Ég er nú nokkuð sammála þessu þó ég æfi ekki TKD. En mér finnst þetta eiga við um flest allar bardagalistir. Maður verður einfaldlega að æfa bæði tækni og sparring að mínu mati.

Góð pæling og algeng.

Ég sjálfur hef æft mikið sparring og hef eins og þú segir fundið það koma niður á grunntækni. En það þýðir ekki að væla yfir því, maður verður þá bara að leggja meiri áherslu á grunntækni. Poomsae og grunntækni eru nottlega það sem gerir Taekwondo að því sem það er. Ef við hefðum það ekki þá værum við bara að æfa kickbox.

En í dag legg ég meiri áherslu á grunntækni, en held alltaf í sparring þáttinn og passa mig á að gera þolæfingar og fleira ef ég skyldi ætla mér í sparringið fyrir alvöru aftur.

Svo er auðvitað bara vinna að ætla sér að vera góður í báðu og krefst sennilega meira en hefðbundins æfingatíma.

Jæja blablabla matartíminn er víst búinn.

<br><br>jollyboy6

Sparring á einungis að vera mjög lítill partur af TKD. Sparring er í raun að eyðileggja TKD með því að fleiri og fleiri félög æfi aðallega sparring og (ég er ekki eingöngu að tala um ísland) leggi kannski mun minni áherslu á Grunntækni,skrefabardaga og Poomse sem skiptir messtu máli að æfa. Það sem er líka sjaldnast æft er alvöru sjálfsvörn þannig að algent er að fólk sem æfir TKD kann ekkert að verja sig samkvæmt hefðum bardagalistarinnar því sjálfsvörn er lítið sem ekkert kennd í sumum félögum.

Það má vera að manni finnist leiðinlegt að æfa tækni eða að manni finnist leiðinlegt að sparra. Gott og vel. En athugum hvað gerist ef maður sleppir öðru hvoru eða stundar það nánast ekki neitt:

Ef maður sleppir sparring, þá lærir maður ekki að nota tæknina í “lifandi” aðstöðu. Maður lærir grunntæknina en mun ekki hafa vald á að vinna vel með hana á móti andstæðingi sem berst tilbaka. Þegar maður framkvæmir einhverja tækni í sparring, þá er hún sjaldnast alveg nákvæmlega eins og hún er æfð í tækniæfingum. Maður verður yfirleitt að halla sér örlítið þangað, færa sig hingað, nota fleiri skref, setja bragðið upp o.s.frv. Ég held að flestir sem hafa eitthvað vit á grunn sparring séu sammála þessu.

Ef maður sleppir tækniæfingum þá er mikil hætta á að maður staðni og noti alltaf sömu brögðin. Þó að það geti reyndar stundum verið allt í lagi þá getur það einnig gerst að þessi “uppáhaldsbrögð” fari að ryðga. Þú vilt hafa vopnin þín beitt og það gerist m.a. með því að æfa grunntæknina.

Ef við líkjum þessu við skylmingarmann þá mætti segja að tími í grunntækniæfingar sé jafngilt því að sverðið sé beitt og að tími í sparring sé jafngilt því að maður sé fimur og góður að skylmast með þessu beitta sverði sínu. Góður skylmingarmaður með bitlaust sverð er álíka gagnlaus og lélegur skylmingarmaður með beittasta sverð í heimi.