ég kveikti á nokkrum ilmkertum
hellti rauðvíninu í glösin
opnaði nuddolíuflöskuna
og horfði á þig nakta
ofan á rúminu
í töfrandi kvöldhúminu…

lagðist kylliflatur fyrir fegurð þinni
við hliðina á þér
byrjaði að kyssa þínar silkivarir
strauk þér laust um dúnmjúkt hárið
og horfði á þig nakta
ofan á rúminu
í töfrandi kvöldhúminu…

strauk þér blítt um brjóstin
strauk þér blítt um hendur
strauk þér blítt um maga
strauk þér blítt um læri…
en engin svipbrigði…

þú lást þarna eins og ýsuflak
er ég strauk og nuddaði þitt bak
þú lást þarna tómeygð og dauf
er ég strauk blítt um þína…

tóm augu þín mættu spurulum augum mínum
hafði ég gert eitthvað af mér?
hafði ég gert einhver mistök?
hafði ég gleymt einhverju mikilvægu?
hafði ég sært þig á einhvern hátt?

…

settist vondaufur á rúmkantinn
og starði daufum augum út í myrkrið
meðan þú lást enn
hreyfingarlaus og þrjósk…

rak augun loksins í kassann á gólfinu
og það rann upp fyrir mér ljós:






“battery not included”