Ekki fæ ég skilið hvers vegna þú hafðir fyrir því að skríða úr þeim synda-helli sem þú varst búinn að koma þér svo þægilega fyrir í - enda sem betur fer lítið heyrst frá þér mánuðum saman og CS þrifist sem aldrei fyrr.
Mér var í æsku kennt að maðurinn væri góður, þegar hann veit hvað hann segir - eins og segir í Spámanni hans Gibran, en ljóst er að ég verð að taka alla mína æsku og uppeldi til endurskoðunar enda aldrei nokkurn tíman komist í tæri við fiðurfénað sem þig.
Það gildir einu hver það er sem reynir að færa þig á braut hins sanna og rétta í lífinu, alltaf skalt þú reyna að afvegaleiða viðkomandi með fyrirsjáanlegum fyrirslætti sem vonandi hver meðalmaður sér í gegnum.
En hér á þessu áhugamáli reynast vissulega breiskar sálir sem vita rétt í hvaða fót skal stíga, og þegar að fals-spámenn sem þú mæta á sviðið, þykjast fullir lotningar en eru í raun fullir hatri og væntingum um drottnun, þá er voðinn vís!
Ég ítreka við þig, sem fyrr, að lesa gaumgæfilega bækurnar um Artemis Fowl, en nýjasta bókin um þann góða gæja (og glæpamann) heitir einmitt Samsærið. Það getur einungis gert þér gott.
Og þegar létta þarf lundina er ekki galið að grípa í eins og eina bók um hann Kaftein Ofurbrók, en ef vel er að gáð býr ýmislegt merkilegt undir háði hans.
Treystu mér!
Þinn vinur,
BenDove
BendOver minn!
Ég held að þú sért að verða ruglaður af öllum þessum lestri. Og leiðin úr Spámanninum (sem er reyndar ótrúlega ofmetið og vemmilegt rit) yfir í Ofurbrókina hefur greinilega reynst þér ofraun. Ég sagði það áðan og segi það aftur: Málsvari málþófsins. Og innan um allt bullið fæ ég svo á mig ómaklegar gusur: Falsspámaður sem leynist í syndahelli og leitast við að afvegaleiða saklausar sálir - sem eru þá væntanlega þú og þínir. Og það eina sem ég var að forvitnast um er hverju það sæti að þetta “Ofurhuga-box” sé þarna dinglandi - þjónandi engum tilgangi nema ef vera kynni einhverjum annarlegum. Ég held ég sleppi því að lesa Ofurbrókina - lestur í þeirri skruggu virðist, sé miðað er við þig, stórhættulegur. Nema þetta tengist einhvern veginn: Ofur-hugar, Ofur-brók, Ofur-NeF?
The Godfather II, besta kvikmynd í heimi, er að byrja og ætla ég láta þessum skrifum lokið í bili.
Farðu vel með þig BendOver og við getum einungis vonast til að hann dr. Fidel fari að koma til landsins aftur. Þú varst farinn að lagast örlítið eftir legur á bekknum hans.
Bestu kveðjur,<br><br>[GGRN]Rooste
0
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.