Þetta voru náttúrulega mínar skoðanir og fannst algjör óþarfi að lauma “mér finnst” að. Þetta voru ekki alhæfingar heldur eitthvað sem mér fannst. Það er náttúrulega ekki hægt að alhæfa eitthvað svona rétt eins og með hvað annað.

Hitt fangelsisdramað hans er The Green Mile og næsta væntanlega mynd með honum heitir Fahrenheit 451. Ég veit því miður ekki hvaða leikarar koma við sögu en ég býst við stórleikurum.

Fólk hefur líka sagt þetta með alhæfingarnar við mig. Mér finnst bara sjálfsagt að fólk líti á allt sem e-r hérna á huga segir sem skoðanir hans og ekkert meira en það. Ef þú segir ‘þetta er besta mynd sem hefur verið gerð’ segirðu ekki beint að það sé þitt álit en er það ekki nokkuð ljóst?

Erfitt að halda svona nokkru fram, bæði varðandi LotR og í raun allar aðrar myndir.

Það hvernig fólk flokkar sínar uppáhalds myndir byggist auðvitað á því hverju það er að leita að í kvikmyndum. Mikilli spennu. Afþreyingu. Sjónrænu listaverki. Góðum leik. Skemmtilegri eða djúpri sögu. Persónulega er Hringadróttinssaga efst á lista yfir mínar uppáhalds myndir (og sjálfur er ég nú 19 ára gamall) og það að “ákveða” að myndir Peters Jackson séu einungis á lista yfir uppáhalds myndir heimsbyggðarinnar vegna þess að “öllum 13 ára krökkum finnst þær kúl” er nú helst til djúpt í árinni tekið. Ég er reyndar mikill áhangandi verka Tolkiens eins og þau leggja sig, og því eflaust einhver möguleiki á því að ég sé eilítið hlutdrægur, en sú vinna sem PJ og allir þeir sem að gerð myndanna komu, lögðu í þær er vissulega stórkostlegt afrek. Ég trúi ekki að nokkur maður geti neitað því, hvort sem hann hefur lesið bækurnar eður ei. Þetta varð mér aukinheldur öllu ljósara eftir að hafa skoðað aukaefnið á EE útgáfum myndanna og er ég þeirrar skoðunnar að LotR sé engu minna “listaverk” en Shawshank Redemption (sem er vel á minnst í öðru sæti á listanum yfir mínar uppáhalds myndir, auk SPR og Schindler's List).