Fyrst þú hefur fiktað í Basic, er þá ekki bara málið að halda því áfram? Visual Basic.NET er nú alveg ágætt bara ;)

Nema náttlega þú sért linux kall, þá er ábyggilega best að kynnast einhverjum af þessum shell scriptum, já eða kannski perl.

Sjálfur byrjaði ég á Basic og fór þaðan í C++, Java, C#, Pascal og svo loks neyddur í Python. Ég kann ekki svakalega vel við Python en Python er ágætt í sínu notagildi. Mikið notað í alls kyns stærðfræðivinnslu og reiknifrekri vinnslu. Til að mynda notar Íslensk Erfðagreining Python í gena vinnslu.

Ég myndi ef ég væri þú ekki byrja á Python heldur byrja á C++, Java eða C#. Java og C# eru náttúrulega frekar lík (hvað varðar hvernig kóðinn er skrifaður). Eða bara fara í VB.NET eins og abh sagði. Þá ertu kominn inn fyrir .NET þröskuldinn og þá ertu nú fær í flestann sjóinn:)

Perl og Python eru kjörin fyrir byrjendur vegna þess hversu einfalt það er að læra þau og forrita í þeim. (Ég mæli samt frekar með Python). PHP er ágætt líka en þú ferð ekki að nota það í annað en vefforritun (þótt að það sé alveg hægt).

Java og C# eru mjög fín mál ef þú hefur lært einhverja forritun áður en aftur á móti eru þau ansi stór biti að kyngja fyrir byrjendur og Java hefur séð til þess að margir hætta í tölvunarfræði á fyrsta ári.

Mér finnst algjör vitleysa að læra C/C++ nema maður nauðsynlega þurfi að nota þau satt að segja. Þau eru mjög öflug en forritun í þeim er gífurlega seinvirk og forritunarmistök geta verið mjög dýrkeypt. Mál eins og Python og Perl eru nógu öflug í langflesta forritun og svo eru til margar leiðir til að hraða á þeim.

Sæll,
Ég hef prófað fullt af málum, allt frá assembler til Python og í stuttu máli er Python frábært. Ég er kannski enginn byrjandi en það var svakalega létt að setja sig inn í það. Fínn socket server í 2-3 línum ef ég man rétt…geri aðrir betur. Dugar í allt það sem þú nefndir, allt frá Hello World til genarannsókna. Fullt af aðgengilegum og góðum leiðbeiningum og góð dæmasöfn netinu. Virkar á bæði Win og Lin og listinn heldur áfram og áfram.

Velkominn til python
Jón.

Python er nú bara hið ágætasta tungumál. Ég ákvað þegar ég var að skrifa lokaverkefni í Háskóla að nota það, þar sem peningar voru vissulega issue. Þar var ég að búa til 3D stýringar fyrir Tónlistarforrit (plugins) og ég get ekki sagt annað en að Python hafi svarað mínum kröfum. Ég hef fylgst allmikið með umræðunni um Python í nokkur ár og tekið eftir því að tungumálið hentar sérstaklega vel fyrir þá sem er að kynna sér Object Oriented forritun.
Ef einhverjir hugsa sér til dæmis að forrita einhverja grafík frá bottom-up, þeas annað en drag´n drop, þá mæli ég svo sannarlega með python.

Varðandi verkefnið sem ég gerði þá vissi ég nokkurn veginn alltaf að Python myndi duga, en það sem kom mér á óvart var hversu ótrúlega vel það keyrði.

Python hefur líka það sem Java hafði fyrir nokkrum árum, og það er að fólk á netinu er brjálað í því að hjálpa manni þar sem hugmyndin um frjálsa þróun lifir enn.

Kv
Wuk