Húðflúr og götun

Reglur til að stunda /hudflur

Framkoma
Vinsamlegast passið upp á framkomu á þessu áhugamáli. Það er munur á neikvæðri gagnrýni ("mér finnst þetta ekki flott en það sem gæti farið betur er t.d....") og á því að vera með skítkast ("ojojoj hvað þetta er ógeðslega ljótt"). Stjórnendur á þessu áhugamáli munu senda viðvaranir á þá notendur sem þeim finnst fara yfir strikið og setja þá á viðeigandi brotastig.

Myndir
Vandið valið á myndum sem þið sendið inn. Ekki senda inn alltof stórar, alltof litlar eða mjög óskýrar myndir (í lélegum webcam gæðum sem dæmi). Stjórnendur áskilja sér rétt til að hafna öllum myndum sem falla undir þessa flokka.
Myndir sem notendur senda inn af sínum eigin húðflúrum eru algerlega þeirra eign og það er með öllu bannað að stela myndinni/hugmyndinni nema með samþykki eigandans! Við erum jú hér til að sýna okkur og sjá aðra, ekki stela og herma eftir :)

Kannanir
Reynið að vanda kannanir sem þið sendið inn. Hafið þær skýrar og hafið alltaf valmöguleikann “Annað” og/eða “Hlutlaus” og/eða “Vil ekki svara”. Lesið vel yfir könnunina áður en þið ýtið á “Könnun tilbúin” hnappinn.

Greinar
Vandið greinaskrif og uppsetningu á greinum. Það er ekki gaman að lesa greinar þar sem engin eru greinaskil, punktar, mikið af málfræði- og stafsetningarvillum o.s.frv... Stjórnendur áskilja sér rétt til að hafna svona greinum eða færa þær yfir á korkana.
Eins er ritstuldur bannaður hér eins og annarsstaðar á Huga.

Korkar
Passið að setja umræður í rétta korka.. Spurningar og umræður um tattoo í “Húðflúr” , spurningar og umræður um piercing í “Götun” og svo allt annað í “Annað”. En sá korkur er hugsaður fyrir litlar reynslusögur og umræður um allt sem er tengt þessum lífstíl en flokkast ekki undir “Húðflúr” og “Götun” (t.d. scarification, branding og annað bodymod)

Verð
Ef þið hafið spurningar varðandi verð á húðflúrum þá vinsamlegast hafið samband við flúrarana því það eru þeir sem ákveða verðin, ekki við :) Sýnið þeim mynd eða komið með hugmynd að mynd og þeir meta hana til fjárs!

Sjálfsgötunarþræðir
Þræðir um sjálfsgatanir eru ekki bannaðir EN þræðir og svör sem benda fólki á að gata sig sjálft eru bannaðir og verður eytt.

Að gefnu tilefni:
Við viljum taka það fram að það er stranglega bannað að bjóðast til þess að gata og flúra ólögráða einstaklinga án leyfis.

Kv. Eliiin – Stjórnandi á /hudflur.