Þú skalt æfa innkall og þegar hann kemur til þín þá skaltu ekki setja hann inn í hús eða bíl heldur gefa honum skipunina “frjáls” og leyfa honum að fara leika sér aftur.
Mér sýnist að þegar þú gefur honum skipun um að koma þá sé gamanið búið.
Þetta þarftu að brjóta upp.
Það á alltaf að vera gaman að koma til þín.

Ég vandi Grímu mína á að koma með því að taka alltaf nammi með í göngutúr fyrst og kalla oft á hana og gefa henni nammi :) Þá fór hún stundum að koma án þess að ég kallaði á hana, bara til að fá klapp :) Hún gerir það oft. Þetta alveg svínvirkar…

Persónulega átti ég í sama vandamáli meðan hundurinn minn var á kynþroskaskeiðinu sínu… hann var mjög góður heima en átti erfitt með að hlýða innkalli á geirsnefi… það sem ég gerði var að ég gerði erfiðara fyrir honum að komast á geirsnef… hann þurfti að biðja með augum að komast útúr bílnum… svo þurfti hann að biðja mig að fá að komast af stað… (lét hann alltaf setjast strax) og svo var það lykilatriðið… (ég hef aldrei látið hann elta bílinn minn) þannig að þegar hann svaraði ekki innkalli þá fór ég inní bíl og ræsti og lagði af stað… þá kom hann eins og engill stressins og bað um að komast inn.. og þá lét ég hann í bílinn án hróss…
svo vandi ég komur mínar á svæðið og hætti að leggja þar sem allir leggja heldur var ég alltaf pínu frá hinum og passaði mig að vera aldrei kyrr… þeas ekkí á einhverjum spjöllum heldur bara í göngu og þá vandist hann á að fara ekki of langt frá mér og svo fór ég að kalla hann inn svona 5 sinnum þegar engir voru þarna og svo framvegis… þetta gekk á endanum… lykillinn var semsé… ekki leggja hjá mesta fjörinu og ekki hanga og láta hann halda að þú sért einhvernstaða kyrr alltaf.. því hvolpar vilja vita af þér og með því að vera á hreyfingu venst hann á að fylgjast með þér… og að lokum … aldrei að elta hann eða láta hann kalla þig inn … það er það versta…

kv Ynja litla

Jáhá .. þetta er leiðinlegt vandamál sem margir hundaeigendur stríða við.

Nú er um að gera að taka þetta með trukki, og ekki hætta fyrr en þetta er leyst.

Sú aðferð sem ég myndi nota er þessi:
Ef þú átt ekki Flexi taum, þá að útvega sér þannig græju.
Alltaf þegar farið er út með hundinn, má ekki sleppa honum lausum, bara hafa hann í Flexi, þegar hann má hlaupa laus í taumnum, að gefa honum lausnarorð (td. frjáls, gerðu svo vel, eða hvað sem hentar þér bara)
Kallaðu svo í hundinn öðru hvoru, og ef hann hlýðir ekki, togaðu þá í ólina og kallaðu aftur, þegar hann kemur til þín, gefðu honum þá verðlaun (nammi, klapp eða hvernig sem þú verðlaunar hundinn fyrir góða hegðum).
Þetta skaltu endurtaka aftur og aftur og aftur, þangað til hann er farinn að hlýða þér alveg undantekningalaust!
Þegar þú álítur að hann sé orðinn nokkurn veginn góður, þá getur þú prófað að fara með langt venjulegt band, sem er mikið lengra en flexi ólin, og prófa hvort að hann hlýði innkallinu þegar hann er kominn lengra frá þér en hann vanalega kemst í Flexi ólinni.
Ef hann hlýðir því 100%, má biðja einhvern um að trufla hann þegar þú ert að kalla hann inn, td með öðrum hundi og athuga hvort að hann hlýði þér undir þeirri “pressu”.

Það er mjög mikilvægt í þessu ferli að hann fái ekki að vera laus og komast upp með það að hlýða þér ekki, og eins og stunda ekki þjálfum með Flexi á stöðum þar sem mikið af hundum er (til að byrja með allavega)

Ég notaði þessa aðferð með frábærum árangri á Labrador/Golden tík sem ég átti, sem var mikið fyrir það að verða “heyrnalaus” þegar á reyndi.
Eftir 2-3 mánaða þjálfun var hún orðin nógu góð til að ég gæti farið með hana lausa út með mér hvert sem er, þó svo að ég hafi ekki stundað það.
En ég sá árangur strax eftir nokkra göngutúra með hundinn í Flexi ólinni og pylsubita í poka :)

Ég vona innilega að þetta hjálpi þér, og þó að þetta sé svolítið mikil vinna, þá er það vel þess virði, vegna þess að hundurinn býr að þessu ævilangt.

Bara mundu, að koma þér ekki í þá aðstöðu að láta hann komast upp með að hlýða þér ekki.

Gangi þér vel

Þú getur prufað að halda á honum stuttan spöla af leiðinni og svo reynt að fylgja honum restina af leiðinni t.d. með því að kalla á hann eða efa benda honum á staðinn. Boxerinn er kannski svoltið þungur er golden retreaverinn minn kemur alltaf við þetta trix.

Í guðanna bænum ekki fara með hann út á Geirsnef, þar er allt morarni í sýklum, og hundar hafa verið drepnir af öðrum hundum. kveðja. Eitt í viðbót, ég veit um manneskju sem tekur svona vandamál að sér, og þeir eru allir gegnir og ekkert vandamál, langaði bara að segja þér frá þessu.