Gyzmo fyrir 23 árum, 3 mánuðum Fjöldi lestra: 441

Reglur og hversvegna þær eru til

Ég las greinina Reglur lögreglu “lýðveldisins” Íslands og einnig umræðuboxin undir henni, og mér fannst að ég yrði að skrifa örfá orð um þessa umræðu.

Xavier eins og vanalega var ötull talsmaður okkar sem spilum þessa íþrótt, ef fleirri litboltaunnendur myndu kynna sér hvað er að gerast í kring um þessa íþrótt og hvernig hlutir munu þróast í framtíðinni þá held ég að fyrrnefnd grein hefði orðið töluvert styttri.

til að svara nokkrum spurningum greinarhöfunds og hinna svarenda þá skal ég segja ykkur svolítið, litbolti er það ný íþrótt (a.m.k löglega) að yfirvöld vilja skiljanlega hreyfa sig hægt, gott dæmi er að um daginn sá ég þátt í sjónvarpinu þar sem fjórir strákar tóku merkjarana sína og fóru á fyllerí og skutu á vegfarendur, ég var að horfa á þetta með foreldrunum mínum og fékk skiljanlega kommentið: já þið eruð semsagt svona að skemmta ykkur í litbolta.
Það sem við þurfum að gera er að sýna þolinmæði og sanna fyrir yfirvöldum og öðrum þrýstihópum í landinu að við erum ekki bara óvitar heldur ábyrgt fólk.

Með verðið hef ég þetta að segja, að byrja með nýja hlut sem er umdeildur er alltaf erfitt hvort sem þú ert einstaklingur eða fyritæki, bíðið í ár og kvartið síðan yfir að þessi íþrótt sé dýr.

Og með kickboxið, ég man ekki betur en að það hafi tekið mörg ár að koma því í gegn.

Sjáumst á vellinum
Gyzmo
(LBFR)

qeySuS fyrir 23 árum, 3 mánuðum

kickbox var aldrei bannað það hefur verið kennt síðan 94/95 af jimmy veit ég. Hnefaleikar eru bannaðir ekki KickBox, 2 ólíkar íþróttir og skal ekki líkja saman.

Fyrra álit

mimir fyrir 23 árum, 3 mánuðum

Það er samt augljóst að reglugerðin er meingölluð. Mér sýnist líka að hún sé sniðin fyrir afþreyingarfyrirtæki sem selja almenningi aðgang. Það er ekki gert ráð fyrir að þetta sé stundað sem íþrótt.
Að banna einstaklingu að eiga þetta er einfaldlega fáránlegt þegar næstum hver sem er getur eignast riffil og farið að plaffa fólk úr Hallgrímskirkjuturni.

Svo er reglugerðin einfaldlega illa skrifaður texti:
“Enginn má flytja inn litmerkibyssur í atvinnuskyni nema með leyfi ríkislögreglustjórans.”
Hvað með þá sem eru ekki að flytja inn byssur í “atvinnuskyni”?
Og svo:
“…og skulu merkibyssur og litboltar aðskilin í læstum hirslum.”
Í venjulegum vopnalögum er þetta ákvæði þar sem skotkrafturinn kemur frá byssukúlunni en í litbolta kemur krafturinn frá þrýstihylki.

Hvað hefur verið gert í því að fá reglugerðinni breytt?

Fyrra álit

daxes fyrir 23 árum, 3 mánuðum

Skotvopnalöggjöfin skilgreinir allt sem skotvopn.

Þ.e. allt sem með einhverjum krafti, sprengikrafti, þrýstilofti, fjaðurkrafti og svo framvegis þeytir einhverjum hlut (skeyti) af stað.

Það eru allt skotvopn og fellur undir ramma þeirra.

Til að vitna í lögin :
Með skotvopni er í lögum þessum átt við vopn eða tæki sem hægt er með sprengikrafti, samanþjöppuðu lofti eða á annan sambærilegan hátt að skjóta úr kúlum, höglum eða öðrum skeytum.

Þannig að það er alveg klárt að merkjarar falla undir lögin. Málið snýst um að skilgreina merkjara þannig að undanþágan í d-lið 3 málsgreinar geti átt við :
Ákvæði laganna gilda ekki um eftirgreind tæki og efni, en ráðherra getur sett um þau sérstakar reglur:
d. önnur tæki og efni sem valda óverulegri hættu samkvæmt ákvörðun ráðherra.

Það er einmitt þessi grein sem opnar fyrir möguleikann á því að við fengum litbolta í gegn. Við þurftum að sýna fram á það að hættan væri óveruleg. Það tókst

Tillaga mín um skilgreiningu merkjara, sem ég ræddi nokkrum sinnum ítarlega við lögfræðinginn þar er sú sem síðan kom í reglugerðina :
Reglur þessar gilda um kolsýru-, loft- og fjaðurbyssur sem ætlaðar eru til notkunar í litboltaleik. Skilyrði þess að ofangreindar merkibyssur, falli undir reglurnar en ekki ákvæði vopnalaga um loftbyssur, er að þær séu eingöngu hannaðar til að skjóta litboltum sem eru a.m.k. 16 mm í þvermál.

Þetta er góð skilgreining því hún takmarkar íþróttina ekki við kolsýru, sem getur hentað illa við það hitastig sem við búum við. Aðrar lofttegundir eins og andrúmsloft og nitur missa ekki þrýsting við kulda eins og kolsýra og það er hér með opið fyrir notkun þeirra.

En betur má ef duga skal….til að íþróttin springi út þarf að fá einhverja tilslökun á einkaeigu merkjara, en það er nokkuð ljóst að við þurfum að sýna fram á að við getum unnið eftir reglunum nú í ár, með góðum árangri til að eiga einhvern möguleika á að það verði hlustað á okkur….

Reglugerðina með athugasemdum mínum má lesa á :
http://paintball.simnet.is

kv.
DaXes

Fyrra álit

lucifer665 fyrir 23 árum, 3 mánuðum

Ég hef voðalega lítið við þetta að bæta. Þarna fyrir ofan var hitt þú beint á naglan. Það að þetta er ekki en orðin íþrótt á Íslandi, heldur er þetta sett undir sama hatt og skotveiði. ÞEgar þú minnist á fiflin sem voru að drekka sig fulla og skjótta á fólk, datt mér í hug þeir sem gera það sama nema með haglabyssu eða rifli.

Kickbox og aðrar Asíu íþróttir lúta ekki sömu reglum hér og Box. Thai Kickboxing er hættulegri íþrótt en OL-box. Hversvegna er það leyft en ekki box, maður jú sparkar ekki í boxi, bítur aðeins en ekkert spark.

Ég er kannski svona þreyttur á að rífast við lögregluna um þetta, ég var að þvælast pínu í þessu 94-96 og gafst upp, bara fordómar frá lögregluni. Næst skulum við banna fótbolta, það drepast fleiri í því sporti en nokkru öðru, jafnvel þótt maður telji ekki stríðin sem það sport hefur komið af stað.

Jæja ég fór pínu-útfyrir.

Kettir eru fremur viðkvæm dýr sem geta þjáðst af ýmsum kvillum. Ég hef þó aldrei vitað til þess að köttur ætti erfitt með svefn. Joseph Wood Krutch

Fyrra álit

jaramjoll fyrir 23 árum, 2 mánuðum

Sú vinna sem nú þegar hefur farið fram er frábær. Hvern hefði órað fyrir því að litabolti ætti eftir að verða leyfður hér heima, þetta er alveg með ólíkindum.

það er hinsvegar eitt sem hefur alveg gleymst. Það er, að það eru örugglega fullt af litaboltaspilurum með skotvopnaleyfi og ættu með réttu að geta keypt sér merkjara eins og venjulega haglabyssu eða highpower veiðiriffil.

Það er alltaf verið að hugsa um að fá undanþágu fyrir þá sem eru undir aldri. Hvað með okkur sem erum orðnir hundgamlir og erum með skotvopnaleyfi og eigum vopnabúr sem miðlungs pakistönsk hryðjuverkadeild gæti verið stolt af. Ég vil geta átt minn merkjkara löglega og ekki þurft að vera stressaður yfir löggunni í hvert einasta skipti sem ég spila. Ég á 2 merkjara og hef verið að spila við nokkra félaga í frekar lokuðum hópi.

Hey! á meðan ég man hefur einhver spilað paintball í Landmannalaugum, það er klikkað.

Eins og ég sagði áðan á ég 2 merkjara sem kostuðu sitt og ég sé ekki alveg framá að ég fari að kaupa fleiri merkjara í gegnum eitthvað félag, þó það sé ekki slæm hugmynd fyrir þá sem eiga ekki merkjara fyrir. Hvernig á að taka á þeim sem eiga merkjara fyrir??

Svo er annað ég er þeirrar skoðunnar að við sem stundum þessa íþrótt eigum að kalla vopnin merkjara, en ekki vopn eða byssur. Ég er þeirrar skoðunnar að ef við gerum þetta þá fjarlægjumst við þessa stríðsímynd og almenningur og blessaða löggjafavaldið fer kannski að taka okkur alvarlega en ekki bara einhverja bjána í byssó.

Svo var það bara eitt að lokum. Ég veit að þetta tekur tíma og allt það, en það er bara svo erfitt að vera þolinmóður þegar sumarið nálgast eins og óð fluga og útlit er fyrir að maður verði að eyða stórfé hjá þeim sem eru með vellina. Það er bara ekki í lagi.

Fyrra álit

ztaezz fyrir 23 árum, 3 mánuðum

Það er nú ekkert nýtt að stjórnvöld fari sér hægt, eini sénsinn er að koma þessu inn rétt á undan fríi hjá þeim.

Fyrra álit

doji fyrir 23 árum, 3 mánuðum

Það er ekki nóg að gerast á þessu áhugamáli.

Fyrra álit

Gyzmo fyrir 23 árum, 3 mánuðum

Þá verðum við að sjá til þess að meira fari að gerast svo litbolti deyji ekki vegna áhugaleysis okkar, því við erum eftir allt fólkið sem mun móta hann á næstu árum.

Fyrra álit

Litbolti

Litbolti

Ofurhugar

Stjórnendur

Hverjir eru inni

Greinar

Reglur og hversvegna þær eru til

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi