Dissection - Storm of the Light's Bane. Þetta er mín uppáhaldsplata og hérna er smá dómur um hana sem ég gerði sem íslenskuverkefni:

Storm of the Light's Bane er önnur breiðskífa sænsku hljómsveitarinnar Dissection. Hljómsveitin var stofnuð árið 1989 í smábænum Strömstad í Vestur-Svíþjóð og naut fyrsta breiðskífa þeirra, The Somberlain, nokkurra vinsælda. Storm of the Light's Bane, eða Stormur Ljóssins Bana ein og það útleggðist á íslensku, kom út árið 1995 er hins vegar platan sem kom Dissection á kortið.

Lögin á þessari plötu eru heldur í lengri kantinum eins og tíðkast oft hjá jafn tæknilegum hljómsveitum og þessum sænsku drengjum. Þau verða síður en svo langdregin þar sem farið er með hlustandann í ferðalag. Eina stundina er maður staddur í trjálundi þar sem engill dansar og skuggaleg vera fylgist grannt með en fyrr en varir er engillinn dáinn og við fylgjumst með ferð hans til þess staðar sem látnir englar hvíla á. Fjölbreytnin og athyglin sem þeir veita smáatriðum spila vel saman og vinna að því að skapa sem besta heild. Hver og einn hljóðfæraleikari gefur allt sitt og úr verður það meistaraverk sem Storm of The Light's Bane er.

Af hverri einustu nótu og höggi drýpur illskan, myrkrið, eymdin og guðlastið. Dissection er greinilega miklir aðdáendur þungarokks af gamla skólanum og mætti segja sem svo að þeir séu þungarokkssveit sem dvalið hefur í vítislogum í árþúsundir og séu komir á jörðina til þess að láta okkur þjást með þeim…

…og við njótum þess.
The waves come crashing as I sail across the waters,
And I hope against hope that the cold steel hull will carry me to salvation.