Galdrameistarinn er nokkurs konar framhald af Ísfólkinu. Þetta er samt sjálfstæður bókaflokkur og ekki tengjast þeir tveir fyrr en seinna. Galdrameistarinn segir frá íslenskum galdrameistara að nafni Móri og stúlku að nafni Tiril og viðskiptum þeirra við Reglu Hinnar Heilögu Sólar og félagsmenn hennar. Þetta verður kapphlaup um að finna hina heilögu sól og lenda þau í ýmsum háska í millitíðinni þar sem reglubræður svífast einskis til að fá það sem þeir vilja...
Ríki Ljóssins er sjálfstætt framhald af Galdrameistaranum og Ísfólkinu. Sagan gerist í miðju jarðar þar sem lítið samfélag manna, farandmanna og annarra furðuskepna hafa byggt hið fullkomna samfélag ljóss og hlýju. En fyrir utan það er hættulegt svæði kallað myrkraríkið þaðan sem illska og myrkur sækir að Ríki Ljóssins. Svarta vatnið sem við þekkjum úr Ísfólksbókunum tengist þessu og fyrir rest verður að finna leið til að eyða uppsprettunni...
Bækurnar eru sjálfstæðar með sinn söguþráð þrátt fyrir að þær gangi út á þetta. Mjög góðar bækur en aðeins hafa 15 bækur af 20 verið þýddar á íslensku.