er dugleg við að eyða peningum. Serena var plötuð af ljósmyndara nýlega. Hún hélt að hann væri hrifinn af sér en í raun og veru var hann að spila með hana til að selja af henni eggjandi myndir á netinu. Sem betur fer komst þetta upp þó svo að Serena hafi engu illu trúað upp á ljósmyndarann til að byrja með. Serena virðist vera svolítið hrifin af Scott Timins og það er spennandi að vita hvað gerist á milli þeirra. Serena er leikin af Lönu Sacher.

Serena


Sky Mangel (Stephanie MacIntosh )
Sky er dóttir Kerry Mangel sem lést eftir voðaskot þegar Sky var þriggja ára. Sky er alin upp af stjúpföður sínum Joe Mangel og á stjúpbróður sem heitir Toby. Joe þessi giftist síðan konu að nafni Melanie eftir að Kerry lést. Sky er dótturdóttir Harolds Bishops og systurdóttir Davids. Sky er nýkomin aftur í þættina en hún er sest að hjá afa sínum og gengur í Erinsborough High. Þegar Sky kom aftur í þættina var hún svarthærð og líktist móður sinni bæði í útliti og hegðun, en Kerry var hippi, umhverfissinni og grænmetisæta. Sky reyndi að líkjast móður sinni og var á n.k. mótþróaskeiði sem því fylgdi. Nýlega gerði Sky aftur á móti uppsteit gegn móður sinni heitinni með því að lita hárið á sér aftur ljóst og gerast “venjuleg” unglingsstelpa og líta niður á það sem hún trúði áður á (hvort sem það var svo raunverulegt eða ekki). Hún var mjög sár út í mömmu sína fyrir að hafa farið frá sér og hætt lífi sínu í þágu þess að berjast fyrir skoðunum sínum, en ekki hugsa um barnið sitt. Sky hefur því átt frekar erfitt upp á síðkastið. Sky hefur hins vegar aftur tekið móður sína í sátt eftir að gömul minningabók hennar fannst þar sem hún hafði skrifað margt yndislegt um Sky. Sky var þess vegna ekki lengur "venjuleg stelpa" og er aftur orðin "hún sjálf". Boyid Hoyland er kærasti Sky og hennar besti vinur. Sky á ekki marga vini þar sem hún sker sig úr og gerir stundum í því að vera öðruvísi en aðrir í fyrstu. Við eigum svo eftir að sjá hvort þetta breytist við breytta hegðun hennar. Sky vinnur á Kaffistofunni. Sky er leikin af leikkonunni

Sky


Númer 26



Lyn Scully
(Janet Andrewartha)
Oscar Scully
(Ingo Dammer-Smith)
Harvey
(hundur)
Joe Mangel (



Númer 28

Susan Kennedy
(Jackie Woodburne)
Susan er búin að vera í þáttunum í rúm 10 ár núna. Hún á þrjú börn, þau Mal, Libby og Bill og var gift Karli Kennedy sem hún er ný skilin við. Susan er kennari að mennt og hefur starfað við Erinsborough High bæði sem kennari og skólastjóri síðan hún flutti til Erinsbæjar.


Númer 30

Toadie Rebecchi
(Ryan Moloney)
Stuart Parker
(Blair McDonough)
Connor O'Neill
(Patrick Harvey)
Ned Parker
(Daniel O´Connor)
Bob
(hundur)



Númer 32

Max Hoyland (Stephen Lovatt)
Max kom fyrst í þættina að heimsækja börnin sín tvö sem bjuggu hjá móður hans, séra Rosie. Max hafði misst konuna sína fyrir nokkrum árum og vann á borpöllum sem yfirmaður. Max saknaði barnanna sinna mikið og ákvað að flytjast til Erinsbæjar. Hann leigði húsið af Mal Kennedy en keypti það síðan af honum. Hann keypti helminginn í kránni af Lou og vinnur nú þar. Max trúlofaðist nýlega Steph Scully sem er flutt inn til hans. Max er leikinn af Stephen Lovatt.
Max

Stephanie Jo Scully (Steph)(Carla Bonner)
Stephanie er elsta barn hjónanna Lyn og Joe sem búa á nr. 26. Steph er svokallaður stelpustrákur. Bestu vinir hennar eru strákar og hún nýtur þess að keyra mótorhjól og gera við. Steph hefur unnið hjá fyritæki með varahluti í bíla sem sendill en síðan hefur hún unnið á verkstæði Lous sem aðstoðarkona bifvélavirkja. Steph er ekki þekkt fyrir að vera kvenleg, t.d. að klæða sig upp í kjóla. Samt sem áður er hún íðilfögur. Steph hefur verið afar óheppin í ástarmálum. Hún hefur tvisvar verið með glæpamönnum sem farið hafa illa með hana auk þess sem hún var skilin eftir við altarið af Marc Lambert. Nú er hún trúlofuð Max Hoyland en þau eru í mjög traustu sambandi. Steph er leikin af Cörlu Bonner.
Steph

Boyd Hoyland (Kyal Marsh)
Boyd er sonur Max Hoyland. Boyd hefur áhuga á hjólabrettum, fótbolta og ýmsu öðru. Boyd fékk æxli við heilann sem hann hefur nýlega náð sér eftir. Hann reynir nú að komast inn í læknisfærði. Boyd er á milli kærasta eins og stendur en sú sem virðist eiga mesta möguleika hjá honum um þessar mundir er Janae Timmins. Boyd er leikinn af Kyal Marsh.
Boyd


Summer Hoyland (Marisa Siketa)
Summer er dóttir Max Hoyland. Summer er algjör prakkari og það sem hún gerði m.a. var að koma Steph og pabba sínum saman. Summer er mjög forvitin og vill helst vita allt um alla. Hún er nýfarin burt í skóla og óvíst hvort hún komi aftur. Summer er leikin af Marissu Siketa.


Isabell Hoyland (Izzy)(Natalie Bassingthwaighte)
Izzy er systir Max og býr hjá Paul Robinson eins og er.Izzy kom fyrst í þættina í n.k. heimsókn en ákvað að setjast að. Þar sem hún átti ekkert heimili fluttist hún til bróður síns en er nú að leita sér að íbúð með kærastanum sínum; Gus. Izzy er þekkt fyrir bæði karla og peningavandræði og var Max því tregur til að lána henni peninga til að kaupa hlut í kaffistofunni. Hann lét þó til leiðast og þar starfar Izzy í dag. Hún hefur þó ekki verið að flýta sér að borga bróður sínum til baka og verður móðguð ef það berst í tal. Hún er þó dugleg að eyða peningum. Izzy á auðvelt með að heilla karlpeninginn og hún vefur körlunum um fingur sér. Hún á þó erfitt með að komast í gott samband. Flestar konurnar hata hana, enda er hún talin hjónabandsnaðra. Izzy er leikin af Natalie Bassingthwaighte.

Izzy
Aðrir:

Karl Kennedy
(Alan Fletcher)
Gino Esposito
(Shane McNamara)
Lou Carpenter
(Tom Oliver)
Janelle Timmins
(Nell Feeney)
Janae Timmins
(Eliza Taylor-Cotter)
Bree Timmins
(Sianoa Smit-McPhee)
Scott Timmins
(Ben Nicholas)
Dylan Timmins
(Damien Bodie)
Síðast Uppfært: 08.08.2006 kl. 21:08 af Karat



Sýningartímar

Nágrannar (Stöð 2):

Sunnudagar - 13:30
Mánudagar - 12:25 og 18:05 (e)
Þriðjudagar - 12:25 og 18:05 (e)
Miðvikudagar - 12:25 og 18:05 (e)
Fimmtudagar - 12:25 og 18:05 (e)
Föstudagar - 12:25 og 18:05 (e)
Laugardagar - Ekki á dagskrá

Glæstar vonir (Stöð 2):

Sunnudagar - Ekki á dagskrá
Mánudagar - 09:00 og 17:40
Þriðjudagar - 09:00 og 17:40
Miðvikudagar - 09:00 og 17:40
Fimmtudagar - 09:00 og 17:40
Föstudagar - 09:00 og 17:40
Laugardagar - 12:00

Leiðarljós (RÚV):

Sunnudagar - Ekki á dagskrá
Mánudagar - 17:05
Þriðjudagar - 17:05
Miðvikudagar - 17:05
Fimmtudagar - 17:05
Föstudagar - 17:05
Laugardagar - Ekki á dagskrá

The O.C. (Skjár einn):

Ekki á dagskrá eins og er.

One Tree Hill (Skjár einn):

Ekki á dagskrá eins og er.






Tilgangur áhugamálsins

Tilgangur áhugamálsins Sápur er að vera vettvangur umræðu um Sápuóperur og alls kyns málefni þeim tengdum.
Hér eiga notendur að tala um þá þætti sem þeim finnst skemmtilegir hverju sinni og rifja upp skemmtilegar minningar með okkur hinum - en auðvitað minningar sem tengdar eru sápum. Korkarnir eru fyrir smáar umræður, en greinar fyrir þær sem stærri eru.
Kannanir og myndir mega vera allskonar, en það eru stjórnendurnir sem ráða hvað kemst inn og hvað ekki.
Ef þú ætlar að skrifa um einhverja sápu, slepptu því að segja hvernig hún endar, og stafsettu greinar vel og settu þær vel upp - og mundu að merkja hana vel (t.d. Nágrannar - 1/1 2006). Vonast er eftir opinni og fordómalausri umræðu þar sem þátttakendur umgangast hvern annan af virðingu og tillitsemi.

Þátttaka undir skjánafni á hugi.is er til þess að þátttakendur geti tekið þátt, sent inn fyrirspurnir eða svarað, með opnari huga en mögulega væri hægt undir nafni.

Skjánöfnin veita ekki leyfi til hegðunar sem er særandi eða á einhvern hátt neikvæð fyrir framgang umræðunnar.


Hugi notar vefkökur til að bæta notendaupplifun á vefsíðunni og greina umferð um hana. Einnig hefur Hugi uppfært persónuverndarstefnu sína. Skoðaðu stefnuna hér..
Ok