Steinn28 fyrir 20 árum, 1 mánuði Fjöldi lestra: 1804

Ágústus keisari

Hér er smá yfirlit yfir ævi Ágústusar keisara í Róm.

Gajus Júlíus Sesar Oktavíanus (það var upprunalegt nafn Ágústusar) fæddist þann 23. September árið 63 f. kr. Hann var frændi Júlíusar Sesars og hafði Sesar ætlað Oktavíanusi sæti sitt sem einvaldur Rómarveldis. Oktavíanus var aðeins 18 ára þegar hinn valdamikli frændi hans var myrtur í öldungaráðinu þann 15.mars 44 f.kr. Þá tók Antoníus við Róm. Þetta olli miklum deilum á milli Oktavíanusar og Antoníussar. Oktavíanus neyddist þó til að sættast við Antoníuss.

En 43 f.kr. hélt Oktavíanus með stormsveitir sínar inn í öldungaráðið og neyðir það til að láta að vilja sínum. Með þessu stofnuðu Oktavíanus, Antoníuss og Lepídus, riddaraliðsforingi Sesars, þrístjóraveldið síðara. Lepídus stjórnaði Afríku, Oktavíanus Ítalíu og Vesturlöndum en Antoníus fékk yfirráð yfir Austurlöndum. Fljótlega koma þó gallar kerfisins í ljós. Þegar Lepídus ætlar að færa út veldi sitt, sviptir Oktavíanus hann her sínum og völdum, Lepídus var þó höfuðprestur Rómar til dauðadags.

Antoníus fer síðan austur til orrustu við Þarka, óvini Rómverja. Herförin misheppnast og her Antoníusar verður fyrir slæmum höggum. Á svipuðum tíma giftast svo Antoníus og Kleopatra. Fjandskapur ítalskra Rómverja fer síðan stigvaxandi í garð Antoníusar. Þetta endar með því að farið er í styrjöld við Antoníus. Árið 30 f.kr. fremur Antoníus svo sjálfsmorð og Kleopatra fylgir í fótspor hans.

Þann 13. janúar 27 f.kr lagði Oktavíanus niður þrístjóraveldið á fundi öldungaráðsins. Öldungaráðið gaf honum nafnið Ágústus, það er hinn æruverði, guðdómlegi. Er þessi dagur oft nefndur fæðingardagur keisaraveldisins.

Nú fóru í hönd tímar friðs og öryggis, innanlands a.m.k. En jafnvel þótt Ágústus hafi verið friðsamur, lagði enginn keisari fleiri lönd undir Rómaveldið. Meðal landa sem hann lagði undir sig var Germanía. Rómverjar héldu henni þó aðeins í um áratug. Árið 9 e.kr. braust út frelsisstríð Germaníu. Það endaði með því að Ágústus hörfaði með heri sína aftur að Rín.

Ágústus keisari lést 14 e.kr. Hann var vinalaus þó hann hafi verið dáðasti keisari Rómar. Hann var mikill stjórnmálamaður en í einkalífinu gekk honum illa.

Endilega leiðréttið mig ef þið sjáið einhverjar stafsetninga- og/eða staðreyndavillur.
Heimildir:
Mannkynssaga: Fornöldin, eftir Ásgeir Hjartason.
http://www.roman-emperors.org/auggie.htm

“I'd love to go back to when we played as kids,

gthth fyrir 20 árum, 1 mánuði

Í fyrsta lagi verð ég að kvarta aðeins undan rithættinum “Sesar”. Þú fylgir heimildinni, Ásgeiri Hjartarsyni, og hann hefur þetta svona en það er miður. Hann er annars að verða kominn til ára sinna en bókin var fyrst gefin út 1943. Íslenskir fornfræðingar hafa hins vegar verið að reyna að móta reglur um meðferð nafna á fornmönnum og hafa lagt til (skynsamlega) að ritháttur verði hafður eins og í frummálinu ef þess er einhver kostur. Vandinn byrjar í grísku nöfnunum vegna þess að grískan hefur annað stafróf og þá þarf að finna reglur um umritun frá einu stafrófi yfir á annað. Þá viljum við ekki taka upp enskuskotin heiti eins og Plató, Óvíd og Plútark (sbr. Plato, Ovid og Plutarch) þegar mennirnir heita Platon, Óvidíus og Plútarkos. Menn geta rifist um broddstafi en það er langskynsamlegast að halda rithætti eins og í frummálunum. Þá heitir “Sesar” Caesar og “Síseró” sem Ásgeir Hjartarson nefnir svo heitir Cíceró. Undantekningarnar eru aðeins þær sem hefðin hefur tekið heljargreipum og neitar að sleppa eins og t.d. Hómer, Esóp og Eneas (sem ættu að heita Hómeros, Æsópos og Æneas) eða nöfn sem til eru í íslensku eins og Júlíus (ætti annars að vera Ivlivs/Iulius).

Að því sögðu langar mig að benda á að fullt heiti Octavíanusar var vissulega Gajus Júlíus Caesar Octavíanus (þ.e. á ákveðnum tíma), en það var hins vegar ekki upprunalegt nafn hans eins og þú segir. Octavíanus hét upphaflega Gajus Octavíus. Hann var vissulega frændi Caesars (sem var ömmubróðir hans) en Caesar ættleiddi Octavíus og eftir það hét hann Gajus Caesar Octavíanus. Octavíanus sjálfur bætti nafninu Júlíus við nafn sitt eftir andlát Caesars.

Það er svolítið villandi að segja að Ágústus hafi verið vinalaus, en kannski áttu bara við að hann hafi dáið vinalaus. Annars átti hann um ævina nokkra góða vini, t.d. einn sem hét Agrippa og annan sem hét Maecenas. Sá síðarnefndi kynnti Ágústus fyrir skáldunum Virgli, Hóratíusi og Óvidíusi. En Virgill sem samdi Eneasarkviðu í áróðursskyni fyrir Ágústus lést á undan Ágústusi og Óvidíus hafði styggt Ágústus sem sendi hann í útlegð til Svarta hafsins.

___________________________________

Fyrra álit

Steinn28 fyrir 20 árum, 1 mánuði

Takk fyrir þetta. Þetta var mjög fróðlegt svar og greinilegt að þú veist mikið um þetta.

“I'd love to go back to when we played as kids,

Fyrra álit

gthth fyrir 20 árum, 1 mánuði

Ég er reyndar enginn sérfræðingur um Ágústus en ég það má segja að ég sé að verða fornfræðingur :)

___________________________________

Fyrra álit

[Notanda eytt] fyrir 20 árum, 1 mánuði

já, Ágústur er ágætur en alltaf haft mest gaman af að lesa um Tiberius sem tok við af honum og stjórnaði frá 14e.kr til 37 e.k

Fyrra álit

gthth fyrir 20 árum, 1 mánuði

Í alvöru? Mér finnst Ágústus tvímælalaust áhugaverðari keisari :)

___________________________________

Fyrra álit

gthth fyrir 20 árum, 1 mánuði

Já, svo gleymdi ég auðvitað aðalatriðinu: Gaman að fá grein um Ágústus :)

___________________________________

Fyrra álit

Toffy fyrir 20 árum, 1 mánuði

hann var tvímanalaust mjog áhugaverður kanski bara næst áhugaverðas keisari rómarveldis á eftir Julius cesar..

þes má til gamans geta að hann var opinlega samkynhneigður skýrði meðal annars borg í höfuðið á ástmanni sínum. Ég man nú ekki hvað hún heitir en hvað með það mjög flot grein

Fyrra álit

Toffy fyrir 20 árum, 1 mánuði

hann var tvímanalaust mjog áhugaverður kanski bara næst áhugaverðas keisari rómarveldis á eftir Julius cesar..

þes má til gamans geta að hann var opinlega samkynhneigður. skýrði meðal annars borg í höfuðið á ástmanni sínum. Ég man nú ekki hvað hún heitir en hvað með það mjög flot grein

Fyrra álit

delphi fyrir 20 árum, 1 mánuði

Tvímanalaust??? *arrrghhhh augun mín…brenna*

Fyrra álit

gthth fyrir 20 árum, 1 mánuði

Júlíus Caesar er auðvitað áhugaverður líka, en strangt tekið var hann ekki keisari. Orðið “keisari” er myndað af nafni hans en valdsviðið og “embættið” varð ekki til fyrr en með Ágústusi og mótaðist á mjög löngum valdatíma hans. Steinn28 bendir reyndar á þetta í greininni þegar hann segir að fæðingardagur keisaraveldisins sé í raun þegar Octavíanus hlaut viðurnefnið Augustus :)

Það eru til margar sögur um kynhneigð frægra manna í fornöld, bæði um stjórnmálamenn og skáld, eins og Hóratíus, og aðra. Þessum sögum er oft ekki treystandi. Sagnaritarinn Svetonius hefur þær margar eftir um fyrstu keisarana en Svetonius er ekki alveg fullkomlega örugg heimild. Hann er meira eins og “Séð og heyrt” fornaldar, að minnsta kosti þegar hann er að tala um alls kyns sögusagnir um kynhneigðir manna sem er sérstakt áhugamál hans :)

___________________________________

Fyrra álit

BoggiGudfadir fyrir 20 árum, 1 mánuði

Flott grein hjá þér Steinn haltu áfram að senda inn!

Kveðja
*boggi35*

P.S.
Ég er svo stoltur af þér, “oh my little Stein is growing up(snökt)”

Fyrra álit

Steinn28 fyrir 20 árum, 1 mánuði

Takk Boggi, það er alltaf gott að fá hrós frá þér.

“I'd love to go back to when we played as kids,

Fyrra álit

BoggiGudfadir fyrir 20 árum, 1 mánuði

Ég veit það ég er t.d. alltaf að hrósa mér ;)

Kveðja
*boggi35*

Fyrra álit

Sagnfræði

Sagnfræði

Ofurhugar

Stjórnendur

Hverjir eru inni

Greinar

Ágústus keisari

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi