Þetta er allt spurning um hversu mikið þú vilt leggja á þig og hvar þú ert og hvert þú stefnir. Ef þú ert enn í skóla þá myndi ég mæla með því að verja góðum tíma í þetta til að ná góðum tökum á þessu. Ef þú ert hins vegar vinnandi maður og ert ekki að drukkna í tíma þá myndi ég byrja smátt í einfaldari forritunarmáli.

Þú gætir byrjað á Java, þá þarftu að ná í java sdk á http://java.sun.com og ágætis bók um java má finna á http://mindview.net/Books . Java er ágætt sem fyrsta forritunarmál og hægt að búa til einföld forrit frekar fljótt í því. Ég myndi hins vegar ekki byrja að svitna mikið yfir hlutbundinni forritun fyrr en þú hefur náð góðum tökum á málinu sjálfu.

Ég myndi bíða með c/c++ þar til seinna. Ég hef ekkert notað c# en syntaxinn er áþekkur c++/java (ekkert fleim frá c#-aulum!) og eflaust einfalt að pikka upp ef maður kann annað hvort málið.

Ef þú vilt bara fikta þá er PHP raunhæfur kostur, allt um php má finna á http://www.php.net , bæði skjölun og forritið sjálft, væntanlega þyrftirðu líka að setja upp apache hjá þér til að geta gert eitthvað af viti. PHP er nær eingöngu notað í vefforritun og er ekki jafn stíft með tögun eins og önnur forritunarmál, helstu kostir eru hversu einfalt það er og hversu mikið af virkni (gagnagrunnar/myndvinnsla etc.) fylgir með grunndreifingunni.

Nokkur önnur forritunarmál sem væru fín til að læra eru: python, perl, pascal/delphi og Scheme (nei, ég er að grínast ekki reyna að læra Scheme upp á eigin spýtur sem fyrsta forritunarmál nema þú sért með heila á stærð við plánetu).

Kannski ég ætti að taka saman ruglið í mér. Java er fínt að byrja á ef þú villt læra “alvöru” forritun og bókin sem ég benti þér á er mjög góð. PHP er einfalt, sem þýðir að þú ert fljótari að læra á það en notkun þess er yfirleitt takmörkuð við vefforritun.


Ég vona að þetta hafi hjálpað eitthvað og skemmtu þér vel við böðlast í gegnum þetta.

Byrjaðu á Visual Basic .NET. Það er langeinfaldast svona fyrir byrjendur. Þú getur keypt Visual Studio .NET í EJS á 11.750 kr. nemendaleyfi (þ.e.a.s. ef þú ert í skóla einhverstaðar) Þá færðu allan pakkann; C++ .NET, Visual Basic .NET, C# .NET, ASP .NET, JAVA script, HTML og allt sem tilheyrir vefforritun. Það eru mjög góðir tutorials í Visual Studio fyrir öll þessi mál.
11.750 kr. er mjög gott verð fyrir þennan pakka. Venjulega kostar hann á bilinu 130.000 til 200.000 kr.
Kveðja
<br><br><b><font color=“red”>Einu sinni var maður sem hét Jón, og ekki nóg með það, heldur hét hann Sigurjón.
</font>
Mundu að segja blenski í staðinn fyrir blessaður eða blessuð, blessaðir eða blessaðar.

Ef þú lumar á góðum brandara þá skaltu senda mér hann og ég set hann inn á heimasíðuna mína, mjög fjölsótt, hafðu samband með því að senda mér skilaboð <a href="http://www.hugi.is/forsida/bigboxes.php?box_type=skilabodaskjodan&page=new_msg&to_user=bgates“><font color=”red">HÉR</font></a></b>

<b>bgates skrifaði:</b><br><hr><i>Jörðin snýst í kringum sólina</i><br><hr>

Takk fyrir

© bgates