Rangt? Á hvaða hátt? Hvaða vísindalegu tilraunum gætum við beytt til að komast að því?
Ég þykist ekki vita allt. Ég þykist ekki vita það að þessi mynd sé ofmetin. Það er hinsvegar mitt álit að þessi mynd fái einum of mikið lof miðað við gæði. Þér finnst hún ekki vera ofmetin. Þér finnst hún geðveikt töff og æðisleg. Ég get hinsvegar ekki horft á þessa mynd án þess að fá kjánahroll í bylgjum og heiftarlega ógleði. Mér finnst hún klisjukennd og þreytandi, og því er ekki óeðlilegt að það fari í mínar fínustu þegar allir í kringum mig tala um það hvað þetta er mikið afrek í kvikmyndagerð. Þetta er mjög svipað þeirri tilfinningu sem ég fæ þegar ég er spurður afþví hvort að ég hafi séð Idolið um helgina.
Lykilorðið í þessu öllu saman er að sjálfsögðu “finnst”. Mér finnst þessi mynd algjört rusl sem á ekkert gott skilið, en það er að sjálfsögðu bara mitt mat. Ég get ekki gefið hlutlaust vísindalegt mat á gæði myndarinnar.
Ef þú ætlar ekki að segja mér hvað það er sem gerir þessa mynd svo frábæra þá er nokkuð víst að þessi umræða nær ekki miklu lengra en þetta. ;)