Mér fannst þokkalega sniðugt að læra á Matlab fyrst. Það er á mörkum þess að hægt sé kalla það forritunarmál, en það kynnir mann fyrir grunnhugmyndum í forritun og er strax mjög hagnýtt við hina og þessa reikninga (svo að menn sjá strax að þetta hefur eitthvað notagildi). Það er lítið um leiðinlega syntaxa og mjög góður innbyggður debugger, svo það er ekki óþolandi að vinna í því þegar maður kann lítið á það. 

Held það sé ekkert eitt best, ég myndi segja eitthvað mál í C-fjölskyldunni, eins og Java, C++ eða PHP jafnvel.  Aðal ástæðan er sú að ef þú tileinkar þér eitt af þessum málum fyrst ertu mjög fljótur að læra mörg af algengustu málum veraldar. 

Ég myndi mæla með C++ eða C#

Það fer svolíitð eftir því hvert markmiðið er og hverju maður hefur áhuga á.

Ef maður vill geta fljótt getað byrjað á að gera frekar flotta hluti (gui eða eitthvað) þá er kannski python, C# eða java hentugt.
python er í mestu uppáhald hjá mér af þessum málum. Það er oft mjög einfalt að gera frekar flóknar hluti.
C# hef ég ekki prófað og það hefur þann galla að vera takmarkað við windows (jú jú, það er svo sem líka alveg til eitthvað mix ef maður vill ólmur nota það á öðrum platformum), en margir virðast vera mjög hrifnir af því.

Ef maður stefnir á að verða verkfræðingur eða að gera eitthvað þar sem maður þarf að reikna mikið í tölvu (rannsóknir eða eitthvað) þá er Matlab ágætis kostur, en annars myndi ég ekki mæla með því (á sömu forsendum og Vefstjóri benti á).

Ef maður vill læra meira um hvernig tölvur virka og ná dýpri skilning á því þá myndi ég mæla með að læra C, C++ og einhvern grunn í assembly, en af þessum þá er líklegast best að byrja á C++.

Php var aðalmálið í vefsíðuforritun og er enn mjög sterkt þar held ég, en ég er ekki jafnvel inn í þeim málum og ég var. Mér skilst að python/django og ruby on rails sé vinsælt og kannski eitthvað fleira.
Almennt finnst mér php vera ágætis mál til að byrja að læra ýmis grundvallaratriði í forritun.

Ef ég má bara segja eitthvað eitt, þá myndi ég samt segja python.

Þegar maður er að velja fyrsta forritunarmálið þarf maður að íhuga hvert markmiðið er. Ef maður ætlar sér eitthvað af viti með forritun og þeirri tölvukunnáttu sem henni fylgir, þá verður maður einfaldlega að læra tungumál eins og C eða C++, og það helst snemma. Ef maður er bara að fara að forrita vefsíður getur maður alveg eins byrjað á einhverju "higher level" en C/C++, eins og t.d. Python eða jafnvel bara PHP. 

Munurinn á þessum tungumálum er í raun hve "auðveldlega" maður getur þýtt hugmyndir í kóða. Með C og C++ ertu ekki með neinar stórar abstractions frá sjálfri vélinni. Þú ert að skrifa kóða sem er eins mikið skref fyrir skref og hægt er, nema þú skrifir assembly. Þetta gildir að sjálfsögðu ekki alveg jafn mikið fyrir C++ miðað við C, en það fer efir því hvort maður er að nota STL og allt það. 
Það getur verið truflandi fyrir byrjendur að þurfa að hugsa þetta út í litlum skrefum, eins og þarf í C/C++, og þurfa að díla við hluti eins og minni og annað. En á sama tíma, ef fólk byrjar á tungumálum eins og t.d. C#, þar sem garbage collection sér um þessa hluti fyrir mann, þá getur viðkomandi auðveldlega rekið sig á þegar það er verið að skrifa flóknari forrit. Þó að garbage collectorinn geti gert hlutina fyrir mann oftast, þarf stundum að segja honum til. Ef maður hefur lítinn skilning á minni og öllu því, þá getur það orðið vesen.

Fólk sem vill bara forrita til þess að kunna það en ætlar sér ekki einhverja svakalega hluti með þessarri kunnáttu getur bara tekið tungumál eins og python eða ruby og leikið sér. En ef maður ætlar eitthvað af viti kemst maður ekki hjá því að henda sér í drulluna og læra á þá hluti sem eru að gerast á bakvið allt, á endanum.

Þetta er að sjálfsögðu bara mín skoðun, en í samantekt er hún einfaldlega sú að það er best að byggja pýramída með því að byrja á grunninum. Það verður frekar erfitt að byrja á toppnum, byggja svo grunninn og lyfta honum svo öllum ofan á grunninn.