Hmmm…þetta finnst mér vera hin mesta vitleysa. Að sjálfsögðu er gaman að skemmta sér yfir myndum og margar af betri myndum myndir sem ég get horft á aftur og aftur en þetta er alls engin regla og hálf bjánalegt að halda því fram.

Til að styðja mál mitt ætla ég að taka nærtækt dæmi. Irréversible er frönsk mynd sem sýnd er í háskólabíói um þessar mundir. Myndin er þess háttar að hún vekur upp þvílíkan viðbjóð og óhug að annað eins hef ég aldrei upplifað en kvikmyndin sjálf er fullkomið meistaraverk, mynd sem sýnir orsök, afleiðingar, hrikalega mannvonsku og endar á óði til lífsinns. Mér hefur samt aldrei liðið jafn illa í kvikmyndahúsi. Það má segja að þessi mynd sé besta mynd sem ég vil aldrei sjá aftur. Upplifun sem maður gengur í gegnum einu sinni og er það nóg. Er þessi mynd þá vond samkvæmt þinni skilgreiningu á góðri mynd? Er hún vond afþví að ég vil aldrei sjá hana aftur? Ég sá ekkert skemmtilegt við 9 mínútna óklippt nauðgunaratriði, þetta er ekki partur af heiminum sem ég vil endilega sjá en þessar 9 mínútur voru nauðsynlegar myndarinnar vegna og hjálpuðu henni að verða það meistaraverk sem hún er…en ég vil adlrei sjá þær aftur…aldrei…og þarafeiðandi getur þessi skilgreining ekki staðist

Monster's Ball er mynd sem ég skemmti mér ekki á. Þetta er mynd sem ég mun aldrei sjá aftur af ásettu ráði. Þetta var stórkostlega góð mynd. Hvernig skýrirðu það?

Ég get ekki sagt að ég hafi skemmt mér yfir The Exorcist og að sjá 11 ára stúlku eyðileggja á sér móðurlífið með róðarkrossi en þetta er stórkostlega góð mynd! Hvernig skýrirðu það.

Ég hef lúmskt gaman af kvikmyndinni A Knight's Tale (ég elska aukaleikara sem stela senunni) en ég mun aldrei flokka þetta sem góða mynd. Hvernig skýrirðu það?

Masters of the Universe (þú veist, gamla He-man myndin með Dolf Lundgren) finnst mér snilld á svona “svo léleg að hún hefur skemmtanagildi” hátt. Þetta er ein lélegasta mynd kvikmyndasögunnar!!! Hvernig skýririðu það?

Ég skal segja þér hvernig. Mismunandi sjónarhorn. Fullyrðingarnar hér að ofan eru SKOÐANIR MÍNAR og aðeins mínar. Ekki láta þröngsýni þína láta þig líta út eins og vitleysing (aftur, það er að segja, þér tókst vel upp hér að ofan). Það skiptir ekki máli hvort allir séu sammála þér, heldur að þú sjáir kvikmyndirnar á þínum eigin forsendum. Ef þér finnst mynd góð af því að hún er skemmtileg en léleg ef hún er leiðinleg, þá er það þinn réttur. Persónulega met ég myndir út frá því hvort þær fá mig til að hugsa til jafns við það hvort þær séu skemmtilegar. Svo kemur margt inn í, eins og hversu mörg brjóst eru í þeim;) Það er minn réttur.

“MARKMIÐ ALLRA MYNDA ER AÐ SKEMMTA ÁHORFENDUM EKKERT ANNAÐ!!!”

Þetta er gott og blessað í þínum heimi. Þetta gildir ekki í mínum. Áttaðu þig á því, áður en þú alhæfir nokkuð, að við skynjum hlutina á mismunandi hátt og það er ekki þitt að segja hvernig við hin eiga að meta kvikmyndir.

Ég held barasta að þú hafir hitt naglann á höfuðið. Þetta er einmitt það sem ég hugsa alltaf! En svo er endalaust hægt að rökræða, hvort einhver skemmtileg mynd, sé virkiega skemmtileg? Hvort staðlanir í dag séu ekki bara það sem hollywood er búið að festa í okkur með endalausari markaðsetningu.

Anywho, góður punktur og góð grein, þú átt hrós skilið.

Þetta er bara rugl hjá þér Bolverkur!
Skemmtileg mynd þarf ekkert að vera góð (dæmi: Rollerball [2002])
Og góð mynd þarf ekkert að vera skemmtileg (dæmi: The English Patient)
Ég held að það sem þú meinar er að ef maður getur notið myndar sé hún góð en þarf ekkert að vera skemmtileg
Svo er það líka smekksatriði hjá hvurjum og einum hvað skemmtileg mynd er, en það er nokkuð fast sett hvaða myndir eru góðar. þeas. manni FINNST mynd skemmtieg eða leiðinleg, en mynd ER góð eða slæm

Það fólk sem segir að góð mynd sé ekki það sama og skemmtileg mynd eru wannabe listaunnendur sem halda að þeir hafa eitthvað vit á list og hámenningu.

Það er, ólíkt því sem böll-verkur vildi meina til lélegur kvikmyndasmekkur. Gelgjur sem fíla myndir líkt og heartbreakers og About a Boy, hafa einfaldlega ekkert vit á myndum. Það er orðin sorgleg staðreynd að hollywood myndir eru einfaldlega ekki skemmtilegar. Magnolia, Royal Tannenbaums og þessi bölvaða vitleysa sem Bölverkur taldi upp er álíka spennandi og skemmtilegt og niðurgangur á fylleríi.

Skemmtilegar myndir eru myndir líkt, Aap Mujhe Aache Lagne Lage (mynd frá bollywood, framleiðslukostnaður var innan við 15.000 íslenskar kr.) eða Bad boy bubby.

Lokasvar. Lélegar myndir geta verið skemmtilegar, FYRIR FÓLK SEM HEFUR EKKI VIT Á KVIKMYNDUM, en fyrir okkur snobbhænsnin eru einungis óháðar myndir eftir no-name leikstjóra í útlöndum (i.e. ekki hollywood) góðar, allt annað er commercialista drasl.

LIFI BYLTINGIN!!!

Ertu alveg frá þér maður?
Hvernig geturðu fullyrt að eitthvað SÉ einhvern veginn eða hinsegin, þegar þú ert að tala um SKOÐANIR?!?

Fyrir þér er markmiðið með bíóglápi að láta skemmta þér. Það er meginmálið.
Það þýðir ekki að markmið allra bíómynda sé að skemmta fólki.

Margir vilja sjá myndir sem hræra í sálinni, hvort sem það er á jákvæðan eða neikvæðan hátt.
Eitthvað sem gefur manni nýjan pól í tilveruna, nú eða sýnir manni alveg nýja tilveru.
Eitthvað sem fyllir mann von, ótta, spennu. Eitthvað sem hefur áhrif á mann.

Hefur þér einhvern tíma dottið í hug að líta á kvikmyndir sem LISTAVERK?
Nei, auðvitað ekki. Þú vilt að þær séu skemmtilegar… ekki satt?
Margar myndir eru listaverk, hrútleiðinlegar en samt gífurlega góðar myndir. The English Patient kemur upp í hugann.
Svo eru myndir sem eru bráðskemmtilegar en hafa ekki einn einasta listræna ramma.
There's Something About Mary var mjög skemmtileg mynd, mjög fyndin, en telst víst seint til merkilegri listaverka kvikmyndasögunnar. Þýðir það að hún sé ekki góð? Nei, ekkert frekar en illgresi eins og Armageddon telst góð mynd bara af því að fullt af fólki hafði gaman af henni. Mér fannst það hrikalega léleg mynd, einhverjum öðrum fannst hún skemmtileg. Hver er munurinn? SKOÐANIR OKKAR OG SMEKKUR!
Lélegar myndir geta alveg verið skemmtilegar. Þýðir það sjálfkrafa að þær sé góðar? Nei, alls ekki. Plan 9 From Outer Space mun aldrei verða álitin góð mynd. Hún er margviðurkennd sem lélegasta mynd allra tíma (þó mörgum finnist önnur mynd eftir Ed Wood, Glen or Glenda, ennþá lélegri), en hún er samt þrælskemmtileg einmitt útaf því hversu léleg hún er.
Semsagt: Skemmtileg mynd != góð mynd (ekki endilega).

Þetta sem þú ert að tala um er að mínu mati tóm þvæla, því kvikmyndir rétt eins og tónlist, myndlist og önnur list er huglæg. Þetta snýst allt um það hvernig áhorfandinn tekur efninu sem fyrir hann er borið. Það sem höfðar til þín höfðar kannski ekki til mín og öfugt. Það þýðir ekki að ég hafi betri eða verri smekk en þú, það þýðir bara að ég geri aðrar kröfur en þú.

Það var einmitt verið að fjalla um svipað dæmi í Los Angeles Times í gær… Þar sem birtur var listi yfir 10 bestu myndir ársins að mati gagnrýnenda og hann borinn saman við 10 vinsælustu myndir ársins. Það var bara ein sem var á báðum listunum, The Two Towers.
Þýðir það að annarhvor listinn sé “rangur”? Nei, þetta þýðir að það er verið að bera saman epli og appelsínur… Annar hópurinn er magn-neytandi (eins og þú), hinn hópurinn er listunnandi (eins og ég). Hvor hefur rétt fyrir sér? Þegar kemur að peningamaskínunum, hinn fyrri. Þegar kemur að verðlaunaafhendingum, hinn seinni (reyndar hefur fyrri hópurinn verið að troða sér í seinni hópinn síðustu ár, þökk sé Miramax, því verðlaun geta aukið hagnað bíómynda).

Niðurstaða:
Þessi umræða er út í hött og þjónar eiginlega engum tilgangi öðrum en að safna stigum á Huga.

krakkar mínir það mætti halda að þið væruð haldnir alvarlegri lesblindu. Ég vil leiðrétta ykkur alla bara í einn grein til að forðast misskilning. Ég sagði til dæmis aldrei neitt um að horfa oft á myndir.

Friðfinnur: Nú hef ég ekki séð þessa Irréversible en ef þú hefur gaman að því að horfa á einhvern viðbjóð then so be it. Og hvaða upplifun var það eiginlega? Snerti þetta sál þína þannig að þú lærðir að meta það sem lífið hefur að bjóða eða misstirðu bara matarlystina.
Mér fannst ég nú taka skírt fram að myndir höfða mismunandi til fólks. Og þessi mynd þín getur vel verið góð á sínu svið. En þá er það vegna þess að fólk sem hefur GAMAN af því að horfa á myndir af þessu sviði hefur gaman af henni.

Dojo: Ég get skýrt alla þessa hluti. En ég þarf þess ekki vegna þess að. Til að fá skýringu þarftu bara að lesa greinina mína. Ertu ekki líka að ruglast eitthvað á hvað orðið skemmtun og gaman þýðir. Exorsist er hryllingsmynd og ég hafði gaman að henni sem slíkri og maður má nú eiga von á einhverjum svona atriðum í hryllingsmyndum. Masters of the universe tekst EKKI ætlunarverk sitt og er þar af leiðandi léleg. Og ekki segja að ég sé að láta mig líta út eins og vitleysing þar sem næstum annað hvert orð í svari þínu hljómar eins og þú hafir ekki skilið orð af því sem var uppi. “Það skiptir ekki máli hvort allir séu sammála þér, heldur að þú sjáir kvikmyndirnar á þínum eigin forsendum”. Þetta hefði getað verið fyrirsögn greinarinnar ef það kæmist fyrir, ég er að útskýra þetta fyrir fólki. Með því að segja að góð mynd er mynd sem tekst vel upp ætlunarverk sitt. Hver auðvitað í sínum flokki, t.d. góð gamanmynd fær fólk til að hlæja. Góð hryllingsmynd vekur hroll. Nákvæmlega eins og ég sagði. OG ÉG SAGÐI ALDREI NEITT UM SKOÐANIR MÍNAR NEMA Í SVIGUM.

Thrumufleygur: Mér finnst nú ótrulegt að þér finnist Rollerball skemmtileg hasarmynd því það finnst mér alls ekki. En ef þér finnst hún skemmtileg þá ætti þér að finnast hún góð. Nema þér finnist allar hasarmyndir góðar og þessi í lélegri kantinum. Og sama gildir um english patient. Hún er ævintýramýnd og flokkast undir eitt dæmanna sem ég tók að ofan. Ef þér finnst hún ekki skemmtileg þá ætti þér að finnast hún léleg. Nema þér finnist allar ævintýramyndir lélegar og þessi í betri kantinum

Manteufel: Ég er sammala þér. það er rugl hjá Turkish að gagnrýna það hvernig myndin er framleidd. Ég geri auðvitað ráð fyrir því að þetta sé kaldhæðni því ef ekki þá ættirðu að skjóta þig sem snöggvast:)

Stigurh: Mér fannst requem for a dream skemmtileg. Tað var gaman að horfa á hana. Mér liddist ekki, því fannst mér hún góð.

Mantefel aftur: við hvern ertu að tala.

Ég vil bæta við dæmi um skoðun mína, þar sem það vantaði greinilega og fæstir skildu greinina mína.

The deer hunter:
Mér fannst hún ömurleg. Vegna þess að mér fannst virkilega leiðinlegt að horfa á hana. Þrátt fyrir að hitt og þetta í henni hafi verið gott eins og til dæmis leikur, myndataka og þess háttar hafi verið gott. Henni tókst ekki að skemmta mér í 3 tíma þess vegna er það léleg mynd að mínu mati. Þó svo að flestir myndu skilgreina hana sem góða án þess að hafa ástæðu fyrir því. Hugmyndasnautt fólk er bara búið að láta ákveða fyrir sig að hún sé góð vegna þess að hún fær verðlaun.

Tökum Requiem for a dream sem dæmi… flott og mjög góð mynd, en mér leið bókstaflega ílla eftir að hafa horft á hana, en hún var góð og kannski finnst sumum skemmtilegt að líða illa, þannig að kannski var hún svaka skemmtun hjá sumum, en ég tel hana ekki vera beint mikil “skemmtun”.

BS - GSnow

Heiða J. á Mogganum(gagnrýnandi“ sagði um Ghostship ”mjög ótrúverðug mynd"

Halló? Draugamynd.

sko ég var ekki að f…. skilja orð af því sem þú sagðir.
"Er fólk gelgjur með lélegan kvikmyndasmekk ef því finnst gamanmynd góð. Það er stór munur á góðri mynd og vandaðri mynd. Mynd með góðum leik/leikstjórn, tónlist, kvikmyndatöku sviðsmynd og svo framvegis er vönduð mynd ekki góð. Væri þá fyndin grínmynd jafn góð og léleg góð mynd. Nei vegna þess að fyndin grínmynd er góð.

ég held að það sé bara eitthvað að þér.

sko ég var ekki að f…. skilja orð af því sem þú sagðir.
"Er fólk gelgjur með lélegan kvikmyndasmekk ef því finnst gamanmynd góð. Það er stór munur á góðri mynd og vandaðri mynd. Mynd með góðum leik/leikstjórn, tónlist, kvikmyndatöku sviðsmynd og svo framvegis er vönduð mynd ekki góð. Væri þá fyndin grínmynd jafn góð og léleg góð mynd. Nei vegna þess að fyndin grínmynd er góð.

ég held að það sé bara eitthvað að þér.

þetta er mjög einfalt á flókinn hátt, engin er eins og þessvegna finnst fólki hlutir misskemmtilegir. Einum finnst ekkert gaman af bíómyndum, öðrum finnst gaman af “illa” gerðum hollywood myndum, sumum finnst gaman af “vel” gerðum listrænum myndum og svo má lengi halda áfram. Horfið á það sem þið viljið horfa á, ekki láta einhverja hottumtotta gera barnalegan stöðul á því hvernig kvikmyndir eiga að vera.