Af einhverjum ástæðum vantaði slatta í þetta hjá mér um leikinn úti… er ekki alveg að skilja hvernig ég náði að gera þetta en hér er “quote” frá félaga mínum sem vantaði:

Það er ljóst að ekki verður hægt að skrifa mikið betur um leikinn en blaðamaður Morgunblaðsins gerði í mánudagsblaðinu. Því verður ekki fjallað mikið um leikinn heldur eru HK-menn hvattir til að kaupa mánudagsblað Moggans. Því þar skrifar einhver snillingur um leikinn. Hinsvegar er alltaf hægt að fjalla um einstaka leikmenn og verður það gert hér á eftir. Fyrir viðkvæma leikmenn, fjölskyldur og vini leikmanna er þeim bent á að það er öllum heimilt að setja fram sitt álit á heimasíðu HK og minni ég enn og aftur að þetta er mitt álit! Eins manns álit sem öllum ætti að vera sama um.


Hér fyrir neðan er umsögn um leikmenn HK og hvort menn miðað við fyrri leikinn eru líklegir til að detta út fyrir næsta leik eða ekki. Að lokum er val á leikmanna hópi mínum fyrir næsta leik

Arnar Freyr Reynisson: Kom inn á í þessum leik um miðja síðari hálfleikinn og hefði mátt koma fyrr inn á . Arnar Freyr stóð sig mjög vel þær mínútur sem hann fékk að spila. Það verður þó að koma fram að vörnin var farinn að spila miklu mun betur og sóknarleikurinn farinn að ganga upp og strákarnir náðu að stilla upp í vörnin. Engu að síður stóð Arnar Freyr sig vel og verður ekki létt fyrir Árna að ganga fram hjá honum í seinni leiknum við Drott.


Björgvin Páll Gústavsson er besti markvörður HK í dag, hann byrjaði leikinn af miklum krafti og varði mjög vel. Svo datt hann eitthvað niður og náði ekki að rífa sig aftur upp í það sem maður gerir kröfu til að hann standi fyrir. Björgvin er bara 18 ára svona pjakkar eiga ekki að fá að tala við dómaranna! Leikmaður inn á velli sem ekki er orðinn 23. ára á ekki að fá að segja orð við dómaranna! Það trufla einbeitinguna og það ráða strákar sem eru á þessum aldri stútfullir af testósteron að hugsa um að standa sig vel í marki að hugsa um hitt og síðan að fara ræða um dómgæslu. Aftur um hitt og aftur að standa sig vel! Þetta er of flókið þar til eftir 23 árinn. Björgvin er á hættusvæði varðandi val á liði fyrir næsta leik.

Jón Bersi Ellingsen stóð sig eins og vanalega mjög vel í vörn HK þegar verið var að spila vörn. Það er alveg ljóst að J.B. er nokkuð öruggur um sæti í liðinu í næsta leik.


Davíð Höskuldsson: Átti ekki nógu góðan leik í þetta skipti, það lítur aldrei vel út að maðurinn sem maður er að spila á móti gerir 8 mörk, jafnvel þó að flest séu úr hraðaupphlaupum. Davíð setti eitt mark er klikkað allsvakalega úr opnu færi einn á móti markmanni. Davíð er á hættusvæði varðandi val á liði fyrir næsta leik.

Atli Þór Samúelsson: Kom ekkert inná í þessum leik og því lítið hægt að dæma Atla af þessum leik. Þar sem hann spilaði ekkert í þessum leik fer hann sjálfvirkt á hættusvæði varðandi val á liði fyrir næsta leik.


Már Þórarinsson Átti góðan leik þær mínútur sem hann spilaði og skilaði sínu hlutverki nokkuð vel en það er ljóst að hann á góðan að þegar hann er að spila með J.B. í vörninni því Jón er vinur vina sinna og náði að stoppa sóknarleik Drott manna í þau tvö skipti sem Drott-inn náði að sleppa frá Mása. Þrátt fyrir það stóð Már sig mjög vel og á skilið að vera í hópnum í næsta leik.

Elías Már Halldórsson: var að öðrum ólöstuðum besti HK-maðurinn í þessum leik. Það á náttúrulega ekki að þurfa taka það fram að Elías er örvhentur! Elli nýtti sín færi mjög vel og átti stórfínan leik. Elli ætti að vera nokkuð öruggur í hópnum í næsta leik.


Ólafur Víðir Ólafsson : Náði sér ekki á strik í þessum leik og var ekki nógu duglegur í að reyna gegnum brot. Það munar um minna en 100% frá Óla Víði og sérstaklega þegar maður veit hvað hann getur. Síðast en ekki síst er skelfilegt að þurfa klikka á víti. Engu að síður er Óli Víðir áfram mín fyrsta vítaskytta!. Miðað við þennan leik er hann á hættusvæði varðandi val á liði fyrir næsta leik.

Alexander Arnarson: Átti fínan leik og þrátt fyrir að illa gengi fyrir útileikmenn að finna hann í fyrstu skilaði Alex sínu og rúmlega það. Ein af brottvísunum þremur var þó nokkuð klaufalega þegar hann braut á manninum í hraðaupphlaupi. Alex ætti samt að vera nokkuð öruggur í hópnum í næsta leik.


Andrius Rackaauskas: Var ekki upp á sitt besta þrátt fyrir að setja 5/1 mörk. Var frekar skotglaður og valdi ekki alltaf besta færið til að láta vaða. Gerði hreint frábært mark beint úr aukakasti þegar leiktíminn úr fyrri hálfleik var liðinn. Miðað við frammistöðu í þessum leik ætti hann að vera á hættusvæði varðandi val á liði fyrir næsta leik

Vilhelm Gauti Bergsveinsson : Loksins, loksins kom skotið sem ég er búinn að vera bíða eftir í allan vetur. Það vita allir hvað Villi Gauti getur en hann hefur ekki enn sýnt sitt besta í leikjum hingað til en það sást örla á batamerkjum hjá Villa Gauta. Eins freistandi og það er að senda honum skilaboð um að hann þurfi að taka sig á ætti hann að vera nokkuð öruggur í hópnum í næsta leik.


Haukur Sigurvinsson kom lítið við sögu í þessum leik og er erfitt að dæma hann af þessum mínútum því fer hann eins og Atli Þór sjálfvirkt á hættusvæði varðandi val á liði fyrir næsta leik.

Hörður Fannar Sigþórsson: Kom inn á línunna eftir að Alex hafði fengið sína þriðju brottvísun. Stóð sig bara nokkuð vel en þó erfitt að segja hvort J.B. hefði ekki allt eins getað spilað þessar fáu mínútur í sókninni. Hörður er á hættusvæði varðandi val á liði fyrir næsta leik.


Augustas Strazdas: spilaði nokkuð þokkalega er kvikur og snöggur. Þrátt fyrir allt hefur hann spilað betur en ætti samt að vera nokkuð öruggur í hópnum í næsta leik.

Þá er það mitt lið í næsta leik gegn Drott:


Markmenn:
Arnar Freyr Reynisson
Björgvin Páll Gústavsson
Hörður Flóki Ólafsson

Útileikmenn
Andrius Rackauskas
Augustas Strazdas
Haukur Sigurvinsson
Vilhelm Gauti Bergsveinsson
Ólafur Víðir Ólafsson

Horna og Línumenn
Alexander Arnarson
Brynar Valsteinsson
Elías Már Halldórsson
Jón Bersi Ellingsen
Már Þórarinsson
Samúel Ívar Árnason

Þeir sem detta úr liðinu hjá mér eru:
Atli Þór Samúelsson: Er aðstoðarþjálfari og ég vil gjarna fá að sjá hann sinni því meira, Hann hefur töluvert mikið vit á handbolta og betur sjá augu en auga. Reyndar mundi ég líka geta sett Atla í hópinn og þá fyrir Hauk Sigurvinsson. Einfaldlega vegna þess hversu fjölhæfur leikmaður Atli er.


Davíð Höskuldsson: Náði ekki að sýna sínar bestu hliðar í Svíþjóð en er efnilegur og fellur vel inn í þennan skemmtilega hóp sem hægt er að kalla HK-menn. Er í hvað hörðustu samkeppninni um stöðu í liðinu.

Hörður Fannar Sigþórsson: Ég var mjög hissa á því að Hörður Fannar skildi vera valinn í hópinn gegn Drott, jafnvel þó að Alex hafi fengið rautt spjald, þá er bæði hægt að nota J.B. og Atla á línunna. Hörður Fannar verður að sanna sig miklu mun meira með HK áður en hann á að fá annan Evrópuleik.


Jón Heiðar Gunnarsson: Er ekki í þessum hópi þar sem ég veit ekki með meiðslin hjá honum. En ef hann væri leikfær mundi ég setja hann inn í hópinn fyrir einn af markvörðunum. Þá annað hvort Björgvin Pál eða Hörð Flóka. Ég mundi gefa Arnari Frey annan Evrópuleik, einfaldlega vegna þess að það var hann sem kom okkur í þá keppni með glimrandi markvörslu í bikarúrslitaleiknum og umbuna fínna innkomu hans í Svíþjóð.

Þetta er eftir Ómar Stefánsson, tekið af www.hk.is