Gleymt lykilorð
Nýskráning
Fræga fólkið

Fræga fólkið

5.670 eru með Fræga fólkið sem áhugamál
23.766 stig
500 greinar
1.267 þræðir
28 tilkynningar
1 pistlar
2.118 myndir
600 kannanir
23.735 álit
Meira

Ofurhugar

johnnyd johnnyd 1.738 stig
skuggi85 skuggi85 1.354 stig
bonobo bonobo 366 stig
hallat hallat 362 stig
pinka pinka 342 stig
zxqc zxqc 304 stig
blabla5794 blabla5794 300 stig

Stjórnendur


Gary
Fyrrverandi barnastjarnan Gary Coleman lést þann 28. Maí 2010 eftir að fengið heilablæðingu, hann var 42 ára. Gary er aðalega þekktur fyrir leik sinn sem Arnold Jackson í þáttaröðinni „Diff‘rent Strokes“ og átti þar eina frægustu línu sem nokkurn tíma hefur verið sögð í sjónvarpi „What'choo talkin' 'bout, Willis?“. Eftir „Diff‘rent Strokes“ náði Gary aldrei sama frægðarstalli en var þó alltaf í sviðsljósinu og lék lítil hlutverk í tugum þátta og mynda. Gary barðist alla ævi við sjúkdóm sem hafði meðal annars þau áhrif að hann var aðeins 1,42 á hæð. Þetta ástand varð til þess að hann var oft aðhlátursefni grínista og má þar helst nefna að meðlimir þáttarins „Whose Line Is It Anyway?“ spöruðu honum sjaldan brandarana. Hvíldu í friði.
Dio
Rokkkóngurinn Ronnie James Dio lést þann 16. Maí 2010 eftir baráttu við magakrabbamein, hann var 67 ára. Dio var einn lengst-starfandi þungarokkssöngvari heims og skilur eftir sig langa slóð af frábærri tónlist. Dio birtist fyrst með hljómsveitinni Testament of Apollo og átti síðan farsælan feril í hljómsveitunum Elf, Rainbow, Heaven & Hell og Dio. Hann er þó væntanlega þekktastur fyrir að hafa tekið við míkrafóninum af Ozzy Osbourne sem söngvari Black Sabbath. Dio er einnig „creditaður“ fyrir að gera „horna-handahreyfinguna“ vinsæla en þeir eru ófáir rokksöngvararnir sem ekki hafa notað hana. Dio birtist í myndinni Tenacious D in The Pick of Destiny í yndislegu atriði þar sem ungur JB spennir greipar og biður til plakats af Dio um hjálp því faðir sinn leyfir sér ekki að spila rokk. Plakatið lifnar þá við og Dio syngur til JB um að hann eigi að yfirgefa heimili sitt og freista gæfunnar í Hollywood. Rokkunnendur um allan heim syrgja fráfall þessa magnaða söngvara. Hvíldu í friði.
Christopher
Leikarinn Christopher Cazenove lést þann 7. Apríl 210, hann var 64 ára. Cazenove var undir miklum þrýstingi frá föður sínum að fylgja í fótspor hans og ganga í herinn. Cazenove fylgdi þó draumnum að gerast leikari og sló svo kaldhæðnislega í gegn í hlutverki Lieutenant Richard Gaunt í The Regiment. Síðar varð hann þekktur í þáttunum Dynasty og A Fine Romance og lék einnig í mörgum kvikmyndum þ.á.m. í 3 Men and a Little Lady, La Femme Muskateer og fór á kostum í sínu litla hlutverki sem faðir Heath Ledger í A Knight‘s Tale. Hvíl í friði.
Hrafnkell
Hrafnkell Kristjánsson íþróttafréttamaður lést þann 25. Desember 2009, hann var 34 ára gamall. Hrafnkell sem er flestum kunnur fyrir umfjöllun á íþróttum hjá RUV hafði ekki verið við eina íþróttina kenndur áður hann snéri sér að fréttamennsku. Hrafnkell spilaði fótbolta með FH langt fram á þrítugsaldurinn og spilaði einnig um stutta stund með Völsungi. Hann spilaði einnig handbolta upp að meistaraflokki en fann að framtíðin lá ekki þar. Þá hafði hann spilað golf stíft frá því að hann var 12 ára og var mjög öflugur á því sviði. Hann hóf störf hjá Ríkisútvarpinu árið 2003 og gengdi um stund stöðu yfirmanns íþróttadeildar. Hrafnkell lést af áverkum sínum eftir að hafa lent í alvarlegu bílslysi þann 18. Desember, tveir aðrir létust í slysinu. Hrafnkell skilur eftir sig konu og tvö börn. Hvíldu í friði.
Brittany
Enn einu sinni þurfum við að kveðja hæfileikaríka stórstjörnu langt fyrir aldur fram. Bandaríska leikkonan Brittany Murphy lést þann 20. desember 2009, hún var aðeins 32 ára gömul. Brittany var flutt á sjúkrahús eftir að hafa fengið hjartáfall hugsanlega af völdum eiturlyfja. Þegar bráðaliðarnir komu með hana á sjúkrahúsið var það orðið of seint. Brittany skaust uppá stjörnuhimininn þegar hún fór með hlutverk skrítnu táningsstúlkunnar Tai í myndinni Clueless. Á næstu árum komu myndirnar Drive og Drop Dead Gorgeous en svo kom sprengjan. Árið 1999 átti hún stjörnuleik í myndinni Girl, Interrupted ásamt Angelinu Jolie, Winonu Ryder og Clea DuVall. Eftir fóru að færast fleiri titlar á ferilskrána sem undir lokin innihélt myndirnar 8 Mile, Just Married, Uptown Girls, Sin City og Happy Feet. Leiðinlegt er að horfa á eftir góðri leikkonu falla frá í blóma lífsins. Hvíldu í friði.
Flosi
Flosi Ólafsson leikari, leikstjóri og rithöfundur lést þann 24. október 2009, hann var 79 ára. Flosi var án nokkurs vafa einn fyndnasti maður Íslands auk þess að vera stórkostlegur leikari í hvaða hlutverki sem er, frábær leikstjóri og ekki síðri rithöfundur. Flosi útskrifaðist frá Menntaskólanum á Akureyri og fór þaðan beint í leiklistina. Hann leikstýrði þremur áramótaskaupum sem öll tókust gífurlega vel og komu Flosa á kortið sem grínista. Hann var lengi vel iðinn við leik í leikritum og kvikmyndum og má þar nefna Sigurjón digra í Með allt á hreinu , Varða í Löggulífi og hlutverk í áramótaskaupum. Yfir ævina skrifaði Flosi sex bækur og þýddi eina. Flosa verður sárt saknað sem einstökum persónuleika og allir þeir sem hafa séð hann halda ræður skilja nákvæmlega hvað ég á við. Mig langar að enda þetta á línu sem að Flosi sagði í ræðu sinni sem heiðursgestur Menntaskólans á Akureyri. „Kona ein útá landi á brennivíninu líf sitt að launa. Því karlinn hennar var svo fullur að hann hitti hana ekki.“ Hvíl í friði.
Swayze
Patrick Swayze leikari lést þann 14. september 2009 eftir tæpa tveggja ára baráttu við krabbamein, hann var 57 ára. Patrick var gríðalega vinsæll sem leikari, dansari og kyntákn á níunda áratugnum og fór þar á kostum í myndunum Dirty Dancing, Point Break, Road House og Ghost. Hann lék þó á fullu allt til dauðadags og má þar nefna fleiri myndir eins og Donnie Darko, Keeping Mum og Powder Blue. Hvíldu í friði.

Jackson
Konungur poppsins Michael Jackson lést þann 25 júní eftir að hafa verið lagður inná sjúkrahús eftir hjartáfall, hann var 50 ára. Það þarf eflaust ekki að kynna Michael Jackson fyrir nokkrum manni en alveg frá því að hann stofnaði The Jackson 5 ásamt bræðrum sínum hefur hann sett stimpil sinn á tónlistarheiminn. Stíll Jackson er alveg óaðfinnanlegur en hans þekktustu lög eru, auk þess að vera þrusugóð tónlist, gífurlega dansvæn og koma manni alltaf í stuð. Með mörgum lögunum fylgdu algjörlega geðveik myndbönd þar sem Jackson sýndi danstakta auk þess sem að þau spegluðu hans ótrúlega persónuleika. Sem dansari var Jackson einnig algjör brautryðjandi þar sem hann var fyrstur með spor eins og robotinn og moonwalkið. Þrátt fyrir að persónuleiki og útlit Jackson hafi allt saman verið stórfurðulegt þarf maður ekki annað að en líta á staðreyndirnar til að átta sig á hvers vegna hann hefur stundum verið titlaður „frægasti maður heims“. Tvisvar innleiddur í The Rock and Roll Hall of Fame, 13 lög í „number one“ í Bandaríkjunum (sem er met), 13 Grammy verðlaun, 750 milljón eintök seld um allan heim og plöturnar hans Off the Wall, Thriller, Bad, Dangerous og HIStory eru allar metsöluplötur. Einnig þarf ekki annað en líta á lögin Beat it, Thriller, Bad, Billie Jean, Smooth Criminal, We Are the World, Ben og Don't Stop 'til You Get Enough. Michael Jackson verður sárt saknað. Hvíldu í friði.
Fawcett
Leikkonan Farrah Fawcett lést þann 25 júní 2009 eftir stranga baráttu við krabbamein, hún var 62 ára. Farrah Fawcett kom víða við um ævina en hennar verður þó líklega mest minnst fyrir leik sinn sem Jill Munroe í sjónvarpsþáttunum Charlie‘s Angels. Sem leikkona hefur hún oft verið tilnefnd til Emmy og Golden Globe verðlauna t.d. fyrir leik sinn í sjónvarpsþáttunum Charlie‘s Angels, Small Sacrifice, The Guardian og The Burning Bed auk þess hefur hún birst í Spin City og Ally McBeal. Fawcett hefur einnig verið þekkt sem fyrirsæta og sem mikil tískudíva. Árið 2006 greindist hún með krabbamein í endaþarmi og fór hún gegnum harða meðferð og þótti sína ótrúlega baráttulund. Hún var talin hafa náð sér á sextugsafmælinu sínu en nokkrum mánuðum síðar versnaði henni aftur. Í apríl 2009 kom í ljós að krabbameinið hafði breiðst út í lifrina og hófst baráttan að fullu á ný. Kærasti hennar leikarinn Ryan O‘Neal stóð alltaf með henni sem klettur og bað hann hana að giftast sér viku áður en hún dó. Hún svaraði játandi. Árin sem Fawcett barðist við krabbameinið var hún öðrum krabbameinssjúklingum mikil hvatning. Hvíldu í friði.
Carradine
Bandaríski leikarinn David Carradine fannst látinn í byrjun júnímánaðar 2009, hann var 72 ára. David Carradine er flestum góðkunnur en hann hefur leikið í fjölda kvikmynda og má þar helst nefna Kill Bill myndirnar hansTarantino,Bound for Glory, Big Stan, Death Race og Crank: High Voltage. Hann hefur þó alla tíð verið lofaður fyrir að leika Kwai Chang Caine í sjónvarpsþáttunum Kung Fu. Hann hefur einnig verið þekktur sem einn af Carradine bræðrunum en hann og bræður hans Bruce, Keith og Robert eru allir þekktir leikarar og synir leikarans John Carradine. Hvíl í friði.
Newman
Leikkonan stórglæsilega Natasha Richardson lést 18. mars 2009, hún var 45 ára. Natasha hlaut alvarleg höfuðmeiðsli þegar hún lenti í skíðaslysi en hún taldi meiðslin ekki mjög alvarleg og labbaði um, hló og spjallaði við fólk. Klukkutíma síðar fór hún að finna fyrir hræðilegum höfuðverkum og var lögð inná spítala þar sem hún lést tveimur dögum síðar. Natasha hefur fengist við leik í kvikmyndum frá því að hún var 4 ára gömul og innheldur ferill hennar myndir eins og Asylum, The Comfort of Strangers, Widows‘ Peak, Nell, Wild Child, Maid in Manhattan og The Parent Trap þar sem hún fór á kostum ásamt Dennis Quaid og Lindsay Lohan. Hún var einnig verið mjög farsæl á leiksviði en hún fór á kostum í Streetcar Named Desire eftir Tenesse Williams auk þess sem hún fékk Tony verðlaunin fyrir Cabaret. Natasha var gift leikaranum Liam Neeson og var af mikilli stjörnufjölskyldu komin en hún var dóttir leikhjónanna Tony Richardson og Vannessu Redgrave og systir Joely Richardson. Hún skilur sig eftir tvo syni sem hún átti með Neeson. Hvíl í friði
Runni
Rúnar Júlíusson einn ástkærasti tónlistarmaður og upptökustjóri landsins lést aðfaranótt 5.desember af völdum hjartaáfalls. Rúnar Júlíusson fæddist þann 13.apríl 1945 í Keflavík. Rúnar byrjaði snemma á unglingsárum að dunda sér í fótbolta og spilaði hann með Keflavíkurliðinu sem að urðu m.a. Íslandsmeistarar. Rúnar var drifinn inní nýstofnuðu hljómsveitina Hljóma árið 1963 sem bassaleikari þrátt fyrir að hafa aldrei spilað á bassa áður. Hann vakti mikla athygli með Hljómum þá sér í lagi fyrir sérstaka sviðsframkomu. Hljómar og erkióvinir þeirra Flowers sameinuðust árið 1969 og varð úr hljómsveitin Trúbrot. Hljómar byrjuðu síðan aftur með nýjum mannskap og varð sú útgáfa síðar að hljómsveitinni Ðe Lónlí Blú Bojs. Rúnar stofnaði útgáfufyrirtækið Geimstein árið 1976 og hefur hann þar uppgötvað, aðstoðað og spilað með fjölda góðkunnra listamanna s.s. Bjartmari Guðlaugssyni, Baggalúti, Sverri Stormsker, Dr.Gunna og Hjálmum. Eitt dáðasta afkvæmi Rúnars fyrir utan Geimstein er hljómsveitin GCD sem hann stofnaði ásamt snillingnum Bubba Morthens. Rúnar hefur auk þessa gefið út heilan helling af sólóplötum og hefur komið fram á hundruðum hljómplatna. Árið 2005 kom út ævisaga Rúnars Hr.Rokk og er nýlega komin út þriggja platna safnútgáfan Söngvar um lífið þar sem Rúnar flytur 72 þekktustu lögin frá ferli hans. Rúnar hefur í gegnum tíðina verið álitinn sem einn svalasti tónlistarmaður Íslands og verður honum án efa sárt saknað. Rúnar skilur eftir sig eiginkonuna Maríu Baldursdóttur, tvo syni og sex barnabörn. Það skal tekið fram að Rúnar er uppáhaldstónlistarmaður annars stjórnanda áhugamálsins Guð geymi þig.
Newman
Bandaríski leikarinn Paul Newman lést á heimili sínu þann 27. September 2008 að völdum lungnakrabba, hann var 83 ára. Newman var mjög afkastamikill um ævina og var hann 10 sinnum tilnefndur til Óskarsverðlaunanna á árunum 1959-2003 þar sem hann hreppti þau einu sinni fyrir leik sinn í The Color of Money. Hann hefur einnig átt tilnefningar og sigra á öðrum verðlauna hátíðum svo sem BAFTA, Emmy og Golden Globe. Á tæplega 55 ára ferli lék hann í yfir 80 kvikmyndum og þáttum og má þar helst telja Somebody Up There Likes Me, The Hustler, The Prize, Butch Cassidy and the Sundance Kid og Cars. Hvíldu í friði
Ledger
Tónlistarmaðurinn og leikarinn Isaac Hayes lést þann 10. Ágúst 2008. Hann var 65 ára gamall. Isaac gaf út fjöldann allann af plötum þar af þekktastar Hot Buttered Soal og Black Moses. Hann vann til þriggja Grammy verðlauna. Eitt fyrir plötuna Black Moses og hin tvö fyrir tónlistina í myndinni Shaft en sú mynd fékk honum einnig Óskarinn fyrir besta lagið. Hann lék einnig m.a. í myndunum Hustle & Flow og Reindeer Game auk þess sem hann talaði fyrir persónuna Chef í South Park. Hann lék í þættinum þangað til að þátturinn gerði grín að Vísindakirkjunni og hætti hann þá. Hvíldu í friði.
Ledger
Hinn ástkæri leikari og uppistandari Bernie Mac lést þann 9. Ágúst eftir baráttu við lungnasjúkdóm sem hann hafði haft í í 25 ár. Hann 50 ára gamall. Flestir kannast við Bernie úr þáttunum The Bernie Mac Show en einnig hefur hann leikið í myndunum Transformers, Charlies Angel‘s: Full Throttle, Ocean‘s myndunum (Eleven, Twelve og Thirteen) og Mr. 3000 svo nokkrar séu nefndar. Einnig fór Bernie Mac á kostum í uppistandi sínu og skemmti hann oft í klúbbum auk þess að gefa úr The Whole Truth, Nothing But the Truth, So Help Me Mac og The Original Kings of Comedy ásamt Steve Harvey, Cedric The Entertainer og D.L. Hughley. Hvíldu í friði.
Carlin
Uppstandarinn George Carlin lést þann 22. Júní 2008. Hann var 71 árs gamall. Carlin var brautryðjandi á sviði uppistands þar sem hann var óhræddur við að deila á samfélagið og blóta eins gamall sjómaður. Carlin ferði allt vitlaust með sínum einstaklega orðljóta munnsöfnuði og var hann oft kærður fyrir það og næstum dæmdur einu sinni. Auk þess að vera með uppistönd lék hann misstór hlutverk í myndunum Cars, Dogma, Jersey Girl, Scary Movie 3, Jay and Silent Bob Strike Back og Bill & Ted‘s Execellent Adventures. Hvíldu í friði.
Pollack
Einn afkastamesti leikstjóri og leikari nútímans Sydney Pollack lést þann 26. Maí 2008. Hann var 73 ára gamall. Sydney er þekktastur fyrir leikstjórn og framleiðslu og hafa Óskarverðlaunin verið honum mjög hliðholl. Meðal hans þekktustu mynda eru Three Days of Gondor, Absence of Malice, Tootsie, The Interpreter og Out of Africa en sú síðasta vann honum tvenn Óskarsverðlaun. Í heildina hafa myndir sem hann hefur leikstýrt og framleitt halað inn 48 Óskarstilnefningum . Jane Fonda, Gig Young, Susannah York, Barbra Streisand, Paul Newman, Melinda Dillon, Jessica Lange, Dustin Hoffman, Teri Carr, Meryl Streep, Klaus Maria Brandauer og Holly Hunter eiga Pollack einnig mikið þakka þar sem hann leikstýrði þeim öllum til Óskarstilnefninga. Sem leikari birtist hann m.a. í Eyes Wide Shut, Michael Clayton og gamanþættinum Will & Grace. Hvíldu í friði.
Heston
Leikarinn dáði Charlton Heston lést þann 5.apríl 2008. Hann var 84 ára gamall. Heston var þekktur fyrir að leika oftast hetjur og oft í trúarlegum myndum. Meðal þekktustu mynda hans eru The Ten Commandments, Planet of the Apes, El Cid og Ben-Hur en hann fékk einmitt Óskarverðlaunin fyrir þá síðastnefndu. Heston var einnig mjög sýnilegur í stjórnmálum og síðar sem formaður NRA (National Rifle Association). Hvíldu í friði.
Ledger
Hinn ástsæli leikari Heath Ledger lést þann 22. Janúar 2008 eftir að hafa tekið inn mikið magn af verkja- þunglyndis-, svef- og kveflyfjum. Hann var 28 ára gamall. Ledger hefur lengi verið talinn einn af efnilegustu leikurum Hollywood en hann hafði þegar heillað almenning í myndum á borð við 10 Thing I Hate About You, The Patriot, Monster‘s Ball, A Knight‘s Tale og Brokeback Mountain. Ledger verður samt líklega best minnst í sínu síðasta hlutverki þar sem hann fór á kostum sem Jókerinn í Batman myndinn The Dark Knight. Ledger var tilnefndur til Óskarsverðlaunanna fyrir leik sinn í Brokeback Mountain og hafði hann einnig verið tilnefndur til annarra verðlauna á borð við BAFTA, MTV, Golden Globe og Teen Choice Awards. Hann hreppti nokkur af þessum verðlaunum. Þessa frábæra leikara verður tvímælalaust saknað. Hvíldu í friði
Pavarotti
Kóngurinn í óperuheiminum Lucianos Pavarotti lést þann 6. September 2007 eftir baráttu sína við krabbamein. Hann var 71 ára gamall. Pavarotti var einn dáðasti tenór allra tíma. Hann sló upphaflega í gegn í óperuheiminum í Ítalíu en fór svo aðeins að breyta til. Hann sló í gegn í „The Three Tenors“ ásamt Domingo og Carreras en fór svo að sjást syngja og vinna með þekktum tónlistarmönnum þar sem má nefna U2, Sheryl Crow, Eric Clapton, Jon Bon Jovi, Elton John og Sting. Margir af þessum tónlistarmönnum unnu með honum að hinum árlegu tónleikum hans „Pavarotti and Friends“. Pavarotti van til margra verðlauna svo sem Grammy og Emmy auk þess sem hann á tvö heimsmet. Hvíldu í friði.
Ingmar Bergman
Einn merkasti leikstjóri allra tíma svíinn Ernst Ingmar Bergman lést þann 30.júlí 2007,hann var 89 ára gamall. Bergman hafði á sínum 65 ára ferli leikstýrt yfir 60 kvikmyndum og sjónvarpmyndum og var hann tilnefndur til Óskarsverðlaunanna 9 sinnum fyrir bæði leikstjórn og handritsskrif. Þó hann hafði ekki unnið nein þeirra fékk hann heiðursverðlaun frá Óskarsakademíunni árið 1971. Meðal hans þekktari mynda eru t.d. Det Sjunde inseglet(þar sem fræga skákins milli hermannsins og Dauðans kemur fyrir), Sommernattens leende, Nattvardsgästern, Smultronstället, Persona og Fanny och Alexander. Ingmar skilur eftir sig 9 börn en hann var ókvæntur þegar hann lést. Hvíldu í friði.
Antonioni

Annar þekktur kvikmyndargerðarmaður lést 30.júli 2007 en það var Michelangelo Antonioni, hann var 94 ára gamall. Antonioni hafði á sínum 62 ára ferli leikstýrt 35 myndum og var hann tilnefndur til Óskarsverðlaunanna fyrir bæði leikstjórn og skrif á myndinni Blowup og fékk hann einnig Gullpálmann fyrir sömu mynd.. Hann var sæmdur heiðursóskarnum árið 1995 og flutti stystu heiðursþakkarræðu kvikmyndasögunnar og sagði bara “Grazie”. Hans þekktustu myndir eru m.a. Blowup, The Passenger, L'Avventura, L'Eclisse og La Notte. Hann skilur eftir sig eiginkonu, Hvíldu í friði.

Kristinn

Kristinn Þorleifur Hallsson óperusöngvari andaðist þann 28.júlí. 2007, hann var 81 ára. Kristinn lærði við Tónlistarskólann í Reykjavík árið 1937 og Konunglega tónlistarháskólann í London árin 1951-54 hann fór þá að taka þátt í óperusýningum og tóneleikum bæði á Íslandi og víðar. Kristinn fór að kenna tónlist 1954 auk þess sem hann starfaði sem stjórnarráðsfulltrúi við menntamálaráðuneytið árið 1970, var í forystu Nemendasamband VÍ, og sat í stjórnum Félags íslenskra einsöngvara, Félags íslenskra leikara og Anglia. Kristinn var sæmdur Fálkaorðunni 1978. Þeir sem vilja fræðast meira um Kristinn er bent á ævisögu hans Góðra vina fundur sem kom út 2 og tvöfaldann geisladisk með einsöng hans sem kom út 2002. Hann skilur eftir sig 3 uppkominn börn en eiginkona Kistins lést árið 1983. Hvíldu í friði.

Barry Nelson
Þegar spurt er að spurningunni “Hver var fyrsti leikarinn til að leika James Bond?” þá vill fólk svara Sean Connery en það myndi ekki vera rétt. Robert Haakon Nielsen einnig þekktur sem Barry Nelson lést 7.apríl 2007 hann var 89 ára. Nelson er ekki oft nefndur meðal helstu stjörnuleikara Hollywood en hann er þó þekkt nafn í kvikmyndaheiminum fyrir eitt. Hann var nefnilega fyrsti leikarinn til að bregða sér í gervi njósnarans James Bond. Það gerði hann í klukkutíma langri sjónvarpsmynd eftir sögu Casino Royale árið 1954. Nelson er því miður ekki þekktur fyrir mikið annað en hann hefur þó leikið t.d. í myndunum Airport og The Shining og sjónvarpsþáttunum Dallas, Magnum PI og Morðgátu. Ótrúlegt enn satt þá er Nelson og orðin ódauðleg goðsögn í hugum Bond-aðdáenda þrátt fyrir að hafa aðeins verið klukkutíma í hlutverki 007. Nelsons hefur verið minnst á fjölda James Bond síðna síðan að hann dó. Hvíldu í friði.

Anna Nicole
Ofurskutlan og súpermódelið Anna Nicole Smith lést þann 8 febrúar 2007 eftir ofneyslu lyfja af slysförum, hún var 39 ára. Smith hefur gert margann manninn brjálaðan yfir myndum af henni í Playboy og fleiri tímaritum. Smith átti mjög farsælan feril sem fyrirsæta og hefur einnig leikið í nokkrum kvikmyndum og var mjög gaman að henni í Naked Gun 33 1/3. Lífið hjá Önnu Nicole var enginn dans á rósum hún er líklega meira þekkt fyrir einkalífið heldur en fyrirsætustörf og leik. Smith rauk í allar umræður árið 1994 þegar hún giftist olíukónginum J.Howard Marshall II sem var 62 árum eldri en hún (Hann 89 hún 26 ára). Þegar hann lést ári seinna lenti Anna í miklum útistöðum við tengdarfjölskyldu sína um arfinn, sú deila stóð ennþá yfir. Einnig varð það stórmál þegar hún giftist lögfræðingnum sínum Howard K. Stern. Anna hefur verið mest í fréttum nýlega þegar að hún eignast dótturina Dannilynn sem talin er ekki vera dóttir Howard, og ekki var allt búið enn sonur hennar heimsótti hana á sjúkrahúsið þremur dögum eftir fæðingu systur sinnar og fékk þar áfall af völdum of stórs skammts eiturlyfja og dó á staðnum. Anna var ennþá bæði að glíma við fyrrv. tengdarfjölskyldu sína og orðróma um hver sé faðir Dannilynn þegar hún lést. Hvíldu í friði

James Brown
Goðsögnin James Brown lést að morgni jóladags 2006 73 ára að aldri. Brown var svo sannarlega orðin goðsögn í tónlistarbransanum og þekkir hvert einasta mannsbarn allavega eitthvað að lögum hans. Hann var nefndur “Godfather of soul” og sló í gegn með lögum á borð við “I feel good,” “Sex Machine,” "Papa's Got A Brand New Bag," "Please, Please, Please," Say It Loud — I'm Black and I'm Proud" og “Linving in America.” Brown hefur einnig verið talinn sem vinnumesti maður í tónlistarbransanum og þurfti að margoft að berjast við áfengis- og eiturlyfjavandamál sín. Það hafði samt ekki áhrif á tónlistina og tryllti Brown lýðinn oft með sviðframkomusinni sem að höfðu áhrif á Prince og Mick Jagger sem dæmi. Brown var alltaf hress og skemmti allt sitt líf hannn tilkynnti 3 dögum fyrir andlát sitt að hann ætlaði að spila á B.B. King Blues Club á gamlárskvöld, hann var óvænt lagður inná sjúkrahús á aðfangadag með lungnabólgu og lést snemma á jóladagsmorgun eftir að hjartað gaf sig. Hann skilur eftir sig eiginkonu og einn son.
Peter Boyle
Hinn frábæri gamanleikari Peter Boyle lést 12.desember 2006 eftir langa baráttu við hjartasjúkdóm og krabbemein. Boyle er líklega þekktastur fyrir að leika Frank Barone í gamanþáttaröðinni Everybody Loves Raymond, Sem Frankensteinn-skrímslið í Young Frankenstein og sem Clyde Bruckman í X-files. Boyle var með fyndnari "gamalmennum" í skemmtibransanum og skemmtir fólk sér frábærlega yfir tilþrifum Boyle í Everybody Loves Raymond. Þann 8.september síðastliðinn var tilkynnt að Peter Boyle hefði verið greindur með með alvarlegann hjartasjúkdóm sem myndi draga hann til dauða á næstunni, Peter neitaði þó þessu og sagðist vera við hestaheilsu en eins og persónan hans í E.L.R. þá mátti aldrei sjást neinn veikleiki á honum. Peter Boyle var tilnefndur til Emmy verðlaunanna 7 árí röð sem besti leikari í aukahlutverki en fékk aldrei þau verðlaun því að Brad Garret sem leikur son hans í þáttunum sópaði þeim að sér. Hins vegar fékk Boyle Emmy verðlaunin fyrir hluverk sitt í X-files og vann einnig nokkur verðlaun fyrir E.L.R. Brad Garret og Doris Robert sem lék konu Boyle heiðruðu minningu hans og sagði Brad um hann "Ég hugsa um Peter og ég brosi. Ég hlæ og ég hugsa um hvað ég hef lært af honum sem leikari og sem manneskja. Hann var svo brjóstgóður og frábær pabbi" Að lokum vil ég vitna á Peter sjálfann og það sem hann sagði þegar hann var spurðu hvað honum fyndist um Óperur ""Opera? Just what the world needs: more fat women screaming." Hvíldu í friði
The Fruitcake Lady
Marie Ridisill betur þekkt sem "The Fruitcake Lady" lést 3. November 2006. Hún var 95 ára gömul. Marie var frænka rithöfundarins Truman Capote og hjálpaði hún við að ala hann upp. Marie var þekkt fyrir matreiðslu og gaf út nokkrar matreiðslubækur. Þegar hún var 89 var hún ráðin til að sjá um matreiðsluhorn annað slagiðí þætti Jay Leno og gerði hún það en kom þá eitt annað í ljós líka. Hún var einstaklega hreinskilin og lét allt vaða í þáttunum þ.á.m. vissi hún ekki hver Mel Gibson var, hún skammaði Cuba Gooding Jr. fyrir að fylla holu í köku sem var verið að gera og sagði við hann "Can't you see hole without putting something in it" og einnig sló hún Tom Cruise þegar hann sullaði yfir hendurnar á sér og öskraði á Jay þegar truflaði hana í að þrífa Tom Cruise um hendurnar. Eftir það var hún beðin að sjá um annan dagskrárlið hjá Jay Leno þar sem hún svaraði spurningum frá áhorfendum og enn lét hún allt flakka og uppáhaldið mitt er þegar hún var spurð hvort hún ætti ekki að hætta að blóta vegna þess að hún er orðin fyrirmynd og Marie svaraði án umhugsunar "HELL NO". Marie var ein af stjörnunum hjá Jay Leno og verður hennar svo sannarlega minnst

Jack Palance
Ástkæri og heimsfrægi leikarinn Jack Palance dó í dag (10.11.2006) hann var 87 ára. Palance ætti að vera mörgum þekktur sem snilldarleikari en fáir vita að eitt sinn var hann boxari sem barðist undir nafninu Jack Brazzo hann vann fyrstu 15 bardagana sína með snilldarbrag og átti síðan mjög farsælann feril. Hann hætti í boxinu til að ganga í herinn og fékk tvær orður eftir að hann særðist í bardaga og stefndi þá í leiklistina.Palance var tilnefndur þrisvar sinnum til Óskarverðlaunanna fyrir bestan leik í aukahlutverki. Honum varð að láta sér nægja tilnefningarnar árin 1953 og 54 þar sem hann var tilnefndur fyrir íllskuleik sinn í myndunum Sudden Fear og Shane. Hann hins vegar fékk Óskarinn rúmlega 40 árum síðar þegar hann var 72 ára gamall fyrir leik sinni í gamanmyndinni City Slickers. Þeir sem ekki eru mikli kvikmyndanördar þekkja Jack líkleg best sem Curly í City Slickers og Grissom úr Batman. Palance skilur eftir sig konu og 2 börn sem bæði hafa unnið við leiklist. Sonur Jack Cody Palance var einnig kominn á gott skrið í kvikmyndaheiminum en hann lést 1998 úr krabbameini. Jack Palance var eitt af stærstu nöfnunum í kvikmyndaheiminum og verður hans minnst fyrir sinn þátt í sögunni.
Hugi notar vefkökur til að bæta notendaupplifun á vefsíðunni og greina umferð um hana. Einnig hefur Hugi uppfært persónuverndarstefnu sína. Skoðaðu stefnuna hér..
Ok