Private - einka, eitthvað sem bara þessi aðili getur nálgast (eða afkomendur hans).
Public - almennt, eitthvað sem hver sem er getur nálgast.
Get - Nú veit ég ekkert hvað þú ert að gera en ef þú ert í vefforritun eru GET breytur breytur sem eru sendar með URLinu s.s. eins og http://www.hugi.is/forritun/threads.php?page=reply&parentId=3422205
Set veit ég ekki alveg hvað er.

Í fyrsta lagi þá er verið að tala um klasahugtök hér. Private er þar notað sem eitthvað sem viðkomandi klasi sér einn.

Tilvik af klasanum sjá ekki breytur og föll sem skilgreint er sem private.

Private hluti klasa erfist ekki.

Public er hins vegar hið gagnstæða, þ.e. allt sem skilgreint er sem public er sýnilegt öllum sem nota klasann og public breytum er hægt að breyta með einfaldri gildisveitingu.

Get og Set í þessu samhengi er þá að öllum líkindum (nú er ég bara að giska, þar sem þú ert ekki að segja okkur mikið um í hvaða samhengi þetta er) notað til að gera private breytur “sýnilegar”.

Þetta er þá gert þannig að búin eru til public föll, s.k. Get og Set föll, til að gefa mönnum aðgang að viðkomandi private breytum. Höfundur klasans getur þannig stýrt því hvaða gildi sett eru í breyturnar (Set) og eins vilja menn í sumum tilfellum að breyting á gildi einnar breytu hafi áhrif á gildi annara breyta í klasanum.

Nú til að notandi klasans geti sótt gildi úr private breytu (sé það á annað borð æskilegt) þarf að skilgreina Get fall, sem gerir þá lítið annað (í flestum tilfellum) en að skila gildi breytunnar.

Í c++ er síðan til enn ein skilgreiningin, sem er protected, en breytur/föll sem skilgreind eru þannig hegða sér nákvæmlega eins og private hliðstæðurnar, nema að því leyti að protected breytur og föll erfast frá klasanum.