Fimbulfamb fyrir 17 árum Fjöldi lestra: 1285

Um hreinskilni

Af (marg)gefnu tilefni fannst mér ég knúinn til að útlista og gera grein fyrir kostum hinnar vandmeðförnu hreinskilni.

Skortur á hreinskilni
Fólk nú til dags er oft ekki móttækilegt fyrir hreinskilni. Þegar maður er spurður “hvað segirðu?” þá svarar maður, eins og í trans, “allt gott”. Þegar kokkur spyr mann hvernig maturinn hans bragðaðist svarar maður oftast “bara vel”. Þetta gagnast vitanlega ekki nokkrum manni. Fólk spyr mann að einhverju til að fá álit manns, ef svo er ekki þá eru spurningarnar gagnslausar. Ég treysti því að fólk beri nægilegan frumleika, kjark og hreinskilni í brjósti til að segja eitthvað annað en bara “allt gott” og “bara vel”.

Beiting hreinskilni
Hreinskilni er virkilega heppilegt verkfæri. Ef allir væru hreinskilnir, alltaf, yrði enginn sár ef maður segði honum hvernig fötin hans færu honum í raun, hvernig maturinn hans bragðaðist og hvernig manni liði. Engin vandkvæði. Þetta er fólk oft ekki reiðubúið fyrir, enda kann fólk enn illa við að heyra “þú ert ekki fyndinn” eða “hættu að tala við mig”. Fólk vill láta ljúga að sér.

Særingamenn
Í heimi hamslausrar hreinskilni myndi þó ávallt gefa að líta svarta sauði, rétt eins og í hinum núverandi heimi. Vandamál gætu orðið til vegna fólks sem væri “of hreinskilið”, væri hreinlega særandi. Þar er mikilvægust eigin dómgreind hvers og eins á muninn á skoðun og særandi ummælum. Þetta yrði þó engu frekara vandamál en í núverandi heimi.

Að stíga skrefið til fulls
Vilji maður vera hreinskilinn við aðra verður maður að búast við hreinskilni í eigin garð. Geti maður tekið gagnrýni lendir maður ekki í vandræðum með gagnrýni á aðra, svo lengi sem maður heldur sig innan ramma sanngirni.

Mér þætti gaman að sjá alla vera hreinskilna um sem flest málefni, því þá opnast hreinlega nýir heimar samræðna sem fólk hefur ekki dirfst að fara inn á áður. Hreinskilni er ávanabindandi. Jafnvel þótt fólk eigi stundum erfitt með að taka við sannleikanum veldur hann aldrei djúpum sárum. Hugurinn að baki orðunum gildir.
Missi maður eitthvað út úr sér getur maður svo alltaf beðist fyrirgefningar.

kjosandi.is

[Notanda eytt] fyrir 17 árum

Góð grein og enn önnur ástæðan til að stofna sálfræðiáhugamál.

Fyrra álit

[Notanda eytt] fyrir 16 árum, 8 mánuðum

ég styð það

Fyrra álit

Dvergabondi fyrir 17 árum

Hreinskilni er eitt það besta sem ég veit. Frá því ég var lítil hef ég vanið mig á að segja ekki alltaf “Allt fínt” aðspurð hvernig ég hefði það. Því ef fólk spyr, þá vill það greinilega vita. Sem er reyndar samt ekki satt. Afþví “Hvernig hefurðu það?” er oftast bara einhver kurteisis-siður sem hefur alist upp með fólki, a.m.k. hér á landi.

Vandamál gætu orðið til vegna fólks sem væri “of hreinskilið”, væri hreinlega særandi.

Þetta er einmitt það fólk sem ég þoli ekki. Það fólk sem heldur að “dónaskapur” og “hreinskilni” sé það sama.

Oft spyrja stelpur aðra; “Er ég feit í þessu?” en hugsunin á bakvið spurninguna er í raun “Viltu gjöra svo vel og hrósa mér!”. Ef þær fá algjörlega hreinskilið svar, verða þær kannski mjög svekktar. Of mikið af óhreinskilnum hrósum geta valdið frekju og aðeins of stórri sjálfsímynd.

Kick me if I'm wrong.

Fyrra álit

Dvergabondi fyrir 17 árum

Og já, gleymdi að segja að mér finnst þetta frábær grein hjá þér.

Fyrra álit

killy fyrir 17 árum

Maður svarar stundum þeirri spurningu “hvað segirðu” ‘bara vel’ því maður nennir ekki að tala. Ef svarið verður “æji, ekkert sérstaklega” þá fær maður venjulegast aðra spurningu tilbaka.
Hinsvegar spyr maður að þessu líka einfaldlega til þess að vera kurteis og hljóma vingjarnlega við fólk sem maður bæði þekkir vel eða kannast við.

Horfði einmitt á mynd bara í gær sem heitir Closer og þá kemur einmitt mikilvægi hreinskilni fram.

“There's no such thing as stupid questions, just stupid people.”

Fyrra álit

Dvergabondi fyrir 17 árum

Já það er reyndar satt. Ef maður nennir ekki einhverju tilfinningaspjallsveseni þá segir maður “Bara fínt”.

Fyrra álit

Rassgata fyrir 17 árum

já ég er alveg sammála… ef fólk sem maður þekkir ekkert það vel er að spyrja þá er fínt að segja “bara fínt” til að forðast fleiri slíkar spurningar eða þegar maður nennir ekkert að fara út í það hvernig manni líðu

Fyrra álit

[Notanda eytt] fyrir 17 árum

Mér finnst hreinskilni vera ofmetin..

Samt fín grein.

Fyrra álit

Kwarkle fyrir 17 árum

Flott grein!

Fólk á það til að segja að ég sé alltof hreinskilin. Mér finnst það hálfpirrandi því oftast á það ekki rétt á sér.

Dæmi: Ég og vinkona mín fórum í búð og hún sá peysu sem að mér fannst virkilega ljót og hún spyr: “Finnst þér þetta ekki geðveik peysa?” og býst við því að ég svari með jái. En ég svaraði: “Nei, mér finnst hún eiginlega ekkert flott.” Þá varð hún sár og sagði að ég væri alltof hreinskilin. Þetta fór virkilega í taugarnar á mér.

Annað dæmi: Ég er í skólanum og enskukennarinn byrjar að dásama verk Shakespears, ofdásama… Svo segir hún: “Jæja krakkar, við ætlum að taka kafla úr Hamlet og leiklesa. Hvað finnst ykkur um það?”. Ég svara: “Mér finnst það asnalegt, Shakespeare er fínn í sjálfu sér, en fæst okkar geta lesið svona ensku og hvað þá leiklesið hana. Afhverju getum við ekki lesið eitthvað eftir Hemingway eða jafnvel Dickens?” Hún gaf mér punkt fyrir að vera með uppsteyt.

Hreinskilni er alveg ótrúlega vanmetinn hlutur.

John Lydon
I have no time for lies and fantasy and neither should you.

Allir hlutir eru haldnir heimþrá til jarðarinnar og þess vegna falla þeir þangað þegar tækifæri gefst.

Fyrra álit

franur fyrir 17 árum

oooooookey…

Lífið er aðeins vegur sem leiðir til dauða.

Fyrra álit

Kreoli fyrir 17 árum

Greinilega vel bitur kennari.

Fyrra álit

Kwarkle fyrir 17 árum

Ójá…

Allir hlutir eru haldnir heimþrá til jarðarinnar og þess vegna falla þeir þangað þegar tækifæri gefst.

Fyrra álit

Kreoli fyrir 17 árum

Hafa þessir punktar annars einhver áhrif? Alls staðar sem ég hef vitað af því hefur ekkert verið gert við því þó einhver hafi verið með fullt af punktum.

Fyrra álit

Kwarkle fyrir 17 árum

Ég fer á fund hjá barnaverndarnefnd bráðum allaveganna … komin með 247 punkta =) vantar 13 í barnaverndarnefndarviðtalið

Allir hlutir eru haldnir heimþrá til jarðarinnar og þess vegna falla þeir þangað þegar tækifæri gefst.

Fyrra álit

Kreoli fyrir 17 árum

247 punkta?! Hvernig er það mögulegt, fær maður fleiri en einn punkt fyrir vissa hluti?

Fyrra álit

Kwarkle fyrir 17 árum

1 fyrir seint
2 fyrir fjarvist (seinna en fimmtán mínútur)
3 fyrir skróp
2 fyrir að fara útaf skólalóðinni á skólatíma
1 fyrir truflun í tíma
20 fyrir að reykja á skólalóð eða skólasvæði
1 fyrir að læra ekki í tíma
og svo er eitthvað meira sem ég man ekki eftir í augnablikinu…

Allir hlutir eru haldnir heimþrá til jarðarinnar og þess vegna falla þeir þangað þegar tækifæri gefst.

Fyrra álit

habibi fyrir 16 árum, 12 mánuðum

Hah þannig að ef ég myndi skrópa í 6 tímum, mæta of seint í einn tíma og vera með læti í næsta tíma þá myndi ég fá jafnmarga punkta og sá sem fær sér sígó.. kjánó.

Fyrra álit

penrhyn fyrir 17 árum

Ég hef vanið mig á það að segja ekki “bara fínt” nema ég meini það þegar ég er spurður. Ef mér líður illa og einhver spyr mig “hvað segirðu?” þá svara ég t.d. “æi ekkert sérstakt”. Þetta svar á það hinsvegar til að koma flatt upp á fólk og hef ég jafnvel lent í því að fólk hefur hrakist frá mér og ekki viljað tala við mig vegna þess að ég er hreinskilinn varðandi líðan mína. Það finnst mér afskaplega óþroskaður hluti þessa samfélags okkar; að geta ekki móttekið hreinskilið svar við spurningunni sem manneskjan sjálf var að bera upp.

Og já, mjög flott grein hjá þér.

Fyrra álit

Rassgata fyrir 17 árum

gaman að þessari grein. Ég væri mjög til í að fleiri væru hreinskilnir í minn garð en ég held líka að ef ég byrja að vera hreinskilin við fólk í kringum mig þá muni það taka því illa þegar ég segi eitthvað ljótt og muni líka verr við mig sem er mér í óhag í þeim tilfellum sem mér likar vel við fólkið

Ég gæti t.d. ekki hugsað mér að fara til ömmu og segja að grauturinn hennar sé vondur, hún færi bara í köku og myndi líða illa o.s.frv.

Stundum er maður í vondum fíling kannski og á þannig stundum vill maður láta ljúga að sér

en ég er samt alveg sammála með hvað það væri þægilegt að geta spurt fólk í kringum sig álits á hlutum en það vill ekkert særa mann þannig það eru fáir sem ég nenni eitthvað að spyrja vanalega

Bætt við 5. apríl 2007 - 21:46
og já ég er líka nýfarin að spyrja fólk “hvernig líður þér” eða “hvernig hefurðu það” því mig langar að heyra hvernig því líður
en reyndar fær maður alveg “gott” og “vel” mjög oft en þá verður maður bara að vera ýtinn hehe

Fyrra álit

Lurkur33 fyrir 17 árum

Flott grein og góð pæling.

Ég tel mig vera hreinskilna manneskju, segi það sem mér fynnst en geri það náttúrulega á kurteysislegan hátt
t.d. ef mamma spyr “hvernig fannst þér maturinn” og mér fannst hann ekki góður þá segi ég “æjj ekki minn smekkur”.

Ef einhver spyr mig hvernig mér fynnst þessi peysa og mér fynnst hún ekki flott segi ég “tjahh mér fynnst hún ekkert flott en það er náttúrulega bara ég”

svo þetta með “hvað segiru?” ég geri þetta alltaf bara uppá kurteysissakir á msn og þegar ég hitti fólk á förnum vegi, síðan er það náttúrulega óðolandi þegar maður spyr fólk þessu sem manni virkilega langar að vita og það segir “bara fínt” þetta er bara orðinn vani hjá fólki að spyrja og svara “bara fínt takk”

Ég vill að fólk sé hreinskilið við mig og svari mér hreinskilningslega

Bætt við 5. apríl 2007 - 22:07

Ég vill að fólk sé hreinskilið við mig og svari mér hreinskilningslega

og því kem ég hreinskilningslega fram við fólk

“Voulez-vous coucher avec moi, ce soir?”

Fyrra álit

franur fyrir 17 árum

Þoli ekki hreinskilni, alvöru vinir ljúga að manni.

Lífið er aðeins vegur sem leiðir til dauða.

Fyrra álit

Raggatheo fyrir 17 árum

Já, bæði að spurja hvernig hefuru það?.. og svara allt fínt er bæði vani. Maður verður að hafa á tilfinningunni hvenær fólk virkilega vill vita það, hvenær ekki og hvort maður getur treyst fólki fyrir því.

Ég þoli ekki þegar maður spyr fólk hvernig hefuru það og það fer að þylja upp allt sem er að og maður endar á að spurja hvernig líður þér annars í typpinu? Því þetta fólk er búið að taka 20 min af lífinu manns í rugl sem mamni langaði aldrei að vita.

Vinkona mín sagðist alltaf spurja mig álits því ég svaraði alltaf svo hreinskilið, ég hætti samt að svara hreinskilið því fólk tók það nærri sér, en ég var samt aldrei dónaleg.

Ég þoli ekki þegar fólk spyr og getur ekki tekið svarinu og ég þoli ekki þegar fólk sem var ekki spurt segir álit sitt, þ.e.a.s. ef það er að fara segja e-ð leiðinlegt.

Ég þoli líka ekki fólk sem heldur að það sé mikilvægast í heiminum og álit þeirra skipti öllu máli og ég þoli ekki eltara sem halda að annara manna álit skipti öllu máli.

Fyrra álit

franur fyrir 17 árum

Já svolldið sammála, var um daginn að segja vini mínum hvað hann væri orðinn feitur og hann yrði að fara að hreifa sig svo hann myndi ekki deyja á næstu 10 árum og ég röflaði í honum í öruglega 2 klt um að fara út að hreyfa sig og hann neitaði því alltaf og auðvitað varð ég alveg drullu svekktur. Meina hefði hann aðeins pælt í því hvernig mér liði þá hefði hann farið að hreyfa sig, meina mér finnst ekkert gaman að vera með honum svona feitum.

Lífið er aðeins vegur sem leiðir til dauða.

Fyrra álit

Lurkur33 fyrir 17 árum

Ertu að grínast? er þetta kaldhæðni?

franur:
Meina hefði hann aðeins pælt í því hvernig mér liði þá hefði hann farið að hreyfa sig, meina mér finnst ekkert gaman að vera með honum svona feitum.

Ef þetta er grín þá ekki fyndið, ef þetta er það ekki þá ertu soldið “shallow” mér fynnst það grunnhygni að byrja með fólki eindregið útaf útliti en að velja sér vini eftir útliti:/ þetta er bara dónaskapur, þú varst ekki að hugsa um hann heldur það að þér fynnst ekki gaman að vera með honum því hann er feitur.
Þú ættir að kynna þér munin á púra dónaskap og eigingirni og svo hreinskilni því þetta var ekki hreinskilni, þ.e.a.s. ef þetta var alvara en ekki einhvert grín

“Voulez-vous coucher avec moi, ce soir?”

Fyrra álit

franur fyrir 17 árum

En það er ekkert gott fyrir hans líf að vera feitur svo ég er bara að reina að gera hann reiðann svo að hann fari að hreifa sig, hann er hvorteðer með miklu meira sjálfstraust en ég.

Lífið er aðeins vegur sem leiðir til dauða.

Fyrra álit

Lurkur33 fyrir 17 árum

þetta er ekki leiðin til þess:/ skrítið að þú sjáir það ekki.

reyndu frekar að fá hann með þér í ræktina, fótbolta eða eitthvað. Bara ekki svona eins og þú gerðir og eins og þú skrifaðir þá hljómaði þetta eins og þú skammaðist þín fyrir hann og að þú værir að þessu fyrir þig svo þú þyrftir ekki að sjást með feitum manni. Ættir að velja orð þín betur.

hann er hvorteðer með miklu meira sjálfstraust en ég.

ekki eftir þetta

“Voulez-vous coucher avec moi, ce soir?”

Fyrra álit

franur fyrir 17 árum

Þetta var samt eftir svona svolldin einkahúmor og ég er alltaf að segja að alvöru vinir ljúga að manni því hann var alltaf eithvað að segja sína skoðun á öllu og eithvað. Æjiii þetta er svolldill svona sick twisted húmor sem engin skilur nema ég.

Lífið er aðeins vegur sem leiðir til dauða.

Fyrra álit

Lurkur33 fyrir 17 árum

Ég ætla að rétt að vona það frekar en að þú hafir verið að drulla yfir vin þinn

“Voulez-vous coucher avec moi, ce soir?”

Fyrra álit

efe fyrir 17 árum

Ég reyni alltaf að vera eins hreinskilin og ég get, en ég er alltaf bara svo hrædd um af særa manneskjuna … þannig að ég enda oftast á því að ljúga. :s

Fyrra álit

numba fyrir 17 árum

mjöög skemmtileg og góð grein hér á ferð.
en allavega þá er ég sammála þér.
Fólk ætti að vera hreynskilið, það er enginn eins og allir ættu að hafa sínar skoðanir!

Fyrra álit

siggi fyrir 17 árum

Þú ert alltaf að segja að ég sé ekki fyndinn, og ég dey alltaf svolítið inní mér þegar þú segir það :D

Allavega um greinina:

Er það ekki bara partur að sjálfinu að reyna að láta öðrum líða vel, til dæmis með að segja að fötin þeirra séu ekki ljót og svona. Fólk sem reynir að láta öðrum líða illa, þeir eru vondir menn. Sjáðu til dæmis bara Ella, hann er alltaf vondur við mig, samt er ég alltaf góður við hann :P

Fyrra álit

Fimbulfamb fyrir 17 árum

Þú ert alltaf að segja að ég sé ekki fyndinn

Hver ertu? :O

Er það ekki bara partur að sjálfinu að reyna að láta öðrum líða vel

Þetta er að sjálfsögðu bara spurning um hvernig fólk tekur hreinskilninni. Ef allir væru hreinskilnir og gætu tekið gagnrýni væri þetta ekki vandamál.

kjosandi.is

Fyrra álit

siggi fyrir 17 árum

Sjáðu til dæmis bara Ella, hann er alltaf vondur við mig, samt er ég alltaf góður við hann :P

Hver heldurðu að ég sé :P

Fyrra álit

Kreoli fyrir 17 árum

Þetta með “hvernig líður þér” er langoftast hreinræktuð kurteisi af þeim sem vilja vera vingjarnlegir. Held að það væri ekki ráðlegt að ausa yfir þá einhverjum einkamálum og hvað manni líði illa, það væri frekar leiðinlegt fyrir þá.

Ég held að sannleikurinn sé ekki svo hjartnæmur að allir séu æstir í upplýsingar um líðan þína eða þá að hún hafi eitthvað gildi fyrir annað fólk. Spyrji einhver svona með það í huga að vilja virkilega vita hvernig þér líður þá held ég að myndi orða það á annan hátt, reyndar skiptir öllu hver spyr. Þar að auki eru flest “bara vel” svör hvít lygi til að dylja þá staðreynd að sá sem svaraði vill ekki ræði sína líðan núna við spyrjandan, þetta vita flestir og þannig að hreinskilnin er alveg til staðar.

Fyrra álit

Fimbulfamb fyrir 17 árum

Þetta með “hvernig líður þér” er langoftast hreinræktuð kurteisi af þeim sem vilja vera vingjarnlegir. Held að það væri ekki ráðlegt að ausa yfir þá einhverjum einkamálum og hvað manni líði illa, það væri frekar leiðinlegt fyrir þá.

Ef þeir vilja ekki vita um líðan þína þurfa þeir ekki að spyrja að henni. Til hvers að spyrja að einhverju sem maður vill ekki vita? Það er ekki kurteisi, heldur óþarfi.

Ég held að sannleikurinn sé ekki svo hjartnæmur að allir séu æstir í upplýsingar um líðan þína

Þá þurfa þeir ekki að spyrja.

kjosandi.is

Fyrra álit

Kreoli fyrir 17 árum

Hvernig getur þú haldið að þú sért dómbær (virðist líta þannig á þig fyrst þú smellir fram staðreyndum og reglum án þess að rökstyðja) á kurteisisvenjur og notagildi þeirra.

Fyrra álit

Fimbulfamb fyrir 17 árum

Ég held því hvergi fram að ég sé alvitur og þetta er ekki órökstutt. Það að spyrja spurningar án þess að vilja vita svar getur ekki verið annað en óþarfi. Ef fólk svarar sömu spurningunni alltaf eins er spurningin óþörf. Það sem ég er að setja út á í greininni eru einmitt þessar yfirgengilegu og óþörfu “kurteisisvenjur” sem eru engum til gagns.

kjosandi.is

Fyrra álit

Kreoli fyrir 17 árum

Ef fólk svarar sömu spurningunni alltaf eins er spurningin óþörf

Ekki endilega, það getur líka vel verið að það séu frekar sterk skilaboð að svara henni öðruvísi. Sterkari heldur en orðin sjálf.

Fyrra álit

Fimbulfamb fyrir 17 árum

Þannig er ástandið í núverandi skipulagi mannlegra samskipta. Við köllum líka annan hvern mann “snilling”. Til að endurheimta upprunalegt skipulag styrkleika orða þyrfti að “endurræsa” notkun okkar á eigin orðaforða. Þangað til þurfum við að halda áfram að hlaða efsta stigs lýsingarorðum fyrir framan hvert það nafnorðið sem við viljum leggja einfalda áherslu á.

kjosandi.is

Fyrra álit

[Notanda eytt] fyrir 17 árum

Ef hrós myndi særa náungann. lygar, í sumum tilfellum. myndi ekki vera sá hlutur til sem héti lygar. Eins og ofar ‘Er ég feit í þessu?’ Þá svarar maður kannski ‘Nei’ , en ef það væri særandi myndum við alltaf reyna að segja ‘Já’. En í okkar tilfelli er þetta bara öfugt. Auðvitað viljum við ekki særa náungann. Að ljúga að fólki eins og ekkert sé er ekki neinn galli, það er þróun. Af því leiðandi leitum við bestu leiðar til að gera vel við náungann. Ef forsetinn í Kína myndi nú allt í einu segja að Bush væri feitur í kjólnum, myndi Bush segja stríð á hendur, myndi það þá verða alheiminum til ama. En úr því við segjum það sem við höldum að náunganum þykir gott að heyra, segjum við það einfaldlega.

MITT ÁLIT ;)

Fyrra álit

Fimbulfamb fyrir 17 árum

Það væri náttúrulega ágætt ef allir gætu tekið sannleikanum og þyrftu ekki að spyrja spurninga sem þeir vilja ekki fá hreinskilið svar við.

kjosandi.is

Fyrra álit

[Notanda eytt] fyrir 17 árum

Ekki hægt að neita því ;) Soldill galli að maðurinn er gerður til þess
að særast af hreinskilni stundum ;P

Fyrra álit

Rakky fyrir 17 árum

Skemmtileg lesning.. Fínar pælingar

En hér er önnur..

“of hreinskilið”

Er það hægt? Ef þú ert að halda aftur af skoðunum þínum.. Ertu þá ekki “óhreinskilin”? Ef þú ættir að vera algerlega hreinskilin ættiru að segja allt sem þér fynnst þess virði að minnast á sama hvort þetta hefði særandi áhrif á viðkomandi eða ekki.

En ef allir væru viðbúnir hreinskilni í öllu gæti fólk byrjað að óttast breytingar og haldið sér “eins” eins lengi og hægt væri. Tilbreytingar yrðu sjáldséðar og fólk myndi ekki segja skoðun sína eins glatt og annars án.

Fyrra álit

Hnodrinn fyrir 17 árum

ég er ekki búinn að lesa allt ofan talið enda klukkan soldið margt, en ég sá að þú sagðir að fólk getur verið “ og hreinskilið ”,

ég þekki gaur sem ég myndi lýsa sem “ Brutaly Honest gaur ” og er blandað við góðan part af siðblindu,

ég hef séð hann segji hluti við fólk sem þú bara segjir ekki, eitthvað sem þú lærir bara sem barn að þú átt ekki að “benda fólki á ”, og hreinlega sagt fanst mér það vera soldið of mikið þegar ég tók fyrst eftir því,

en þegar ég fór að þekkja hann meira tók ég eftir því að hann tekur því heldur ekkert illa þegar fólk er að gagngrína hann fyrir hvernig hann er , og hann tekur því ekkert illa, honum er svona alveg saman nokkurnveginn,

svo fór ég að pæla í því einn daginn hvort að ég gæti tekið svona gagngríni ánþess að vera “ sár ” eða móðgaður, og viljandi “pickaði fight ” við hann um það næsta sem mér datt í hug, og það vildi svo til að við báðir spiluðum leikinn Wow ( world of warcraft ), og fór að rakka hann niður gangvart hæfileikum hans sem spilari í þeim leik, og hann tók því ekkert illa

ok og svo kom það upp sömu helgi líka við góða drykkju að hann svona, tjaaa ekki beint raddaði mig niður meira heldur en var að benda mér á það að ég hefði ekki verið með mörgum stelpum yfir ævina, venjulega hefði ég tekið þessu sem “skoti ” og verið soldið móðgaður, en að því að hann sagði það var mér svona alveg sama, og svaraði bara “ Quality over Quantity ” ( Gæði yfir magn ),
hann hló og gleimdi þessu alveg,og ég líka stuttu seinna og ekket mál með það,

en svo þegar ég las þessa grein datt mér þetta aftur í hug, og fór að pæla,

Ef fólk er alltaf Fullkomlega hreinskilið alltaf,hvort að maður verði nokkuð móðgaður þegar einhvern bendir manni á hlut sem maður er ekkert endilega alltof sáttur sjálf(ur) með sjálfan sig, eða svipaðan veg, því að ef þú ert fullkomlega Hreinskilinn við sjálfan sig þá ætti þetta ekkert að koma manni á óvart eða vera særandi.

Fyrra álit

HomoLuminous fyrir 16 árum, 6 mánuðum

Já, ég er sammála því að hreinskilni sé af því góða, en því miður eru ekki allir sammála.

Eins og bent hefur verið á hérna, þá á fólk til að taka hreinskilni sem dónaskap eða tilraun til þess að gera viðkomandi lífið leitt. Ég á.. átti vin sem er ekki beint vinur minn lengur vegna þess að hann tók einfaldlega ekki hreinskilni.
Honum fannst einfaldlega eins og ég væri bara að segja það sem mér fyndist til þess að eyðileggja fyrir honum - sem var að sjálfsögðu ekki málið.

Persónulega þá þoli ég ekki fólk sem getur ekki verið hreinskilið eða sagt það sem þeim finnst. Ef ég spyr einhvern álits, þá býst ég við áliti - ekki einhverju gegnumtyggðu hálf-áliti sem er sniðið til þess að passa upp á tilfinningar mínar.
Ef maður er ekki tilbúinn að taka gagnrýni, af hverju spyr maður?

Fyrra álit

Weedabix fyrir 15 árum, 3 mánuðum

Stundum er sannleikurinn og hreinskilni ekki nóu góð fyrir mann :/ þannig ég tel þessa grein ekki alveg rétta

Fyrra álit

Heimspeki

Heimspeki

Ofurhugar

Stjórnendur

Hverjir eru inni

Greinar

Um hreinskilni

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi