Já, Zak er algjör snillingur í BJJ enda búinn að æfa það frá því hann byrjaði að skríða ;) Hann er búinn að tappa alla hér út meira og minna, á einhvern hátt, jafnt Mjölnismenn sem júdómenn (já, Bjarni Skúla er í þeim hópi!). Enda drengurinn teknískur með afbrigðum og afar sterkur miðað við þyngd (eins og sést þegar hann tekur á ketilbjöllunum). Hann er fæddur 1989 (ári yngri en Gunni) og eitthvað rétt rúm 60kg skilst mér. Zak er jafnframt einn örfárrar “útlendinga” sem hefur unnið til verðalauna á heimsmeistaramótinu í BJJ í Brasilíu. Hafnaði í þriðja sæti á síðasta móti og tapaði aðeins á stigum í undanúrslitum.

Gunni er í skýjunum eftir að hafa rúllað með honum undanfarið og allt Mjölnisgengið. Maxwell pabbi hans fór líka mjög fögrum orðum um Mjölni og standardinn hjá félaginu. Sagði hann vera afar háann og er ákveðinn í að koma aftur. Við hlökkum mikið til að halda áfram sambandi við þá feðga.