Limer fyrir 20 árum, 5 mánuðum Fjöldi lestra: 390

Cidade de Deus/City of God

Brazilíska kvikmyndin Cidade de Deus eða City of God fjallar
um ljósmyndarann Rocket sem endursegir æsku sína þegar
hann ólst upp í fátækra hverfum Rio de Janeiro.
Fátækrahverfin eru hættuleg og eru morð, rán og önnur slík
afbrot sjálfsagður hlutur. Við kynnumst mörgum skrautlegum
karekterum og sögum þeirra, fylgjumst náið með klíkustríðum
á milli tveggja klíkna og sjáum hvernig hverfin og íbúarnir
þróast í enn verri stöður.

Þessi frábæra mynd sem segir ótrúlega sögu sem er byggð á
sönnum atburðum er bæði hrífandi og skemmtileg.
Myndatakan, klippingin, leikstjórnin, búningarnir, tónlistin,
leikurinn og þessi flotti sögustíll heilluðu mig algjörlega upp
úr skónum og tel ég þessa mynd vera eitt af helstu afrekum í
kvikmyndagerð seinustu ára. Cidade de Deus stóðst alveg
upp að væntungum mínum og allir þeir sem hafa glöggt auga
fyrir sannri kvikmyndagerð ættu alls alls ekki láta hana fara
framhjá sér. Ég hef aldrei heyrt minnst á þessa
kvikmyndagerðamenn sem gerðu hana en ég held að það sé
nokkuð víst að ég muni fylgjast vel með þeim héðan í frá. Mig
langar ekki til að segja meira frá þessari stórkostlegri mynd
heldur vil ég bara hvetja alla til að sjá hana og láta hana tala
fyrir sig sjálfa.

fridfinnur fyrir 20 árum, 5 mánuðum

Frábær kvikmynd. Umfjöllunarefnið er erfitt og sögupersónur margar en stíllinn bjargar því að allt fari ekki í vitleysu.

Eini gallinn sem ég sá á myndinni er aðallega sá að maður kynntist persónunum aldrei nógu vel til að tengjast örlögum þeirra á persónulegri hátt. Einu tvær persónurnar sem ég fann virkilega til með voru Rocket og Benny. Ég fann aldrei neitt sértaklega til með Knockout Ned þótt ég skildi gjörðir hans.

Myndin sýnir þó frábærlega samband orsaka og afleiðinga og er grimmdinni á þessu svæði gerða ógnvægilega góð skil.

Fyrra álit

alvaro fyrir 20 árum, 5 mánuðum

mig langar nokkuð mikið að sjá þessa mynd, hef heyrt að hún sé eitthvað lík GoodFellas sem er ein af allra skemmtilegustu myndum sem ég hef séð

Fyrra álit

Carnage fyrir 20 árum, 5 mánuðum

Og það er það sem ég skil ekki, að líkja þessari mynd við Goodfellas er eins og að líkja Visitor Q við The Lion King, kanski ekki alveg en svo virðist að þegar erlendar myndir koma til tals þá er allt eitthvað svo..öðruvísi, man einhver eftir ruglinu í kringum Amores Perros (sjúk mynd, bæti ég við) þá var alltaf verið að troða ofan í mann “STRANGLEGA BÖNNUÐ INNAN 16 ÁRA!!!”, svo ég bjóst bara við einhverjum sick brútal viðbjóði, en svo var ekki, um var að ræða frábæra mynd sem var algerlega ekkert brutal, kanski smá rough, en ekki brutal.
Það er bara eins og þegar að erlend mynd gengur vel þá fari allt í fár og þær “rosalegar” og “Right up there with the Godfather” en sannleikurinn er bara sá að svo er í flestum tilfellum ekki.

Ferðamálaráðuneytið

Fyrra álit

Limer fyrir 20 árum, 5 mánuðum

Myndin er reyndar líka dáldið lík Amores Perros…

Fyrra álit

[Notanda eytt] fyrir 20 árum, 4 mánuðum

City of God lík Amores Perros? Af því að í þeim er talað sama tungumálið? Mér þykir leiðinlegt að segja þér það en þetta er ekki einu sinni sama tungumálið, það er töluð spænska í Amores Perros en Portúgalska í City of God. Fyrir utan það að tungumál myndanna hljómi mjög lík í okkar eyrum þá sé ég lítið sambærilegt með þessum myndum. Nánast bara ekki neitt.

Fyrra álit

Limer fyrir 20 árum, 4 mánuðum

Ég var alls ekki að tala um tungumálið, það er ekki eins og að þær kvikmyndir sem eru með lík tungumál þurfa að vera líkar. Ég meina sögusviðið og umhverfið er mjög líkt, í báðum myndunum er ein stór saga sem skiptist í nokkrar litlar, í báðum myndunum er ein stór klíka sem hefur mikla áhrif á söguþráðinn, báðar myndirnar hafa verið líkt við sömu kvikmyndirnar, báðar kvikmyndirnar fjalla töluvert um að lifa af fátækrahverfin í sömu heimsálfunni, þær eru svipað langar, þær mundu báðar teljast sem dramatískar glæpamyndir og snúast báðar um sömu lykilorðin. Þetta er eins og að bera saman Guy Ritchie og Tarantino, það er mismunandi stíll yfir myndunum en samt eru þær alveg svipaðar. Í rauninni eru þessar kvikmyndir líkari hvort öðrum en ég bjóst við.

Fyrra álit

[Notanda eytt] fyrir 20 árum, 4 mánuðum

Já, ég veit ekki alveg. Mér finnst þetta vera soldið eins og að líkja Goodfellas við Pulp Fiction. Eða ég upplifði þessar tvær myndir að minnsta kosti allt allt öðruvísi. Jú, það má segja að fyrsti partur Amores Perros sé dálítið keimlíkur og City of God, en öðrum sameiginlegum einkennum tek ég ekki eftir.

Fyrra álit

rfm fyrir 20 árum, 4 mánuðum

Amores Perros var leiðinleg og ef þessi mynd er svipuð þá fer ég ekki á þessa.

Lífið gengur út á að vera númer 1, ekki númer 2.

Fyrra álit

Limer fyrir 20 árum, 5 mánuðum

Einmitt hún er dálítið lík henni, sami sögustíll og sama umfjöllunarefni o.s.frv. Henni hefur líka verið líkt Pulp Fiction og Boys in the hood.

Fyrra álit

Kvikmyndir

Kvikmyndir

Ofurhugar

Stjórnendur

Hverjir eru inni

Greinar

Cidade de Deus/City of God

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi