BMW hefur nú birt myndir af BMW Z4 sem væntanlegur er á markað í Evrópu snemma á næsta ári en seint á þessu ári í USA. Bíllinn verður fáanlegur með 2 vélum, 2500 cm3 sem skilar 192 hö og 3000 cm3 sem skilar 231 hö, en báðar eru þær 6 strokka. Hægt verður að velja á milli 5 gíra handskipts gírkassa eða Steptronic gírkassa á 2500 bílnum en kaupendur 3000 bílsins geta valið á milli 5 gíra Steptronic gírkassa eða glænýs 6 gíra handskipts gírkassa. Um mitt næsta ár verður svo sequential gírkassi (SGG) fánlegur sem aukabúnaður í báðum útgáfum. BMW Z4 verður frumsýndur á Bílasýningunni í París (Paris Motor Show) í september nk.
Hér má sjá besta og áhrifamesta bassaleikara allra tíma, John Entwistle í The Who, í þá gömlu góðu daga. Hann lést 57 ára að aldri, þann 27. júní í ár. Blessuð sé minning hans. John Entwistle, hvíl í friði.
Renault hefur nú dreift myndum af 2. kynslóð Renault Mégane (Mégane II) sem væntanlegur er á markað árið 2004. Til stendur að bjóða bílinn í 7 mismunandi útgáfum en Renault lætur enn sem komið er duga að dreifa myndum af 3 og 5 dyra útgáfunum sem kallast einfaldlega Sport Hatch og Hatch. Renault heldur því fram að 3 orð hafi verið höfð að leiðarljósi við hönnun bílsins. Compact, expressive og dynamic. Hvort mönnum finnist að það hafi gengið eftir er svo annað mál en heldur þykir mér afturendinn vera vafasamur á þessum bíl.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
