Þetta er ekki spurningin að vera sáttur eða ósáttur heldur að hafa röð og reglu á hlutunum. Eftir því sem koma út fleiri leikir þeim mun flóknara og skrítnara verður þetta.

Taktu bara þessa umræðu sem dæmi. Það er þráður sem heitir MMORPG sem er staðreynd. Það er að koma út MMORPG leikur World of Warcraft. Þá eru umræðurnar undir Blizzard leikir, sem er frekar út úr kú.

Til hvers að setja upp þræði ef ekki er hægt að halda utan um þá á rökrænan hátt. Það er það eina sem ég var að ræða um.

Ég minni ennfremur á það að MMORGP þráðurinn hét upphaflega Everquest. Þ.a. það eru fordæmi fyrir því að þráðum sé breytt til að endurskipuleggja hlutina.

Ég ítreka líka enn einu sinni af hverju að hafa þráð sem heitir Baldur's Gate þegar undir honum eru t.a.m. umræður um Neverwinter Nights og Torment og ugglaust fleiri leiki. Sama má örugglega segja um Black and White þrátt fyrir að sá þráður sé enn í notkun þá eru fáir sem pósta á hann.

Er ekki ráð að skipta áhugamálin niður í undirflokka leikja og hafa þá einstaka leiki undir hverjum undirflokki. ´

Vilhelm hvað varðar það að ég hafi samband við vefstjóra þá, já gæti ég það vissulega en munurinn er sá eð ég er ekki stjórnandi á neinu af þessu áhugamálum ólíkt þér. Ef þín viðbrögð eru þau að ég eigi að hætta að lesa þennan vef ef ég er ósáttur þá tek ég ekki undir það. Ég er ekki ósáttur það er þinn undarlegi misskilningur. Hins vegar er ég að leggja til jákvæðar breytingar sem myndu auka ánægju notenda af því að nota þennan vef.

Ég vil líka þakka þeim sem hafa verið að skrifa greinar og koma með innlegg hingað á vefinn og hvet fólk til að halda því áfram.