AAAA! Ég er gjörsamlega að klikkast á þessu bulli, þetta er geðveiki, hvað er í gangi? Ég sit hér alla daga og hlusta á sömu helvítis þvæluna, skrifa niður eitthvað djöfulsins rusl á blað og tel mig vera að gera eitthvað uppbyggjandi. Ég er að undirbúa framtíð mína fyrir komandi ár ,,maður þarf menntun til að lifa almennilegu lífi í nútímasamfélagi”. Menntun er máttur! bla bla bla, þvílík og önnur eins endemis þvæla, þetta er leiðinleg klisja sem ég hlusta ekki lengur á. Reyndar eru öll þau skilaboð sem maður fær í dag algjör þvæla, ja ég segi allavega að þetta sé mest allt vitleysa. Vitleysa sem er matreidd ofan í þræla nútímasamfélagsins. Við erum öll þrælar, það hefur verið ákveðið fyrirfram hvernig lífið skuli vera, maður á að gera svona en ekki hinsegin, lífið er til þess að lifa því, ok en hvað þýðir það í raun og veru, að lifa lífinu?
Fyrir mér þá er nútímalífið á vesturlöndum ekkert helvítis líf sem er þess virði að lifa því, frekar vil ég skjóta mig í hausinn en að lifa þessu fyrirfram afgreidda lífi þar sem ég á að lifa samkvæmt vissum stöðlum. Þetta er bara algjört bull, skólinn er bull, vinnan er bull, fólkið er í bulli, Gísli Marteinn er eina manneskjan sem ég ber virkilega virðingu fyrir í dag (bara djók), og það þýðir að ég er í algjöru bulli. Útfrá þessari ályktun kemst ég að þeirri fræðilegu niðurstöðu að lífið sem við lifum sé þessvegna algjört bull!
Það sem ég veit og hef komist að á mínum örfáu menntaskóla árum er það að lífið er jafn ruglað og fólkið sem lifir því. Það er ekki hægt að reikna lífið út, setja á það hömlur og reyna að breyta því. Þegar þú lifir þá átt þú lífið, lífið á ekki þig, það þýðir að þú átt að upplifa og finna fyrir lífinu sem þú átt, engin annar en þú sjálfur, finna lífið, kreista það fast og komast að þínum eigin niðurstöðum í þínu eigin lífi.
Láttu engan segja þér hversvegna lífið sé, til hvers það sé og hvað skuli gera við það. Þú einn getur ákveðið fyrir þig hvað þitt líf skuli gera fyrir þig jafnt og aðra. Á þessari einföldu forsendu hef ég smátt og smátt komist að því að lífið sem ég lifi er ekki mitt líf, heldur líf samfélagsins, þetta er líf eins og samfélagið gerir kröfu um, það vill að ég sé neysluseggur og aumingi sem fylgir samfélaginu á allan hátt. Ég er ákveðin í því að breyta lífi mínu og gera það að mínu eigin lífi og lifa fyrir mig, þar sem það er ég sem upplifi það en ekki einhver annar!