Nei, öll svör sem ég hef gefið í þessum þræði eru byggð á minni eigin skoðun, ekki þinni skoðun eða einhverju almannaáliti. Svar mitt til Gexus, en hans svar var einmitt byggt á HANS eigin skoðun, byggði upp umræðu um sem snerist út á það að hann ætti að rökstyðja eigin skoðun. Þegar þú blandaðir þér í umræðuna, það er að segja með því að segja að þú værir sammála Gexus, þá tók ég því svo að þú hafir verið að viðra þína eigin skoðun. Fyrsta svar mitt til þín í umræðu okkar innihélt málsgreinarnar “Það eitt að þú sjáir ekkert spennandi framundan þýðir það ekki að aðrir sjái ekkert spennandi framundan. Því öll erum við jú frábrugðin.” Þar undirstrikaði ég að aðalmálið í umræðunni væru persónulegar skoðanir fólks en ekki almannaálit.

Þegar þú spurðir mig hvað væri spennandi framundan á Xbox 360 gaf ég þér svar sem var algjörlega byggt á minni eigin skoðun. Ef ég hefði farið þína leið, það er að segja að hundsa algjörlega allt sem ég hef verið að koma á framfæri í þessari umræðu, og notað almannaálit, þá hefði ég m.a. getað nefnt aukapakkana tvo fyrir Grand Theft Auto IV, Mass Effect 2 og Forza Motorsport 3. Ég gerði það hins vegar ekki þar sem ég persónulega treysti mér ekki fyrir að segja hvað eigi eftir að verða gott og hvað ekki, alveg eins og þú hefur enga tryggingu fyrir því að Killzone 2, Heavy Rain eða Uncharted 2 verði góðir eða slæmir leikir, burtséð frá því hvernig fyrri leikir í seríunni/fyrri leikir framleiðandanna eru.

Svo nei, ég er ekki að tapa neinum rökræðum hérna þar sem þær áttu sér aldrei stað. Það eina sem átti sér stað hér að minni hálfu voru skoðanaskipti. Ef þú ert á öðru máli þá er þér velkomið að senda öllum á PSN vinalistanum þínum skeyti um að þú hafir “unnið einhvern Xbox fanbot í rökræðum á netinu” (og svo það komi skýrt fram núna, þá er ég ekki Xbox fanbot, ég var að láta senda til mín PlayStation 3 tölvuna mína en ekki Xboxið mitt í vikunni).

Og hana nú.