[Notanda eytt] fyrir 20 árum, 3 mánuðum Fjöldi lestra: 1777

Óskarstilnefningar 2004.

Jæja, þá er búið að gera tilnefningarnar til Óskarsveðlaunanna árið 2004 opinberar. Eins og menn höfðu búist við þá sópaði síðasta mynd hins ótrúlega Lord of the Rings bálks til sín tilnefningum, sem og 17. aldar sjómennsku kennslumyndbandið Master & Commander með skylmingaþrælnum og hrokagikknum Russel Crowe í aðalhlutverki. Byrjum á að líta á tilnefningarnar:

Besta mynd:

The Lord of the Rings: The Return of the King
Lost in Translation
Master and Commander: The Far Side of the World
Mystic River
Seabiscuit

Besti leikstjóri:

Fernando Meirelles - City of God
Peter Jackson - The Lord of the Rings: The Return of the King
Sofia Coppola - Lost in Translation
Peter Weir - Master and Commander: The Far Side of the World
Clint Eastwood - Mystic River

Besti leikari í aðalhlutverki:

Johnny Depp – Pirates of the Caribbean: The Curse of the Black Pearl
Ben Kingsley – House of Sand and Fog
Jude Law – Cold Mountain
Bill Murray – Lost in Translation
Sean Penn – Mystic River

Besta leikkona í aðalhlutverki:

Keisha Castle-Hughes - Whale Rider
Diane Keaton - Something's Gotta Give
Samantha Morton - In America
Charlize Theron - Monster
Naomi Watts - 21 Grams

Besti leikari í aukahlutverki:

Alec Baldwin - The Cooler
Benicio Del Toro - 21 Grams
Djimon Hounsou - In America
Tim Robbins - Mystic River
Ken Watanabe - The Last Samurai

Besta leikkona í aukahlutverki:

Shohreh Aghdashloo - House of Sand and Fog
Patricia Clarkson - Pieces of April
Marcia Gay Harden - Mystic River
Holly Hunter - Thirteen
Renée Zellweger - Cold Mountain

Besta handrit byggt á áður útgefnu efni:

Robert Pulcini and Shari Springer Berman - American Splendor
Braulio Mantovani - City of God
Fran Walsh, Philippa Boyens and Peter Jackson - The Lord of the Rings: The Return of the King
Brian Helgeland - Mystic River
Gary Ross - Seabiscuit

Besta frumsamda handrit:

Denys Arcand - The Barbarian Invasions
Steven Knight - Dirty Pretty Things
Andrew Stanton, Bob Peterson and David Reynolds - Finding Nemo
Jim Sheridan, Naomi Sheridan and Kirsten Sheridan - In America
Sofia Coppola - Lost in Translation

Besta teiknimynd:

Brother Bear
Finding Nemo
The Triplets of Belleville

Besta listræna stjórnun:

Ben Van Os (Art Direction); Cecile Heideman (Set Decoration) - Girl with a Pearl Earring
Lilly Kilvert (Art Direction); Gretchen Rau (Set Decoration) - The Last Samurai
Grant Major (Art Direction); Dan Hennah and Alan Lee (Set Decoration) - The Lord of the Rings: The Return of the King
William Sandell (Art Direction); Robert Gould (Set Decoration) - Master and Commander: The Far Side of the World
Jeannine Oppewall (Art Direction); Leslie Pope (Set Decoration) - Seabiscuit

Besta kvikmyndataka

Cesar Charlone - City of God
John Seale - Cold Mountain
Eduardo Serra - Girl with a Pearl Earring
Russell Boyd - Master and Commander: The Far Side of the World
John Schwartzman - Seabiscuit

Bestu búningar:

Dien van Straalen - Girl with a Pearl Earring
Ngila Dickson - The Last Samurai
Ngila Dickson and Richard Taylor - The Lord of the Rings: The Return of the King
Wendy Stites - Master and Commander: The Far Side of the World
Judianna Makovsky - Seabiscuit

Besta klipping:

Daniel Rezende - City of God
Walter Murch - Cold Mountain
Jamie Selkirk - The Lord of the Rings: The Return of the King
Lee Smith - Master and Commander: The Far Side of the World
William Goldenberg - Seabiscuit

Besta förðun:

Richard Taylor and Peter King - The Lord of the Rings: The Return of the King
Edouard Henriques III and Yolanda Toussieng - Master and Commander: The Far Side of the World
Ve Neill and Martin Samuel - Pirates of the Caribbean: The Curse of the Black Pearl

Besta frumsamda tónlist:

Danny Elfman - Big Fish
Garbriel Yared - Cold Mountain
Thomas Newman - Finding Nemo
James Horner - House of Sand and Fog
Howard Shore - The Lord of the Rings: The Return of the King

Besta frumsamda lag:

“Into the West” - The Lord of the Rings: The Return of the King
Music and Lyric by Fran Walsh and Howard Shore and Annie Lennox
“A Kiss at the End of the Rainbow” - A Mighty Wind
Music and Lyric by Michael McKean and Annette O'Toole
“Scarlet Tide” - Cold Mountain
Music and Lyric by T Bone Burnett and Elvis Costello
“The Triplets of Belleville” - The Triplets of Belleville
Music by Benoit Charest; Lyric by Sylvain Chomet
“You Will Be My Ain True Love” - Cold Mountain
Music and Lyric by Sting

Besta hljóð:

Andy Nelson, Anna Behlmer and Jeff Wexler - The Last Samurai
Christopher Boyes, Michael Semanick, Michael Hedges and Hammond Peek - The Lord of the Rings: The Return of the King
Paul Massey, D.M. Hemphill and Arthur Rochester - Master and Commander: The Far Side of the World
Christopher Boyes, David Parker, David Campbell and Lee Orloff - Pirates of the Caribbean: The Curse of the Black Pearl
Andy Nelson, Anna Behlmer and Tod A. Maitland - Seabiscuit

Besta hljóðklipping:

Gary Rydstrom and Michael Silvers - Finding Nemo
Richard King - Master and Commander: The Far Side of the World
Christopher Boyes and George Watters II - Pirates of the Caribbean: The Curse of the Black Pearl

Bestu tæknibrellur:

Jim Rygiel, Joe Letteri, Randall William Cook and Alex Funke - The Lord of the Rings: The Return of the King
Daniel Sudick, Stefen Fangmeier, Nathan McGuinness and Robert Stromberg - Master and Commander: The Far Side of the World
John Knoll, Hal Hickel, Charles Gibson and Terry Frazee - Pirates of the Caribbean: The Curse of the Black Pearl

Besta stuttmynd (teiknimynd):

Boundin'
Destino
Gone Nutty
Harvie Krumpet
Nibbles

Besta stuttmynd (leikin):

Die Rote Jacke (The Red Jacket)
Most (The Bridge)
Squash
(A) Torzija ([A] Torsion)
Two Soldiers

Besta heimildamynd:

Balseros
Capturing the Friedmans
The Fog of War
My Architect
The Weather Underground

Besta stutta heimildamynd

Asylum
Chernobyl Heart
Ferry Tales

Besta erlenda mynd:

The Barbarian Invasions - French Canada
Evil - Sweden
The Twilight Samurai - Japan
Twin Sisters - The Netherlands
Želary - Czech Republic

Efstu myndir eru því þessar:

Lord of the Rings: Return of the King (11)
Master & Commander (10)
Cold Mountain (7)
Seabiscuit (7)
Mystic River (6)
Pirates of the Caribbean (5)
City of God (4)
Finding Nemo (4)
The Last Samurai (4)
Lost in Translation (4)

Þó svo að fátt hafi verið gjörsamlega á ská og skjön við það sem menn höfðu spáð er samt ýmislegt sem stingur í stúf við spár flestra kvikmyndagúrúa.

Fyrst af öllu má nefna þann augljósa skandal að Kill Bill Vol. 1 hafi ekki hlotið eina einustu tilnefningu, en menn höfðu spáð henni ágætu gengi í ýmsum flokkum, svo sem klippingu, hljóði, hljóðklippingu og hafði Uma Thurman meira að segja þótt líkleg sem kandídat í flokkin Besta leikkona í aðalhlutverki. En ekkert af þessu varð að veruleika og það verður að teljast ákveðið áfall. Við getum þakkað fyrir það að myndir gleymast aldeilis ekki þó svo að þær séu hunsaðar af akademíunni.

Annað sem kemur á óvart er að myndin Cold Mountain, sem hlaut 7 tilnefningar, kemur ekki til greina sem besta mynd, en hún þótti einna öruggust inn á þann lista á eftir RotK og Mystic River.

Brasilíska myndin City of God, sem reyndar er gerð árið 2002 en fór ekki í dreifingu í Bandaríkjunum fyrr en á síðasta ári, verður að teljast spútnik mynd hátíðarinnar með fjórar tilnefningar sem fáir höfðu búist við, þ.á.m. tilnefningu fyrir bestu leikstjórn.

Það er mér (og vonandi flestum) gjörsamlega óskiljanlegt hvers vegna í ósköpunum hinn ótrúlegi Johnny Depp hefur aldrei hlotið tilnefningu til Óskarsverðlauna fyrr en núna, og því alveg sérstaklega gaman að sjá hann á þessum lista fyrir ógleymanlega túlkun sína á sjóræningjanum Jack Sparrow í Bruckheimer myndinni Pirates of the Caribbean. Því hafði verið spáð að hann yrði skilinn eftir úti í kuldanum í stað Russel Crowe, en ég get ekki lýst því hversu ánægður ég er með að þannig fór ekki (verandi mikill aðdáandi Johnny Depp, og alveg ákaflega lítill aðdáandi Russel Crowe).

Í flokkinum Besta leikkona í aðalhlutverki fór margt á annan veg en menn bjuggust við. Fyrir það fyrsta var Nicole Kidman ekki tilnefnd, en menn voru farnir að trúa því að hún væri undanfarin ár búin að vinna sér inn áskrift að tilnefningu. Í öðru lagi var Scarlett Johansson ekki tilnefnd fyrir Girl with a Pearl Earring, en menn héldu að hún ætti öruggt sæti á listanum, ekki bara vegna leiks síns í Girl with a Pearl Earring, heldur vegna þess að hún sýnir víst stjörnuleik Lost in Translation líka, og það virkar oft vel á akademíumeðlimi þegar leikara standa sig mjög vel í fleiri en einni mynd sama árið. Það kom svo flestum í opna skjöldu að Nýsjálendingurinn Keisha Castle-Hughes skildi fá mjög verðskuldaða (skilst mér) tilnefningu fyrir hlutverk sitt í barnamyndinni Whale Rider.

Margir sakna Sean Astin í aukahlutverksflokknum, skiljanlega, því hann lék manna best af fríðum leikarahópi RotK. Ég hefði persónulega mikið frekar viljað sjá hann inni heldur en Ken Watanabe, en mér fannst leikur hans í The Last Samurai ekki neitt til að hrópa þrefalt húrra fyrir, þó svo að hann hafi verið áberandi bestur í myndinni, enda fannst mér myndin sjálf langt frá því eins merkileg og af er látið.

Hin indverska Shohreh Aghdashloo átti líklega ekki von á tilnefningu fyrir hlutverk sitt í House of Sand and Fog frekar en aðrir, en þrátt fyrir það eru margir sem telja hana eiga tilnefningu fyllilega skilið og fagna henni.

Nýjustu mynd Tim Burton, Big Fish, hafði einnig verið spáð mun betra gengi en þetta og fólk virðist hissa á því að hún hafi t.d. ekki verið tilnefnd fyrir bestu listrænu stjórnun, auk þess sem lagið Man of the Hour eftir Pearl Jam forsprakkann Eddie Vedder hafði þótt mjög líklegt til afreka. En ég fagna því auðvitað að konungur kvikmyndatónlistarinnar (að mínu mati), Danny Elfman, hafi hlotið sínu þriðju Óskarstilnefningu í ár, þó svo að það verði að teljast ólíklegt að hann muni vinna.

Nú, að lokum eru svo hérna nokkrir áhugaverðir punktar um Óskarsverðlaunin 2004:

*Þetta er í fyrsta skipti síðan árið 1994 sem allar leikkonurnar sem tilnefndar eru fyrir besta leik í aðalhlutverki eru tilnefndar fyrir myndir sem ekki hljóta tilnefningu í flokknum Besta mynd.

*Keisha Castle-Hughes er sú yngsta sem nokkurn tíman hefur verið tilnefnd í flokknum Besta leikkona í aðalhlutverki, en hún er einungis 13 ára gömul.

*Þetta er í fyrsta skiptið í sögu verðlaunanna sem a.m.k. einn blökkumaður er tilnefndur í leikaraflokki þrjú ár í röð. Það er Djimon Hounsou sem er tilnefndur í ár fyrir leik sinn í In America.

*Sofia Coppola er fyrsta Bandaríska konan sem tilnefnd er til Óskarsverðlauna sem besti leikstjóri.

Ég ætla að láta það bíða örlítið betri tíma að varpa fram mínum spám um það hverjir munu vinna til verðlauna á hátíðinni, en ég er sannfærður um að keppnin mun verða hörð í mörgum flokkum, og það er leiðinlega oft sem maður neyðist til að vera ósammála sínum eigin spám. Ég ætla frekar að bíða þar til nær dregur hátíðinni því þá verð ég líklega búinn að sjá mun fleiri af þessum tilnefndu myndum og verð því betri dómari.

Truespirit fyrir 20 árum, 3 mánuðum

ég varð fyrir vonbrigðum að sjá að enginn af LOTR:TROTK var tilnefndur. Sérstaklega Sean Astin, hann á það bara skilið. Ég er búinn að missa allt álit á Bandarískum gagnrýnendum. LOTR myndirnar eru ekkert nema það besta sem hefur komið fyrir kvikmyndir og áhorfendur þess. Og ef LOTR:TROTK VINNUR ekki allar 11 tilnefningar þá undirstrikar það bara að Bandaríkjamenn eru fáráðar allir sem einn.

Fyrra álit

TestType fyrir 20 árum, 3 mánuðum

Óskarsverðlauna akademían er ekki einhver hópur fólks sem hefur það að atvinnu að gagnrýna myndir, höfum það alveg á hreinu. Þetta er gríðarstór hópur fólks sem kemur að öllum hliðum kvikmyndabransans.

En hvað varðar ROTK, þá á hún eflaust eftir að vinna einhver verðlaun en hún á ekki eftir að vinna neitt merkilegt eins og besta mynd eða leikstjórn, ekki frekar en hinar LOTR myndirnar. Það er alþekkt að akademían gefur aldrei stór verðlaun til fantasíu mynda, bara mynda sem á einhvern hátt gætu gerst í raunveruleikanum.
Samt, akademían er líka þekkt fyrir að vilja vera öðruvísi stundum svo það er aldrei að vita hvað gerist.

Ef ROTK vinnur ekki í þeim flokkum sem Lost in Translation er í þá vona ég að sú síðarnefnda sópi að sér öllum þeim verðlaunum. Hef ekki séð hana en ég held að hún eigi það meira en skilið (þó svo ég vilji að sjálfsögðu að ROTK fái helst öll þau verðlaun sem hún er tilnefnd til!).

Fyrra álit

[Notanda eytt] fyrir 20 árum, 3 mánuðum

Ég veit ekki hvort þú hefur fylgst með Golden Globe hátíðinni en þar fékk Return of the King bæði verðlaun fyrir Bestu dramatísku mynd, sem og bestu leikstjórn. Þar sem Golden Globe verðlaunahafar eiga það mjög mikið til að vinna til sömu verðlauna á Óskarnum, auk þess sem Return of the King er efst í öllum spám um siurvegara, þá held ég að hún muni koma til með að vera ótvíræður sigurvegari þessarar hátíðar. Mig grunar að hún eigi eftir að vinna a.m.k. átta af þeim ellefu verðlaunum sem hún er tilnefnd til, þ.á.m. fyrir bestu mynd og bestu leikstjórn. Aftur á móti finnst mér ólíklegt að Master & Commander eigi eftir að vinna nokkurn skapaðan hlut og leyfi mér að skjóta á að hún eigi eftir að fá í mesta lagi ein verðlaun.

Lost in Translation á að öllum líkindum ekki eftir að vinna nema ein verðlaun, þó svo að hún gæti mögulega komið á óvart. Sofia Coppola á mjög líklega eftir að taka verðlaunin fyrir handritið og Bill Murray á alveg möguleika í aðalhlutverksflokknum. Hin verðlaunin á Lost in Translation tæpast eftir að vinna.

Fyrra álit

Ljomalindin fyrir 20 árum, 3 mánuðum

Fín grein. Og ég er alveg sammála þér, ég hefði viljað sjá Sean Astin þarna. Hann lék Sóma alveg rosalega vel og ég er eiginlega bara vonsvikin.. En ég er mjög sátt við að Johnny Depp skuli vera þarna á listanum, hann á það alveg skilið.

go on just say it.. you need me like a bad habit.

Fyrra álit

Goodfella fyrir 20 árum, 3 mánuðum

mjög góð grein, og jú, rugl þetta með Sean Astin, hann lék Sóma með sóma, eða bara frábærlega

GoodFella

Fyrra álit

Onoes fyrir 20 árum, 3 mánuðum

Já ég vona svo innilega að Johnny Depp vinni sem besti leikarinn.
Depp er maðurinn, aðal maðurinn (",).

__________________________________________________

Fyrra álit

Ramos fyrir 20 árum, 3 mánuðum

Skandall að Kill Bill sé ekki tilnefnd, þessi mynd er tær snilld.

Fyrra álit

Loaloa fyrir 20 árum, 3 mánuðum

Ég gæti trúað að margir hafi hugsað sem svo að það fyrst enginn hefur séð seinni helminginn af myndinni þá borgi sig frekar að tilnefna hana næst - þ.e. tilnefna frekar Kill Bill Vol. 2 heldur en Vol. 1.

——————

Fyrra álit

axelaage fyrir 20 árum, 3 mánuðum

já, þótt að Kill Bill sé alveg tær snilld held ég að akademían fái seint smekk fyrir QT myndum.

og ég hef líka heyrt að úr því að það er svo rosalega mikið af leikurum og margar persónur í LOTR:ROTK að þá er ekki nógu margar línur á hvern og einn að það sé jafnvel nóg til hægt sé að tilnefna það sem aukahlutverk.

samt finnst mér persónulega að Sean Astin hefði átt að fá tilnefningu og vinna svo. Hans hlutverk var alveg nógu stórt!

Fyrra álit

[Notanda eytt] fyrir 20 árum, 3 mánuðum

Þetta fer nú reyndar þannig fram að aðstandendur myndar ráða því sjálfir hvernig þeir tefla fram leikurum í tilnefningar, þ.e. hvort leikari sé mögulegur í tilnefningu, og hvort hann sé þá talinn aðal- eða aukaleikari. Sean Astin var teflt fram sem aukaleikara og því hefði verið hægt að tilnefna hann. Enda finnst mér mjög líklegt að hann hafi verið næstur inn.

Og hvernig færðu það út að akademían sé ekki með smekk fyrir Quentin Tarantino myndum? Árið 1995 var Pulp Fiction tilnefnd til sjö verðlauna (besta mynd, leikarar í aðal- og aukahlutverki, leikkona í aukhlutverki, besta leikstjórn, besta handrit og besta klipping) og hlaut ein verðlaun fyrir besta frumsamda handrit.

Árið 1998 var svo Robert Forster tilnefndur sem besti leikari í aukhlutverki fyrir Jackie Brown.

Þannig að Quentin Tarantino sem slíkur er ekki ástæðan fyrir tilnefningaskorti Kill Bill…

Fyrra álit

Kexi fyrir 20 árum, 3 mánuðum

Kill Bill Vol. 1 er líklega ekki tilnefnd vegna þess að akademían lítur örugglega á þessa mynd sem aðeins hálfa mynd… bíða líklega eftir Vol. 2 og gefa þá tilnefningar…

En Master And Commander gerði sér einum of mikinn sess í tilnefningaflokkunum að mínu mati…

_________________________________________________

Fyrra álit

rammstein fyrir 20 árum, 3 mánuðum

Mikið er ég sammála þér! Llithias
Johnny Depp er bara snillingur, og er frábær í þessu hlutverki.
Sean Penn er er líka frábær í Mystic River
en held samt að Penn fái ekki Skara þar sem að hann er ekki í náðini akademíuni.
Penn er víst of pólitískur.

Gott weiss ich will kein Engel sein

Fyrra álit

[Notanda eytt] fyrir 20 árum, 3 mánuðum

ég var soldið spæld að the matrix 2 og 3 voru ekki tilnefndar :(…en ég vona að finding nemo fái allavegana eikkað enda er hún hrein snilld:D

Fyrra álit

[Notanda eytt] fyrir 20 árum, 3 mánuðum

Finding Nemo fær að öllum líkindum ekki nema í mesta lagi tvö verðlaun. Það verður að teljast mjög líklegt að hún fái verðlaunin fyrir bestu teiknimyndina, þó svo að það sé ekkert 100% í þeim efnum, og auk þess gæti hún hneppt hljóðklippingarverðlaunin. Handritið á líklega eftir að fara til Sofiu Coppola og besta tónlist….bara örugglega eitthvað annað.

Gætirðu sagt mér fyrir hvað Matrix frmahöldin hefðu átt að vera tilnefnd?

Fyrra álit

Junglette fyrir 20 árum, 3 mánuðum

Matrix 2 og 3 eiga heldur ekki skilið að vera tilnefndar. Fyrsta myndin var góð, frumleg en svo versnaði þetta og 2 og 3 eru að mínu mati steypa. ROTK á skilið að vinna sem besta myndin og Johnny Depp sem besti leikarinn.

Fyrra álit

Junglette fyrir 20 árum, 3 mánuðum

…og auðvitað á Peter Jackson skilið viðurkenningu fyrir alla þá vinnu sem hann lagði í þetta meistaraverk!

Fyrra álit

randver fyrir 20 árum, 3 mánuðum

Frábær grein!!
eins ú besta sem ég hef lesið inná huga til hamingju!

————————

Fyrra álit

oskarbste fyrir 20 árum, 3 mánuðum

Svona á þetta helst að far, finnst mér
Sean Penn-besti leikari
LOTR-besta mynd

Fyrra álit

InSectZ fyrir 20 árum, 3 mánuðum

góð grein!

En ég ætla það sem mér finnst að eigi að vinna, í þeim flokki sem ég get dæmt í!

Besta mynd:

Mystic River

Besti leikstjóri:

Peter Jackson - LOTR:ROTK

Besti leikari í aðalhlutverki:

Johnny Depp – Pirates of the Caribbean

Besta leikkona í aðalhlutverki:

Hef ekki séð neina af þessum myndum :S, þ.e.a.s. myndirnar sem konurnar leika í!

Besti leikari í aukahlutverki:

Ken Watanabe - The Last Samurai

Besta leikkona í aukahlutverki:

Marcia Gay Harden - Mystic River

Besta handrit byggt á áður útgefnu efni:

Fran Walsh, Philippa Boyens og Peter Jackson – LOTR:ROTK

Besta frumsamda handrit:

Sofia Coppola - Lost in Translation

Besta teiknimynd:

Finding Nemo

Besta kvikmyndataka

Russell Boyd - Master and Commander: The Far Side of the World

Bestu búningar:

Ngila Dickson - The Last Samurai

Bestu tæknibrellur:

Jim Rygiel, Joe Letteri, Randall William Cook og Alex Funke – LOTR:ROTK

_____________________________________________________________________

Fyrra álit

[Notanda eytt] fyrir 20 árum, 3 mánuðum

“Keisha Castle-Hughes er sú yngsta sem nokkurn tíman hefur verið tilnefnd í flokknum Besta leikkona í aðalhlutverki, en hún er einungis 13 ára gömul.”
Bíddu var Tatum O´neil ekki tilnefnd þegar hún var 11 ára

Fyrra álit

[Notanda eytt] fyrir 20 árum, 3 mánuðum

Jú, Tatum O'neil var tilnefnd fyrir hlutverk sitt í Paper Moon árið 1973 og VANN, þá aðeins 10 ára gömul. EN, það var fyrir leik í aukahlutverki. Keisha Castle-Hughes er sú yngsta sem hefur verið tilnefnd sem aðalleikkona.

Fyrra álit

football fyrir 20 árum, 3 mánuðum

Ég skil ekki af hverju Master and Commander er tilnefnd til svona marga óskarsverðlauna, mér finnst hún alls ekki góð gerist voða lítið í henni á þessum 2 og hálfum tíma sem hún er í og síðan er aðalbardaginn og eini alvöru sýndur í trailernum.

Fyrra álit

shelob fyrir 20 árum, 3 mánuðum

Bah. Það að fólk taki enn mark á Óskarnum finnst mér merkilegt… þetta er ekkert nema Hollywood að kyssa á sér rassgatið, eins og það var orðað einhverstaðar á netinu. Fjandinn hirði akademíuna.

Og Matrix framhöldin hefðu augljóslega átt að vera tilnefnd fyrir tæknibrellur, og líklega vinna. Revolutions hafði, að mínu mati, enn betri brellur en ROTK.

She's well acquainted with the touch of the velvet hand, like a lizard on a windowpane

Fyrra álit

shaguar fyrir 20 árum, 3 mánuðum

Ég er alveg sammála þér í því,

bæði framhöldin eru meistaraverk hvað tæknibrellur varðar. Hneyksli!

Fyrra álit

misscobain fyrir 20 árum, 3 mánuðum

ef LOTR ROTK vinnur ekki neina Óskara þá missi ég gjörsamlega allt álit á þessu og hætti algjörlgea að horfa á Óskarinn og allar svoeleis verðlaunaafhendinagr!

†Satan† loves you!

Fyrra álit

polygon fyrir 20 árum, 3 mánuðum

það suckar að matrix 2 eða 3 skuli ekki fá tilnefningu fyrir hljóð,klipping,tæknibrellur og svo svið hönnun.
Jú jú þetta er allt rosalega plebba legt með þessar tilnefningar en það versta er að maður er ekki búin að sjá meiri hlutan af þessum myndum svo ég verð bara að halda með finding nemo(fær óskarin bókað mál) lotr-rotk og svo pirates of the carijfgiesn what eve

Fyrra álit

valahg1 fyrir 20 árum, 3 mánuðum

Ég er ekkert smá fúl yfir því að Sean Astin var ekki tilnefndur sem hann hefði átt að vera, hann var ekkert nema þvílíkur í ROTk og á ekkert nema skilið að fá verðlaun fyrir það . Peter Jackson á nú enþá meira skilið að fá verðlaun en einhver sem hefur nokurtíman verið tilnefndur til óskarsins, hann ætti nú bara að fá heiðursverðlaun fyrirLOTR, ég held að enginn annar leikstjóri (ekki svo ég viti af) hafi lagt næstum 8 ár í að reyna að setja eina mynd á hvíta tjaldið. Ég missi gjörsamlega allt mitt álit á akademíuni (hvernig sem þetta er skrifað) ef Rotk fær ekki fyrir besta myndinn. Og jhonny deep á skilið að fá óskarinn fyrir leik sinn í Pirates of the caribbean þótt að sean penn eigi öruglega eftir að fá hann en ég meina.

valahg1

Fyrra álit

[Notanda eytt] fyrir 20 árum, 3 mánuðum

ég man þegar ég vakti spenntur alla nóttina og horfði á óskarinn, gerði það seinast fyrir eitthvað 5 eða 6 árum, en síðan þá hefur þessi hátíð orðið að brandara. flestir sem vita eitthvað um kvikmyndir vita að það vantar næstum alltaf í marga flokkana sem ættu að vera þar, svo eru margir í sumum flokkum sem eiga alls ekkert heima þar. maður er ekkert spenntur yfir þessari hátíð lengur þar sem hún er ekki hlutlaus og er kvikmyndamenningu til háborinnar skammar

það kemur svosem ekkert á óvart að kill bill vol.1 sé ekki þarna, og að sean astin sé ekki tilnefndur, og að master and commander það rusl fái svona margar tilnefningar, þar sem að þessi hátíð er saur og ætti alls ekki að taka alvarlega.

ég vona innilega að þessi skítahátíð fari að hætta og að fólk í hollywood sjái að þetta er bara heimskulegt.

Fyrra álit

[Notanda eytt] fyrir 20 árum, 3 mánuðum

Ég hef alveg afskaplega gaman að svona bitrum mönnum eins og þér sem geta ekki horfst í augu við það að þó svo að maður sé ekki sammála einhverju, þá sé vel hægt að hafa gaman að því. Ég er viss um að þú ert svona týpa sem segir að evrópskar myndir séu betri en amerískar, að myndir á borð við Con Air og Face/Off séu rusl og að Jerry Bruckheimer sé djöfullinn í mannsmynd og hafi aldrei gert eina einustu mynd sem vert er að horfa á.

Ég er alveg 100% sammála þér í því að meðlimir akademíunnar eiga það til að taka algjörlega fáránlegar ákvarðanir sem fá mann til að hrista höfuðið svo fast að maður er hissa að það haldist á. Skemmst er að minnast þess þegar A Beautiful Mind fékk óskarinn fyrir tveimur árum og Gladiator hneykslisins svokallaðs. En þrátt fyrir það að maður sé oft ósammála verðlaununum þá er ekki þar með sagt að þau séu ekki hin besta skemmtun. Það er t.d. hægt að gera sér leik úr því að skyggnast inn í kollinn á akademíumeðlimum og reyna að sjá fyrir hvað það er sem þau munu koma til með kjósa, og svo er jafnvel hægt að stofna til veðmáls. Svo er líka hægt að tjá sig um sínar eigin skoðanir og það hvað betur mætti fara, o.s.frv….

Staðreyndin er einfaldlega sú að á undanförnum árum og áratugum hefur Óskarsverðlaunahátíðin fjarlægst meira og meira sitt upprunalega markmið, sem var að veita verðlaun fyrir það sem þykir skara framúr í kvikmyndaheiminum, og færist sífellt nær því að verða hreinræktuð afþreying. Og fyrir mitt leyti, þá verð ég að viðurkenna að mér finnst þessi afreying alveg hreint frábær, þó svo að oft sé kannski ekki mark takandi á neinum þessara verðlauna.

Fyrra álit

Limer fyrir 20 árum, 3 mánuðum

“sem segir að evrópskar myndir séu betri en amerískar”

Það er eiginlega ómögulegt að alhæfa hvort að Evrópa eða Bandaríkin gefi frá sér betri myndir en það er eiginlega bara sjálfsögð staðreyn að Bandaríkin hafa gefið frá sér mikið meiri skít heldur en Evrópa og er það mikið Jerry (satan) Bruckheimer. Ég veit ekki hvort þú varst að reyna ða réttlæta Bruckheimer á einhvern hátt eða hvort þú varst bara að styðja þessa kenningu (að hann sé satan í mannsmynd) en það er allavegna fáránlegt að segja að “kvikmyndir” á borð við con air séu góðar. Ég veit ekki alveg hvernig þú fékkst þetta allt úr því sem Plee var að segja, hann var einfaldlega að lýsa reiði sinni á þessari fáránlegu verðlaunum, sem eru skemmtileg og allt það en samt sem áður fáránlegar og ætti enginn að taka mark á þeim. Ef að ég myndi einhverntíman verða tilnefndur fyrir þessa hátíð (ekki það að það sé einhver áreiðanlegur möguleiki) þá myndi ég frekar vilja tapa heldur en að vinna því enda eru þessi hátíð þekkt fyrir að veita röngum aðilum verðlaun. Annars finnst mér fínt að horfa á þessi verðlaun og veðja upp á hver vinnur og þannig…

Fyrra álit

Limer fyrir 20 árum, 3 mánuðum

“…það mikið Jerry (satan) Bruckheimer…”

“að kenna” átti að koma eftir bruckheimer…

Fyrra álit

johnMclane fyrir 20 árum, 3 mánuðum

Vonandi að Mystic River og ROTK eiga eftir að sópta til sín flest verðlaunin.

Báðar mjög góðar myndir, kæmi mér ekki óvart að Mystic River myndi fá nokkur leikaraverðlaun, Tim Robins og Sean Penn til dæmis.

Fyrra álit

johnMclane fyrir 20 árum, 3 mánuðum

Vona líka að Clint Eastwood vinnir fyrir leikstjórn. Þó svo að Peter Jackson eigi það fyllilega skilið.

Fyrra álit

johnMclane fyrir 20 árum, 3 mánuðum

Já, eitt enn ; ég skil alls ekki hvers vegna Master And Commander fær svo margar tilnefningar, en sú mynd finnst mér alls ekkert sérstök og stórlega ofmetin.

Fyrra álit

[Notanda eytt] fyrir 20 árum, 3 mánuðum

Það er kjaftæði að það komi hlutfallslega út fleiri lélegar myndir í Bandaríkjunum en í Evrópu, munurinn er líklega varla marktækur. Ástæða þess að við höldum að svo sé er einfaldlega sú að það eru til meiri fjármunir í Bandaríkjunum og þess vegna eru lélegu bandarísku myndirnar betur fjármagnaðar og þ.a.l. mun sýnilegri en þær evrópsku. Við fáum eiginlega aldrei að sjá lélegu evrópsku myndirnar, nema þá helst á einhverskonar kvikmyndahátíðum. Þett sannast best á því að nú eru í gangi franskir kvikmyndadagar, og á þá daga er reynt að fá sem flestar frambærilegar myndir en samt sem áður eru margar myndir sem þar eru til sýninga að fá fremur slaka dóma. Ég er kominn með leið á svona fölsku evrópusnobbi.

Talandi um Jerry Bruckheimer, þá er ég eiginlega líka kominn með leið á umræðum um hann. Málið er bara það að Jerry Bruckheimer gerir heilalausar afþreyingarmyndir, ekki verðlaunamyndir. Hann gerir myndir sem maður fer á og nýtur augnabliksins og þarf svo ekkert að hugsa um. Það má vel vera að svona myndir teljist ekki “góðar” samkvæmt almennum orðabókarskilgreiningum en það breytir því ekki að Bruckheimer hefur gert fullt af skemmtilegum myndum, þó svo að honum hafi auðvitað líka oft mistekist það. Pirates of the Caribbean, Bad Boys, The Rock, Crimson Tide, Beverly Hills Cop myndirnar, Enemy of the State og fleiri eru dæmi um vel heppnaðar afreyingarmyndir. Ég er ekki að segja að Bruckheimer sé einhver snillingur, því fer fjarri, stór hluti þess sem hann gerir er drasl, hins vegar er ég á móti fólki sem segir að hann geri ekkert nema hræðilegar myndir, því það er einfaldlega ekki satt.

Fyrra álit

Limer fyrir 20 árum, 3 mánuðum

Það er reyndar alls ekkert kjaftæði að það komi hlutfallslega séð lélegri myndir í Bna en á Evrópu kíktu t.d. bara á bottom listan á imdb flestar ef ekki bara allar myndir á þeim lista eru bandarískar. Að vísu er líklegast hægt að finna betri sjónvarpsefni í Bna en hér í Evrópu og aðsjálfsögðu eru til mjög margar lélegar Evrópskar myndir alveg eins og það eru til mjög margar góðar Bandarískarmyndir en það er mjög svo að það eru til fleirri fégráðugir bandarískirframleiðendur sem hugsa fyrst og fremst um ágróða í stað þess að hugsa um gæðin eða að líta á kvikmyndagerð eins og það er, helsta listformið. Líttu bara á velgenga evrópskaframleiðendur á borð við Alain Sarde (Pianist, Mulholland Dr.), hann hugsar fyrst og fremst um það að gera góðar kvikmyndir á meðan framleiðendur á borð við satan hugsa einungis (og ég meina einungis) um peninga og það er þeim að kenna að fólk sé farið að líta á kvikmyndagerð sem afþreying en ekki sem list. Það er afar kúl að segja að evrópskar kvikmyndir séu allar artie fartie, tilgerðalegt bull en það er hreinlega bara ekki satt, reyndar er það svo ósatt að það gerir mig mjög reiðan og pirraðan, ég get mjög mörg dæmi um það hversu vel evrópskir kvikmyndagerðamenn hafa farið með kvikmyndaheiminn. Satan eða “bruckheimer” eins og hann kallar sig er ekki bara að nauðga kvikmyndaheiminum heldur hef ég margsinnis heyrt að hann fer mjög illa með fólk og t.d. er hann þekktur fyrir að lítillækka leikara sem koma í prufur hjá honum og vægast sagt móðgað marga leikkonur með því að segja að þær séu of ljótar eða feitar fyrir hlutverkin. Ég lít á þessar myndir sem þú kallar skemmtun frekar sem skemmd ( að utanskildu Pirates of the…), þær eru að fara mjög illa með okkur og skammast ég mín fyrir landa mína sem fara á þær, hlæja og skemmta sér.

tala meir um þetta seinna…

Fyrra álit

[Notanda eytt] fyrir 20 árum, 3 mánuðum

Sko, það er engan veginn hægt að taka mark á Bottom 100 listanum á imdb í þessu sambandi, þar sem flestar myndirnar á þeim lista eru “frægar” lélegar myndir, þ.e. myndir sem eru frægar fyrir að vera lélegar. Auðvitað er eðlilegt að þar sé ekki mikið af lélegum evrópskum myndum sem enginn hefur séð nema fólk í heimalandinu, þannig myndir hafa einfaldlega ekki fengið nógu mörg atkvæði til að komast inn á listann. Það er aftur á móti mjög eðlilegt að það sé heill hellingur af evrópskum (og bara ekki bandarískum yfirleitt) myndum á top250 listanum, þar sem það eru myndir sem hafa fengið lof um heim allan og orðið frægar og þannig fengið mjög mörg atkvæði. Ég efast ekki um að það séu til mjög góðar low profile evrópskar kvikmyndir sem ekki eru inni á þessum top250 lista, en það er líka til heill hellingur af mjög góðum low profile indie bandarískum myndum sem ekki nógu margir hafa séð til að þær komist inn á listann.

Það er kannski rétt hjá þér að það sé meira hugsað um peninga og gróða í Ameríku en í Evrópu og þannig mætti fræðilega færa rök fyrir því að Bandarísk kvikmyndagerð sé að gera út um hina svokölluðu kvikmyndagerðarlist. En ég er samt á því að þessir fégráðugu menn sem gera myndir í þeim eina tilgangi að græða peninga skili a.m.k. endrum og eins frá sér prýðilegum myndum, þó svo að ég sé ekkert að verja þessa fégræðgi. Það eitt að mynd sé gerð til þess að græða peninga gerir hana ekki að verri mynd en ella. Peningarnir sem fara í gerð myndarinnar og peningarnir sem aðstandendurnir græða á henni eiga ekki að skipta máli þegar maður horfir á kvikmynd. Ég er viss um að ýmsir kvikmyndagagnrýnendur myndu hampa myndum á borð við Con Air sem meistaraverki ef þeir vissu að hún hefði verið gerð af indipendent stúdíói fyrir lítinn pening, en væri samt sem áður nákvæmlega eins og hún er í dag. Þetta er það sem mér finnst rangt, að dæma myndir út frá röngum forsendum.

Fyrra álit

Limer fyrir 20 árum, 3 mánuðum

Já kannski er það alveg rétt hjá þér með þennan lista, persónulega tek ég meiri mark á rottentomatoes heldur en imdb og var það kannski dálítið hræsnislegt af mér að nefna hann, en mér finnst það bara rosalega pirandi þegar fólk gerir lítið úr kvikmyndum einungis útaf því að þær eru ekki á ensku, það eru ótrúlega margir notendur hér sem líta á þetta allt sem tilgerðalegt bull en gera sér ekki grein fyrir því hverju þeir eru að missa af. Ég hef ekkert á móti bandarískukvikmyndasteypunni þar sem hún hefur gert ótrúlega góða hluti fyrir kvikmyndaheiminn og ég held eiginlega upp á fleirri bandarískaleikstjóra heldur en evrópska, en það eru líka til svo ótrúlega margar hræðilegar myndir sem hafa komið frá Hollywood sem koma vont orð á þessa þjóð.

Ef að con air hefði verið svona low budget eins og t.d. El Mariachi þá hefði hún nú bara verið kraftaverk vegna þess að hún lítur út fyrir að hafa verið mjög dýr. Þannig ég efast ekki um það að gagnrýnendur og áhorfendur mundu líta stærri augum á hana, en staðreyndin er bara sú að hún kostaði mjög mikin pening og úrkoman var vægast sagt slæm. En þú verður bara að spyrja sjálfan þig hvort helduru að gagnrýnendur vilja frekar ódýra low budget ótrúlega góða indie mynd eða dýra lélega, klisjukennda bruckheimer mynd?

Fyrra álit

[Notanda eytt] fyrir 20 árum, 3 mánuðum

Að sjálfsögðu vilja gagnrýnendur frekar ódýra, low budget, ótrúlega góða indie mynd heldur en dýra, lélega, klisjukennda Bruckheimer mynd, en það er ekki af því að hún er ódýr og indipendent, það á ekki að skipta máli, heldur af því að hún er góð. Gagnrýnendur ættu ekki frekar að vilja góða indie mynd heldur en góða Bruckheimer mynd, það væru bara pjúra fordómar.

Ég er ekki að gera lítið úr kvikmyndum sem eru ekki á ensku, alls ekki. Ég á vin sem þolir ekki að horfa á myndir sem eru ekki á ensku eða myndir sem eru svarthvítar. Það kalla ég grunnhyggni og ég er virkilega mikið á móti þannig hugarfari. En hins vegar er ég líka á móti fólki sem dæmir myndir út frá röngum forsendum, eins og hversu mikinn pening þær kostuðu, eða á hvaða tungumáli þær eru.

“Ef að con air hefði verið svona low budget eins og t.d. El Mariachi þá hefði hún nú bara verið kraftaverk vegna þess að hún lítur út fyrir að hafa verið mjög dýr. Þannig ég efast ekki um það að gagnrýnendur og áhorfendur mundu líta stærri augum á hana, en staðreyndin er bara sú að hún kostaði mjög mikin pening og úrkoman var vægast sagt slæm.”

Nú spyr ég, hefði útkoman verið eitthvað betri ef myndin hefði verð gerð fyrir minni peninga? Það hefði kannski verið kraftaverk að einhverjum skildi takast að gera myndina fyrir lítinn pening, en það breytir samt ekki neinu um gæði myndarinnar, myndin væri NÁKVÆMLEGA eins, og ætti ekki skilið betri gagnrýni bara af því að hún var ekki gerð fyrir mikinn pening.

Reyndar vil ég líka taka það fram að ég er alls ekkert á móti Con Air, mér finnst sú mynd alveg hreint stórskemmtileg og ég get horft á hana aftur og aftur án þess að fá leið á henni. Auðvitað skynja ég öll Bruckheimer einkennin í henni og geri mér fullkomlega grein fyrir því hvað margt í henni er hrikalega amerískt og asnalegt, en hún er samt eins af mínum uppáhalds actionmyndum.

Fyrra álit

Limer fyrir 20 árum, 3 mánuðum

Ég held að séu engir gagnrýnendur sem gefa myndum góða dóma bara af því að hún sé indie mynd eða bruckheimer mynd, reyndar hefur það tíðkast mikið að gagnrýnendur gefi kvikmyndum sem verða tilnefndar á Cannes slæma dóma einungis vegna þess að hún var tilnefnd á Cannes, svona fordómar fara líka alveg rosalega í mig fólk á bara að dæma eftir því hve myndin er góð ekki neinu öðru. En ég myndi segja það að útkoman væri betri ef con air hefði kostað aðeins 7000$ eins og El Mariachi því það væri algjört afrek og myndi lílklegast teljast mikill frumbrjótur. Ég tel það líka vera nokkuð víst að ef El Mariachi hefði kostað 700000$ en ekki 7000$ og væri nákvæmlega alveg eins þá hefði hún líklegast ekki unnið Sundance á sínum tíma og væri líklegast ekki talin eins góð. A.m.k. væri hún líklegast ekki eins velheppnuð fjárhagslega, þar sem þessi mynd hefur dregið að sér mikla athygli einungis fyrir það hve ódýr hún er.

Fyrra álit

fridfinnur fyrir 20 árum, 3 mánuðum

hefði hún kostað 7.000.000 dollara hefði hún varla verið indie mynd og ´því bara ekki mátt fara á Sundance.

Það semt Stigurh er að segja er einfaldlega það að það sé heimskulegt og fórdómafullt að dæma kvikmyndir eftir því hver gerir hana og fyrir hvað mikinn pening frekar en að dæma myndina sjálfa á þeim forsendum sem hún er gerð á.
Það má líkja svona kvikmyndagerð við mat. Virkilega góð, innihaldsrík kvikmynd sem segir okkur eitthvað um samfélagið í kringum okkur, lífið og okkur sjálf má líkja við sælkera steik sem er fullkomlega elduð og með öllu. Pjúra entertainment myndir á borð við The Rock og jú Con Air má síðan líkja við Ís með súkkulaðisósu.
Nautsteikin er ótrúlega fyllandi og góð máltíð sem situr eftir í manni í langan tíma á eftir en ef maður fér sér of oft og of mikið þá getur hún orðið þung í magann. Síðan er líka gott að fá sér stundum ís, sérstaklega eftir góða steik en hver vill borða ís í öll mál?

Ok, þessi myndlíking er dáldið getting out of hand en punkturinn sem ég er að koma með er að það er pláss fyrir allar tegundir af kvikmyndum og í raun ekki hægt að bera svona gjörólíkar gerðir af kvikmyndum saman. Jerry Bruckheimer gerir kvimmnyndir til að græða peninga, enginn er að halda öðru fram. Sama gildir um 99% af öllum kvikmyndaverum um allan heim. Bruckheimer kýs að gera það með sprengingum og aulahúmor á meðan aðrir kunna að gera það með nógu andskoti góðum leikarahóp og melódrama. Þetta er enganvegin sambærileg kvikmyndagerð og vðerur því að dæma forsendur og makrmið hverrar kvikmyndar fyrir sig.
Það er asnalegt að halda því uppi sem einhverskonar viðmiðunarpunkti fyrir hvað mikið kvikmyndir eru gerðar, hvaða máli skiptir það?
Væri gáfulegt að allir væru að reyna að gera sem ódýrastar myndir með sem mestum gæðum fyrur peningana, hvað ef Peter Jackson hefði gert Lord of the Rings trílógíuna fyrir 10.000 dollara og honum hefði tekist að gera hana ótrúlega góða frir peningana, maður sá næstum aldrei vírana í kóngulónni…
Er það eftirsóknarverð kvikmyndagerð? Er ekki gáfulegra að dæma hana eftir því hvaða markmið og forsendur hún setur sér?
Robert Rodriguez setti sér það makrmið að framleiða sína fyrstu kvikmynd fyrir lítinn pening og setti sér framleiðsluramma samkvæmt því. Bruckheimer setur sér það markmið að sprengja ótrúlegt magn af drasli og hafa ógeðslega mikið af slow motion macho skotum sem virka samt í allri sinni klisju.
Þessar tvær forsendur eru gjörólíkar og markhópurinn gjörólíkur og því ekki samanburðarhæfur.

Kvikmynd er ekki bara kvikmynd og því hægt að stinga þeim öllum í sama flokk og því má heldur aldrei gleyma að kvikmyndagerð hefur aldrei verið hreint listform heldur iðnaður á listærnum forsendum og þannig mun það alltaf vera og þýðir lítið að pirra sig út í það..

Fyrra álit

Fingerbib fyrir 20 árum, 3 mánuðum

“Það semt Stigurh er að segja er einfaldlega það að það sé heimskulegt og fórdómafullt að dæma kvikmyndir eftir því hver gerir hana og fyrir hvað mikinn pening frekar en að dæma myndina sjálfa á þeim forsendum sem hún er gerð á. ”

bíddu hvar var limer að dæma mynd eftir því hver gerði hana?! Hann var bara að segja að myndirnar sem Jerry Brukheimer gerir eru lélegar, sem er alveg satt þessi gaur er fífl…og hann var ekki að dæma allar myndir eftir hann heldur bara þær sem eru lélegar hann nefndi meiraðsegja að honum fyndist pirates of the caribbean góð. Svo eru líka Evrópskarmyndir yfirhöfuð betri þar sem það eru til svo geðveikslega margar lélegar myndir í usa.

Fyrra álit

[Notanda eytt] fyrir 20 árum, 3 mánuðum

“bíddu hvar var limer að dæma mynd eftir því hver gerði hana?!”

Háttvirtur herra Fingerbib,

Þegar þú tekur þátt í umræðum á netinu…sama á hversu háu, já eða lágu, plani þær eru, þá er eitt sem er sniðugt að temja sér. Það er að lesa yfir umræðurnar áður en maður stekkur út í þær og byrjar að tjá sig. Ef þú hefðir haft fyrir þeim ósköpum að lesa þann gríðarmikla texta sem hefur verið skrifaður hérna þá myndirðu t.d. vita að Limer hefur hvergi dæmt mynd eftir því hver gerði hana, og að enginn hefði heldur sakað hann um að gera það, þetta voru bara hýpóþetískar umræður.

“Hann var bara að segja að myndirnar sem Jerry Brukheimer gerir eru lélegar, sem er alveg satt þessi gaur er fífl…og hann var ekki að dæma allar myndir eftir hann heldur bara þær sem eru lélegar hann nefndi meiraðsegja að honum fyndist pirates of the caribbean góð. Svo eru líka Evrópskarmyndir yfirhöfuð betri þar sem það eru til svo geðveikslega margar lélegar myndir í usa.”

Aftur, ef þú hefðir notað eitt brotabrot af þínu innihaldsríka lífi í að renna yfir umræðuna sem hér hefur farið fram hefðirðu kannski tekið eftir því að ég er þegar búinn að svara nákvæmlega því sem þú heldur fram þarna, eini munurinn var sá að það sem ég svaraði var betur fram sett og skiljanlegra.

Fyrra álit

valahg1 fyrir 20 árum, 3 mánuðum

Reyndar finnst mér bandaríksar myndir oftar skemmtilegri en evrópskar, þótt að bandarískar myndir geti verið alveg þvílíkt mikið rusl og svo hef ég ekkert á Móti Jerry Bruckheimer.

Fyrra álit

[Notanda eytt] fyrir 20 árum, 3 mánuðum

Svari eytt

Fyrra álit

Addni fyrir 20 árum, 2 mánuðum

Mér finnst að Kill Bill ætti að fá tilnefningar fyrir:
Besta Mynd
Besti Leikstjóri
Besta Leikkona í aðalhlutverki (Uma Thurman)
Besta Kvikmyndatakan (t.d. geðveikt cool þegar Uma var að labba inná baðið á skemmtinstaðnum)
Og besta Handrit

Bassadót: FBass BN5 & MusicMan Bongo5 -> Line6 Relay G50 -> Ampeg PF500 -> Ampeg PF210HF

Fyrra álit

Kvikmyndir

Kvikmyndir

Ofurhugar

Stjórnendur

Hverjir eru inni

Greinar

Óskarstilnefningar 2004.

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi