Eigum við bara að gefa þér kóða fyrir heilan leik hérna í svari eða hvað ertu að tala um? Btw, þetta fyrir ofan er rugl.

Rétt spurning myndi líklega vera eitthvað á þessa leið: “Hvernig forrita menn leiki?”, eða: “Hvernig eru leikir forritaðir?”

Það er ekkert auðvelt að gefa neitt ákveðið svar við svona spurningu, þar sem hún er allt of víð, svona eins og að spyrja: “Hvað eru stöðuvötn djúp?”.

En til að gefa þér einhverja hugmynd, þá er leikjaforritun að mestu eins og önnur forritun.

Fyrst þarf að gera sér grein fyrir því hvernig leik maður vill gera. Síðan eru gerð einhverskonar frumdrög að leiknum. Í sumum tilfellum geta menn látið sér duga að sjá það fyrir sér, en í öðrum tilfellum er nauðsynlegt að skrá niður einhverja hönnun. Það er líka misjafnt eftir því hver (eða hverjir) er að gera leikinn og því hversu umfangsmikill leikurinn er.

Ef mikil grafík kemur við sögu, eins og er með flesta leiki í dag, þá þarf að teikna og hanna það líka. Oftast er best að fá til þess sérhæfða grafíkera og sú vinna er um margt lík forrituninni sjálfri.

Sama gildir um hljóð og/eða tónlist sem á að nota í leiknum.

Síðan þarf að ákveða í hvaða forritunarmáli á að skrifa og þá þarf að taka tillit til ýmissa þátta, eins og t.d. hvort til séu library sem nýtast við gerð leiksins, í einu máli en ekki öðru. Á að gefa leikinn út fyrir margs konar vélbúnað (PC, Mac, PS2/3, XBox, …) eða eru menn að miða leikinn við eina tegund vélbúnaðar. Að einhverju leyti skiptir máli hvaða mál menn kunna, þó það sé sjaldnast neitt úrslitaatriði.

Þegar ákvarðanir liggja fyrir og hönnun hefur verið gerð, er hægt að hefjast handa við forritunina sjálfa. Hún fer fram þannig að menn setjast niður með nokkra lítra af kaffi/kók/pepsi/jolly-cola og nokkra pizzukassa og byrja síðan að lemja á lyklaborðið skv. þeim reglum sem viðkomandi forritunarmál setur.

Eftir u.þ.b. 27 tíma forritun, eru pizzurnar og drykkirnir uppurið og forritarinn líklegast orðinn þreyttur. Þá tekur við 4-5 tíma svefn, áður en sami hringur er svo endurtekinn.

Eftir nokkrar endurtekningar á ofangreindu, ætti að vera hægt að prófa smá hluta af leiknum. Þá kemur oftast í ljós að hönnunin var ekki nógu vel unnin og þarf þá að endurhanna hluta leiksins, misstóran eftir atvikum. Í framhaldi af því er síðan pantaður enn stærri stafli af pizzum en áður og fleiri lítrar af kóki/kaffi/jolly-cola og sami hringur og áður endurtekinn.

Ef vel tekst til í þetta sinn, er hægt að hefjast handa við að forrita annan hluta leiksins. Þannig er síðan haldið áfram þangað til búið er að forrita leikinn í heild sinni og prófanir gefa fullnægjandi niðurstöðu.

Þá er leikurinn gefinn út, en þar sem svo langan tíma tók að forrita hann, þá er hann strax orðinn úreltur og enginn kaupir hann. Í raun er það samt gott, því viku síðar finnur þú alvarlega villu í leiknum sem veldur því að harði diskurinn hjá þeim sem spilar hann hrynur.

Vonandi að þetta hafi gefið þér einhverja hugmynd um hvernig menn forrita leiki, en ef ekki, þá er alltaf velkomið að spyrja aftur :)

Byrjaðu á því að búa til einfalda leiki. Tetris og pong eru góðir leikir fyrir byrjendur til þess að skrifa.
Nú hugsarðu kannski “Til hvers?” Það byrjar enginn, og ég meina enginn, á því að búa til cutting edge nútímaleik sem hefur aldrei búið til leik áður. Þú lærir heilan helling um leikjaforritun (game loops, winning conditions, etc.) með því að byrja á því að búa til lítinn og einfaldan leik fyrst, auk þess sem það er mikilvægt að forrita leikinn alveg til enda, klára verkefnið til að fá smá sense of achievement og eiga eitthvað til að setja í portofolio-ið.

Tékkaðu svo á http://www.gamedev.net, þar er heill hellingur af greinum, leiðbeiningum og gagnlegu dóti tengt leikjaþróun og mjög öflugt spjallborð.