Ef þú vilt fræðast um aikido get ég bent þér á ýmislegt lesefni á netinu.

Fyrst skal telja heimasíðu Aikikai Reykjavík sem er http://here.is/aikikai
Þar eru upplýsingar um hvar aikido er æft á Íslandi, hvað það kostar og allar praktískar upplýsingar. Einnig má þar finna lesefni um upphaf aikido og megininnihald, gráður og tilgang.

Kjartan Clausen heldur uppi einum besta vefnum um aikido á netinu á http:www.aikidofaq.com
Þar er nánast allt sem þú þarft vita um aikido til að fá grunnhugmynd um hvað listin snýst.

Í þriðja lagi er svo bara langsniðugast að kíkja á æfingu hjá Aikikai Reykjavík, horfa á og spyrja um það sem þú þarft vita. Ég veit að það verður tekið vel á móti þér þar og öllum spurningum svarað af kostgæfni. Húsnæði félagsins er á annarri hæð í Faxafeni 8, gengið inn Miklubrautarmegin. Kort yfir staðsetninguna má finna á here.is/aikikai og einnig töflu yfir æfingatíma.

obsidian

Persónulega hef ég ekki mjög mikla reynslu af þessum íþróttum en ég held að það sé svosum enginn rosalegur munur á líkamlegu erviði í þessum tveimur. Munurinn er aðallega sá að Akido er svona meiri dans kannski það snýst meira um það að leiða árásina frá sér og að nota kraft andstæðingsins til að henda honum sjálfum niður, og það eru einnig lásar í Akido til að halda mönnum. Jujitsu er meira um það að snúa menn niður og halda þeim án þess að þirfa að nota mikið afl. Það er stundum sagt að þegar þú ræðst á Akido mann þá finnuru að þú getur ekkert ráðist á hann en ef þú ræðst á jujitsu mann þá geriru það ekkert aftur.

halló ég æfi ju jitsu og hef farið á æfingu með aikido ju jitsu er meiri svona lásar og köst en aikido svona
meiri lásar <br><br>CS:[.BBC.]A8r0)(
Irc:A8r0X

Bæði sportin ganga mikið út á það að tveir æfa saman. Annar er árásarmaðurinn og hinn er í vörn. Yfirleitt er árásartegundin ákveðin fyrirfram í sérhverri æfingu, þ.e. kýling, spark, tak, o.s.frv. Árásarmaðurinn kýlir (og varnarmaðurinn veit að hann ætlar að kýla og yfirleitt hvert hann ætlar að kýla) og varnarmaðurinn blokkar höggið og framkvæmir eitthvað bragð. Svipað gildir um spörk og tök (þar sem gripið er í fötin, eða utan um líkamann, eins og t.d. hálsinn eða um mittið).

Þetta á allt við um bæði jiu-jitsu (það sem er kennt á Íslandi (japanskt), ekki rugla því saman við brasilískt jiu-jitsu) og akido.

Förum svo örlítið í basic muninn á þessu tvennu:

Segjum að árásarmaðurinn kýli og varnarmaðurinn eigi að framkvæma eitthvað bragð til að verjast þessu.

Í akido má varnarmaðurinn aldrei kýla eða sparka, bara læsa liðamótum og/eða kasta. Höggið er fyrst blokkað. Síðan er farið í lás og/eða kast sem er oftast gert með hringhreyfingum, þ.e. hreyfingarnar eru miklu meira bogalínur en beinar línur þar sem árásinni er beint í burtu. Stundum er högg “feikað” áður en farið er inn í bragðið til að koma andstæðingnum úr jafnvægi. Það er mikilvægt að koma honum úr jafnvægi til að bragðið sé auðveldara fyrir mann.

Í jiu-jitsu blokkar maður höggið en allar hreyfingar eru einfaldari og línurnar meira beinar en í akido. Það má deila um hvort sé betra, einfaldleiki og örlítið meiri harka eða bogalínur sem ganga út á að nota styrk andstæðingsins gegn honum. Í jiu-jitsu er mjög oft kýlt í viðkvæma staði beint eftir blokkið, eins og í þindina (solar plexus, á milli maga og bringu). Þetta er gert til þess að koma árásarmanninum úr jafnvægi, eins og er gert með feik höggum og hringhreyfingum í akido. Síðan er farið í lás, kast eða högg. Ég hef heyrt jiu-jitsu lýst sem hrúgu af fantabrögðum, sem er í raun og veru bara gott mál.

Sjálfur hef ég bara æft jiu-jitsu og júdó en hef lesið mér ágætlega til um akido og þekki fólk sem stundar það af kappi. Ég mæli með því að þú prófir þetta allt (yfirleitt er boðið upp á prufutíma) og veljir það sem þér þykir skemmtilegast.

Persónulega tel ég að júdó sé best hérlendis fyrir sjálfsvörn, því þar glímir maður við andstæðing sem streitist á móti en lætur ekki kasta sér. Jiu-jitsu er með flott einföld fantabrögð sem geta komið fólki á óvart og ef þú velur það, reyndu þá að einbeita þér að því að hafa árásirnar sem raunverulegastar og mastera einföldu brögðin frekar en þau flóknu eins og sum köstin sem eru kennd betur í júdó. Að sumu leiti eru fallegustu brögðin í akido, þar sem lögð er áhersla á innri sjálfsstjórn og hringhreyfingar.

Gangi þér vel.