Aðalhlutverk: Ben Affleck, Morgan Freeman, Liev Schreiber, Bridget Mynahan, Alan Bates
Leikstjóri: Phil Alden Robinson

Myndin Sum of all fears var frumsýnd í Bandaríkjunum síðastliðinn föstudag og fór beint á toppinn. Þetta er fjórða myndin sem fjallar um Jack Ryan persónuna sem Harrison Ford lék áður, en að þessu sinni er það Ben Affleck sem leikur hann. Þessi mynd fjallar um að kjarnorkusprengja finnst í eyðimörkinni og komast hryðjuverkamenn yfir hana og ætla að sprengja kjarnorkusprengju í Bandaríkjunum og kenna Rússum um í von um að það verði stríð á milli Rússa og Bandaríkjanna, en Jack Ryan reynir að koma í veg fyrir það. Ég ætla ekki að segja meira um söguþráðinn til þess að eyðileggja ekki fyrir þeim sem hafa ekki séð myndina. En þetta er bara hin fínasta mynd og Ben Affleck og Morgan Freeman standa sig vel í aðalhlutverkunum. Svo ef þið viljið sjá fína spennumynd þá get ég alveg mælt með þessari.

3 stjörnur af 4