Ég byrjaði í HÍ og skipti yfir í HR.
Helsti munurinn er uppröðunin á námskeiðunum, Fyrsta árið í HÍ lærði maður aðallega bara stærðfræði, og forritunarverkefnin voru á stærðfræðilegum nótum. Og maður hafði á tilfinningunni að stærðfræðin þar var bara notuð sem sía. Í HR er mun meira lögð áhersla á praktískari verkefni, og fannst mér röðunin á námskeiðunum þar henta mér mun betur. Greining er t.d. kennd á 1. önn í HR en ekki fyrr en á 4. önn í HÍ. Það má segja að maður lærir allt basic forritunar dót á fyrstu tveimur árunum í HR og getur svo tekið 3. árið sem er meira fræðilegt, stærðfræði og gaman.
En allavega hundleiddist mér í HÍ, þurrt, gamaldags, léleg aðstaða.
En gaman í HR, súper aðstaða, topp kennarar, skemmtileg verkefni og ekki skemmir mun meira af vísindaferðum.
En það er bara ég :)

það er hægt að slást um þetta, en ég myndi persónulega mæla með Hí sérstaklega þar sem þú ert að spá í mastersnámi í einhverju öðru en tölvunarfræði. Tölvunarfræðikennsla er orðin góð í HR, þó fólkið sem útskrifast þar er ekki alveg eins “stærðfræðilega þenkjandi” og þeir sem útskrifast úr HÍ. Það myndi ég þó telja stóran kost fyrir þá sem ætla að starfa við eða læra meira í sambandi við forritun/tölvutækni. T.d. eru eðlisfræðigreinar og stærðfræði nátengdari náminu í háskóla íslands.

ATH ég verð áreiðanlega sá síðasti til að hallmæla náminu sem í boði er í HR en það er mjög gott á sinn hátt. Þar er einblínt meira á að vinna með atvinnulífinu, starfa í hópum (í stað þess að menn vinni hver í sínu horni) og það er mjög gott, sérstaklega fyrir þá sem eru að koma beint út í atvinnulífið eftir skólann. Mín reynsla er sú að þeir sem koma út úr HR eru fljótari að tileinka sér vinnulag og verða productívir en þeir sem koma úr HÍ.
well hope it helps,
-kveðja
R

Veistu í hvernig Masters nám þú ætlar? Hérna heima eða erlendis? Í hverju þú vilt sérhæfa þig? HR námið er byggt upp svipað og nám í USA. Þeir virðast ætla að sérhæfa sig tengingu viðskipta og tölvutækni. Þannig að ef þú stefnir á eitthvað þvílíkt þá mæli ég með HR. Annars, og líka ef þú ert ekki viss um hvað þú ætlar að gera, þá mæli ég með HÍ.

HÍR = McDonald´s forritarar
læra aðferðina og geta þá forritað nákvæmlega eftiruppskrift

HÍ = Argentína steikhús forritarar
læra allan grunninn á bakvið forritunina og geta þar af leiðandi farið út fyrir uppskriftina og gert uppskriftir eftir eigin höfði

:Þ
það var farið í 22 vísindaferðir síðasta vetur í HÍ
veit ekki hversu margar í HÍR

Ég er nokkuð viss um að námið í HÍ er betri undirbúningur undir frekara nám. Hvort sem það er viðskiptafræði eða vísindi. Auk þess hefur þú í HÍ aðgang að námskeiðum í öllum öðrum deildum Háskólans og færð þau metin inn í tölvunarfræðinámið.

Það gleymist hér að minnast á annan valmöguleika í HÍ. Hann er stærðfræði-tölvunarfræði, sem er námsleið innan stærðfræðiskorar. Þar er öllu “hagnýtu” bulli sleppt og einbeitt sér að alvöru fræðigrein. Ef menn fíla sig ekki þar inni er síðan lítið mál að skipta yfir á tölvunarfræði því þar eru auðveldari námskeið kennd.

Ef þú vilt fara í masterinn að loknum bs þá geturðu bara gleymt HR :) (kalt mat)

>melsted

Aftur að soothe og hans vanda.

1. Sterki punkti tölvunarfræði í HÍ er stærðfræðin. Hún kemur að takmörkuðum notum í venjubundinni forritun (skrifa, skila og breyta gögnum) en að miklu gagni í sérhæfri forritun og í fræðilegum framhaldsnámi.
2. Sterki punkti tölvunarfræði í HR er tengsl við viðskiptalífið. Áherslunar þar eru hinar sömu og hjá vinnuveitendum.
3. Góður námsmaður lærir. Góður skóli gerir ekki lélegan námsmann að góðum!
Nokkrir punktar um Mastersnám.

1. Mastersnám á Íslandi er ekki hátt skrifað. Það fellur enginn í stafi yfir Mastersgráðu frá Íslandi. En það er þokkalegt og upp í gott eftir því um hvaða nám er að ræða.
2. Það þykir fínna hér á landi að haf lélegt masterspróf frá USA en gott frá HÍ/HR.
3. Masterspróf frá USA er í Bretlandi oftast metið sem BA/BSc próf. (Þó er fínna hér á landi að hafa master frá USA en Evrópu)
4. Það spyr enginn vinnuveitandi um einkunnir úr Mastersprófi.
5. Vinnuveitandinn hefur meiri áhuga á í hverju þú tókst master en hvernig þér gekk. Tenging mastersnámsins við atvinnulífið eða starf sem er verið að sækja um er oftast til bóta.
6. Þú kemst ekki í hvaða mastersnám sem er með fyrri hluta gráðu. Ef þú klárar BSc í tölvunarfræði þá færðu ekki að fara í master í sagnfræði nema að sýna fram á tengingu tölvunarfræðinar við Mastersverkefnið. Auk þess þarftu að taka kúrsa á BA stigi.

Það sem skiptir mestu máli er hvað þú ætlar að gera. Ætlarðu að gerast fræðimaður (HÍ!!!!) eða ekki (kannski HÍ, kannski HR)? Hafðu annars ekkert of miklar áhyggjur. Ef þú velur vitlaust þá færirðu þig bara um skóla.

kv
Kerling sem ætlar í Masternám í HÍ.

HÍ er eins og allir eru að segja mun fræðilegri, þú lærir að hugsa rökrænt um vinnuna þína, þannig að þú skiljir nákvæmlega hvað þú ert að gera. Fyrsta árið er sigti, sérstaklega fyrsta önnin, 3 stærðfræði áfangar en bara einn forritunaráfangi.
Það sem vantar í HÍ er einfaldur kúrs í að læra eitthvað forritunarmál vel.

Í HR er þessu hins vegar öfugt snúið, þú lærir að forrita í ákveðnum forritunarmálum, og gerir mun meira af stærri verkefnum. Þannig færðu meiri reynslu í að gera stærri verkefni í HR.(mikil hópvinna meðan í HÍ mikið af einstaklingsverkefnum þar af leiðandi minni verkefni)

Það er rosalega misjafnt hvernig fólk er sem kemur úr HR og HÍ, Það koma margir úr HR með góða rökhugsun en þú getur ekki útskrifast úr HÍ nema vera með góða rökhugsun og því eru mun fleiri þaðan sem hafa betri skilning á hvað þeir eru að gera en vantar bara reynsluna í að forrita en eru mun fljótari að skilja hana því þeir vita hvað liggur á bak við. Fólk úr HR hefur reynsluna við að forrita en leið og þeir eiga að gera eitthvað sem þeir hafa ekki gert áður tekur það þá lengri tíma að komast inn í það því þeim vantar hugsunina á bak við (þetta á ekki við alla þaðan en þetta er það sem ég hef tekið eftir við að vinna með fólki þaðan).
Halldór nefndi hér að áfangin forritunarmál sé eins í HÍ og HR (og einhverjir fleiri áfangar sem ég man ekki hverjir voru) en það er einmitt dæmi um áfanga sem er (alla vega eins og stendur) ekki eins, t.d hefur nokkur hér úr HR lært fastayrðingar? Það er einmitt það sem er lögð mikil áhersla á í forritunarmálum, byggist einmitt á því að hugsa um hvað þú ætlar að forrita áður en þú gerir það svoldið sem vantar oft hjá fólki úr HR (alls ekki öllum) svo held ég ekki að það sé farið mjög líkt í efnið í þessum áfanga, veit ekki hvernig það er í HR.
Ef þú ert góður í stærðfræði myndi ég velja HÍ þar færðu hugsunina á bakvið þetta allt sem fleitir þér mjög langt, hins vegar þarftu að læra forritunarmál og svona sjálfur en þú færð þekkinguna til þess. Þar sem þú ert að hugsa um framhaldsnám held ég að það sé betri kostur. HR kennir þér vel á þau tól og tæki sem eru notuð í dag en verða það kannski ekki eftir nokkur ár en er engu að síður góður ef þú vilt koma þér sem fyrst út á vinnumarkaðinn og ætlar þér ekki í framhaldsnám og átt nóga peninga til að borga fyrir skólann.

Einhver hérna var að furða sig á því afhverju HÍ fólk væri alltaf að dissa HR fólk. Ég held að ástæðan fyrir því sé einföld, HÍ fólk er hneykslað á því að HR fái hærri fjárveitingu en HÍ og hafi um leið minni rannsóknarskyldu. Einnig eru margir pirraðir á því að náminu í þessum tveimur skólum sé gert jafn hátt undir höfði. HR er með mikinn fókus á verklegu hliðina á náminu og það að búa fólk sem best undir vinnumarkaðinn og það umhverfi sem er þar. Þess vegna er skólinn viðskiptafræðitengdur. HÍ einbeitir sér hins vegar að fræðilegu hliðinni og skilar frá sér fólki sem er óreyndara en býr í flestum tilfellum yfir miklu meiri skilningi og kunnáttu á forritun og eru því að mínu mati betri forritarar. Þegar maður er kominn í vinnu tekur ekki langann tíma að venjast unmhverfinu.

Valið milli skólanna er því mjög einfalt. Ef þú hefur áhuga á að vera alvöru nörd er mun auðveldara að læra það í HR. Ef þú villt selja sál þína djöflinum og læra hinu myrku leyndardóma viðskiptafræði í bland við staðnaða, vélræna forritun, þá er HR þinn díll.

Hvað varðar framhaldsnám þá kemur HR varla til greina. Eins og kom fram áður miðast hann við að búa þig undir atvinnulífið en ekki framhaldsnám.
Feldon

P.S. ég er í tölvunarfræði við Háskóla Íslands (eða Háskólann með ákveðnum greini eins og hann ætti enn að kallast)

Svo er nú reyndar líka hægt að taka hugbúnaðarverkfæði við HÍ, þeir voru að byrja með það skor og fyrsta önnin er núna. Voða lítið mótað en stefnan er að hafa þetta 3 ára bs eða 5 ára master.