Treilerar eru ekkert nema auglýsingar fyrir myndirnar, og þeir sem gera þessar auglýsingar vilja náttúrulega að þær virki. T.d. fyrir gamanmyndir eins og Skerí Múví þá er treilerinn yfirleitt fylltur með bröndurum svo að fólk haldi að hún sé óendanlega fyndin og flykkist á hana, en síðan kemur það óvart í ljós þegar á hólminn er komið að einu brandararnir sem voru fyndnir í myndinni voru í treilernum. Töff lökk.

Staðreyndin er að það er ábyggilega hægt að taka hvaða rusl mynd sem er og fá einhvern færan mann til að klippa saman rosalegan hæ-tekk mega-aksjón treiler úr henni. Ef að treilerinn síðan virkar og fólk fer á myndina þá skiptir það engu máli hvort sjálf myndin var skítur eður ei.

Síðan er ég alveg sammála fyrsta ræðumanni, að það er auðvitað hægt að gera um of og rústa myndinni með því að sýna of mikið í treilernum. Ég hef samt ekki orðið svo mikið var við það… nema kannski Castaway, ég hef að vísu ekki séð myndina en það er varla að ég þurfi þess fyrst ég hef séð treilerinn.