kjwise fyrir 23 árum Fjöldi lestra: 460

Varanleiki

Hvað er varanleiki annað en hugtak? Hvað er að vera og endast?
Hvernig er hægt að leita að eilífð í heimi sem hefur ekki einn
constant tíma?
Hvaðan er blekkingin komin, og afhverju þrá menn svo heitt að blekkja sig áfram?
Við lifum í heimi sem byggist á líkindum, eða gerir hann það?
Svo virðist vera þegar hann er skoðaður í smæstu einingunum sem við finnum í dag, kannski er þetta atferli einungis komið til þess vegna þess að við sjáum ekki í gegnum líkindaferlið, sem gæti haft heilan heim á bakvið sig.
Eitt er víst, að það erum við, samfélagið, sem veitum hvort öðru þá tilfinningu, og ánægju að finnast við vera, og gefur okkur þá skynvillu að við munum vara.

[Notanda eytt] fyrir 23 árum

breytingar eru það eina í þessum heimi sem varir…

Hef lítið meira að segja:)

Fyrra álit

kjwise fyrir 23 árum

Breytingar vara ekki, þar sem að áhrif breytinga í okkar tilveru endast ekki endilega, og tilvera okkar þarf ekki að hafa áhrif á tilveru annara sem eru staddir á öðrum stöðum. Því að ef að þessi tilvera myndi t.d falla inn á sjálfa sig, þá væru breytingarnar hættar að geta gerst og því ekki varanlegar.

Fyrra álit

[Notanda eytt] fyrir 23 árum

Málið er að allt breytist ekkert er endalaust eins, því er breytileiki það eina sem getur ekki horfið (að minnsta kosti ekki í þeim heimi sem við lifum í núna)

Fyrra álit

kjwise fyrir 23 árum

Er breytanleiki þá samkvæmt skilgreiningu þinni ekki ástand heldur einungis aðgerð, eða fall?

Fyrra álit

[Notanda eytt] fyrir 23 árum

Breytanleiki er ástand alls

Fyrra álit

Gescom fyrir 23 árum

Þú ert alveg að skjóta þig í fótinn með því að breytanleiki sé það eina sem varir, því ef svo væri myndi þá ekki frumbreyta (hluturinn sem veldur einhverju) breytanleikans hverfa? Þarna fellur kenningin þín um koll…

KJ…“Hvað er að vera og endast”,
“…þá skynvillu að við munum vara.”

Ef þú veist ekki hvað það að endast er (að vara) hvernig veistu þá að af því kemur þessi ákveðna skynvilla sem þú segir að samfélagið gefur okkur?

p.s. Hver er eiginlega þessi skynvilla? (Er það alvitað í þjóðfélaginu að við endumst?)

Fyrra álit

kjwise fyrir 23 árum

Ég sagði aldrei að breytanleiki væri það eina sem entist, endilega lestu þetta aftur yfir, og tvisvar í viðbót áður en þú segir að ég hafi skotið mig í fótinn, þessi orð komu frá öðrum.
Skynvillan um að við munum vara er mjög sterk í þjóðfélaginu, samanber hugtök um vexti og lán, og annað slíkt sem á að endast yfir næstu kynslóðir ef þess þarf.

Fyrra álit

Gescom fyrir 23 árum

KJ minn, ég vissi vil að þessi orð voru frá öðrum komin og þess vegna sagði ég “KJ” (!!!) þegar ég fór að tala um það sem þú hafðir sagt…

ok, með skynvilluna, fair enough…mér finnst bara að þegar fólk segir eitthvað svona geti það ælt út úr sér 30-40 orðum í viðbót með pælingunni svo það þurfi ekki að skýra það út sérstaklega…
Takk fyrir skýringuna!

Og þó það varði mig kannski ekki (eða þó?) þá skiptir það ÖLLU máli hvernig þú setur hugmyndir þínar fram…þú verður að gera þig skiljanlegan öðrum fyrst þú ert á annað borð að sýna öðrum hvað þú ert að hugsa!

Fyrra álit

kjwise fyrir 23 árum

Er eitthverntímann hægt að gera sig svo skiljanlegan að engin þurfi á frekar útskýringum á að halda?
Getur of auðskýr texti ekki oft orsakað það að pælingin nái ekki að hanga neitt í loftinu?
Er það mistök mín sem framsetningaraðila að þú skildir ekki, eða eru kröfur skynfæra þinna of miklar til þess að fylla upp í eyðurnar sem ég gæti viljandi haft skilið þarna eftir?
Svo er eitt, þegar þú ert að svara á Hugi.is þá skaltu nota “svara” möguleikan á viðkomandi svari, því þá er hægt að draga rétta ályktun af því sem þú ert að segja, þessvegna dróg ég ályktun að þú værir að tala við mig, vegna þess að svar þitt við venslað við upphaflegu grein mína.
Og ég æli ekki úr mér orðum.

Fyrra álit

mAlkAv fyrir 23 árum

allt flæði

<A href="

Fyrra álit

hel fyrir 23 árum

…hring eftir hring eftir hring…

Fyrra álit

kjwise fyrir 23 árum

Hvernig getur eitthvað farið í raun og veru hring eftir hring þegar að hringurinn er ekki sá sami og hann var síðast þegar hann var farinn?

Fyrra álit

Lois fyrir 23 árum

Varanleiki er í raun aðeins mælikvarði á tímalengd tilvistar einhvers. Rétt eins & mælieiningar SI kerfisins eða bara almennar reglur samfélagsins, er varanleiki ákvarðaður af mönnum sem mælieining- stæztur hluti mælieiniga í heiminum er jú ákvarðaður af mönnum.

Í dygðasiðfræði Aristótelesar er varanleikinn notaður sem mælikvarði á dygðir, þ.e. þær dygðir sem vara lengst eru beztar- þannig er til dæmis skynsemin betri en persónuleg ánægja.
Við þetta hefur verið stuðzt í margar aldir; hjónaböndum er ætlað að vara sem lengst, þú vilt kaupa þér hluti sem endast & siðaboð sem lengi hafa verið viðtekin hafa forgang fram fyrir nýja siði.

Við teljum okkur vita það að ekkert varir að eilífu. Þannig að þegar þið hættið að stara út í hið óendanlega & horfið rökrétt á málið, þá er varanleikinn ekkert annað en einföld stærð, laus við þessi dramantízku tilþrif sem reynt hefur verið að klína hér á hann.

Fyrra álit

mAlkAv fyrir 23 árum

Jörðin mun eyðast, sólin mun eyðast, alheimurinn mun eyðast, ekkert er varanlegt, allt flæðir.

<A href="

Fyrra álit

abc fyrir 23 árum

Varanleiki er ekkert annað en hugtak.
“náttúran þolir ekki tómarúm” Baruch Spinoza
“Mannskepnan þolir nefnilega ekki heldur tómarúm. Hún hneigist til að sjá reglu, mynstur og merkingu í veröldinni. Andspænis handahófi, óreiðu og merkingarleysu finnur hún til óþæginda og afber ekki það sem engri reglu fylgir eða vantar alla merkingu. Þess vegna hættir okkur á að #koma auga á# reglu þar sem enga reglu er að finna, og sjá merkingu í einberum tilviljunum.” Thomas Gilovich
kjwise: ekkert mun endast að eilífu það er rétt hjá þér að varanleiki merkingarlaust sem orð í þeirri merkingu að e-ð mun/á að varast að eilífu, ef við leyfum okkur þær hæpnu forsendur. stundum leitar maðurinn að merkingu( eða hugtaki) í því sem er merkingarlaust. Því hefur varanleiki í daglegulífi(eða þar sem engir spekingar eru staddir til að flækja málið um of í ringulreiðulegum vangaveltum) merkingu. Varanleiki er að endast það sem til er ætlast af hlutnum og eins getur það verið notað sem l.o., til dæmis getur varanleiki hjólbarða verið góður, því hjólbarðarnir endast vel eða lengi. Eins og Lois sagði þá er varanleiki mælikvarði á tilvist einhverrar (tíma)einingu.

Fyrra álit

kjwise fyrir 23 árum

Nákvæmlega! En kaldhæðnin er sú að tímaeiningin sjálf er afstæð og gæti hluturinn varað mun lengur frá sjónarhóli staks sem er staðsett annarstaðar en sá sem hlutinn notar.

Fyrra álit

Deeq fyrir 23 árum

Ég hef eitt um þessa umræðu að segja: Ég skilhana ekki og ætla þess vegna að halda kjafti.

Deeq.

Hvað er þetta Undirskrift pósta?

Fyrra álit

mAlkAv fyrir 23 árum

og takk fyrir að láta okkur vita af því

<A href="

Fyrra álit

kjwise fyrir 23 árum

“Ignorance is bliss”

Fyrra álit

hrafnkellp fyrir 23 árum

Heimurinn er verðandi…

G-Khan

Fyrra álit

[Notanda eytt] fyrir 23 árum

Varanleiki er hugtak sem við verðum að gera ráð fyrir svo að við getum vitað, eða sagst vita, eitthvað um eitthvað. Hvernig veit ég að peysan mín er brún ef ekki er um að ræða sömu peysuna? Til að fullyrða að peysan sem ég er í sé brún verð ég að gera ráð fyrir að hún sé sama peysan og sú sem ég var í fyrir hálfu sekúndubroti síðan, og að hún hafi ekki breyst.
Æ, ég er ekki alveg klár á þessu en Kant fjallaði eitthvað um þetta.

Fyrra álit

gribba fyrir 23 árum

ef þú ætlar að setja af stað einhverja pælingu eins og þú byrjaðir á, ekki þá vera búin að ákveða svarið þitt…
leyfðu þessum pælingum að fá að njóta sín…

Gribba

þitt svar er þín hugmynd en ekki endilega rétt…
:)

Fyrra álit

kjwise fyrir 23 árum

Ekki segja mér hvernig ég á að bera fram mínar pælingar, það kemur málinu ekki við.

Fyrra álit

gribba fyrir 23 árum

rosalega ertu viðkvæmur…

það er bara skemmtilegra að setja fram pælingar sem fólk getur fengið að leika sér með.

fyrst þú varst búinn að finna svarið þá gastu alveg skrifað það með í greininni.

ekki vera að taka þessu persónulega þetta er bara það sem ég hefði gert og mér finnst það betra en þín aðferð, en það er málið ekki erum við öll eins og því förum við ekki sömu leiðina að öllum málum.

maður á alltaf að segja það sem manni finnst…

Gribba

p.s.
láttu heyra í þér.

Fyrra álit

mAlkAv fyrir 23 árum

Lífið er ekki Cheerios auglýsing….

<A href="

Fyrra álit

Heimspeki

Heimspeki

Ofurhugar

Stjórnendur

Hverjir eru inni

Greinar

Varanleiki

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi