Samningar hafa tekist milli Internetþjónustu Símans og Valve um hýsingu á Steam Content server fyrir viðskiptavini Internetþjónustu Símans.

Í þessum töluðum orðum er verið að keyra upp á höfða til Opinna kerfa hf. og sækja vélbúnaðinn fyrir þessa þjónustu, ekkert slor þar á ferð, HP Proliant 360 server.

Reikna má með að þjónusta þessi verði komin í gagnið á allra næstu dögum.