Mr. Deeds **1/2 / ****

Frumsýnd á Íslandi: 11. október
Aðalhlutverk: Adam Sandler, Winona Ryder, Peter Gallagher, John Turturro.

Í Mr. Deeds leikur Adam Sandler Longfellow Deeds, eiganda pizzustaðar í litlum smábæ sem erfir 40 billjónir dollara eftir frænda sinn. Við þetta breytist líf hans mikið og hann flytur til New York, þar sem allir vilja komast að því hver þetta er sem erfði alla þessa peninga og hvað hann ætlar að gera við þá. Winona Ryder leikur fréttakonu sem fer í gervi smábæjarstelpu til þess að geta kynnst Deeds betur og skrifað frétt um hann.
Adam Sandler leikur ósköp svipaða persónu og hann hefur gert í flestum sínum myndum, svona nokkuð aulalegan mann sem er settur í aðstöðu sem hann er ekki vanur og séð hvernig hann vinnur úr því. Það sem mér fannst helst eyðileggja fyrir þessari mynd er að flest fyndnu atriðin í myndinni eru sýnd í trailernum og þegar maður hefur séð trailerinn tuttugu sinnum í sjónvarpi verða atriðin ekki jafn fyndinn og þau vory fyrst þegar maður sá þau. Leikurinnn í þessari mynd er ágætur, Adam Sandler er bara í sínu vanalega hlutverki, Winona Ryder er fín sem fréttakonan Babe en skemmtilegasa persóna myndarinnar er án nokkurs vafa þjóninn sem hinn ágæti leikari John Turturro leikur, það er hægt að hafa mjög gaman að þeirri persónu. En annars er þetta fín afþreying og hafði ég ágætlega gaman að myndinni en því miður var ég búin að sjá fyndnustu atriðin tuttugu sinnum í trailernum. Ég gef henni tvær og hálfa stjörnu af fjórum.