æji hvað þetta er leiðinlegt mál allt saman :( ég bara skil ekki hver er tilgangurinn með því að koma með svona próf ? Þetta er eitthvað svo kvikindislegt..ég meina fólk sem er alltaf með 9ur og 10ur í stærðfræði átti í miklum erfiðleikum með þetta blessaða próf, og hvað þá þeir sem voru í FALLHÆTTU fyrir ????
Ég hélt að tilgangurinn með þessum samræmdu prófum væri í rauninni að kanna kunnáttu krakka um allt land, prófa úr (ATH! Prófa úr-ekki búa til nýjar aðferðir og allt öðruvísi dæmi en við höfum séð áður!!) námsefninu sem við eigum að hafa lært seinustu ár svo við getum verið metin eftir frammistöðu okkur inní framhaldsskóla. Neinei….svo kemur þetta próf, fullt af þrautum og skringilega uppsettum dæmum/jöfnum sem ekki á sér hliðstæðu í námsbókunum, AUÐVITAÐ brotnum við niður !! Ok, mín saga er þannig að ég hef hingað til bara staðið mig mjög vel í stærðfræði, held ég hafi ekki farið niður fyrir 8 í neinu stærðfræðiprófi svo ég muni eftir, og athugið að ég er í einum besta skóla landsins sem alltaf kemur vel útúr samræmdu prófunum sem öðru. Ég kann námsefnið ágætlega og hef bara nokkuð mjög góðan skilning á þessu öllu saman, og fór yfir bækurnar allt frá því í 8.bekk fyrir prófið í dag. Ég hafði svosem ekkert rosalega miklar áhyggjur af þessu prófi, þar sem ég hef gert mörg próf frá seinustu árunum bæði í skólanum og heima-og það hefur ekkert verið neitt ofsalegt mál.. neinei í morgun, strax á reiknivélalausa hlutanum hálfpartinn brotnaði ég niður, þegar ég sá að ég skildi ekki NOKKUR dæmanna þarna (ekki eitt, nokkur!) Á REIKNIVÉLALAUSA hlutanum-sem áður hefur verið dæmi eins og 789-436 og álíka….auðvitað aðeins flóknari dæmi líka en EKKERT í samanburði við þetta sem kom þarna. Ætli ég hafi ekki verið um 45 mín að pæla í þessum hluta, og þá var ég samt ekki búin að átta mig á seinustu 3 dæmunum, og hálfpartinn giskaði á svörin þar. Ég var seinust af öllum að skila þessum hluta, og ég veit fyrir víst að ég kann þetta ekkert verr en hinir, langt því frá, svo það er augljóst að margir hafa skilað þeim hluta hálfóreiknuðum… þá kom seinni hlutinn og gekk svona ágætlega, þó það væru fullt af erfiðum dæmum sem ég er alls ekki viss um að ég hafi gert rétt. Það kom mér mjög svo á óvart öll þessi “þrautadæmi”, yfirleitt hefur verið sirka eitt svona dæmi á samræmdu, en núna…þetta voru dæmi sem maður þurfti að pæla verulega í ef maður ætti að fatta, og þá átti maður eftir að reikna slatta út til að komast að svarinu…jæja svo las maður svarmöguleikana, voru ekki 4 möguleikar-allt í lagi með það- en svo kom FIMMTI möguleikinn !! “ekkert af þessu rétt” ! HVAÐ MEINIÐI !!!!!!!??!?! Vitiði hvað þetta truflar mikið ? Nei, það geriði víst ekki…en það truflar ótrúlega mikið að hafa þennan svarmöguleika ! Maður fer að efast um að maður hafi verið að gera rétt og hvort einhver af efri svarmöguleikunum standist á annað borð. Ég sjálf fann alveg þvílíkt vonleysi strax í fyrri hlutanum og varð nú bara hrædd um að falla ! Hvað þá leið mér illa fyrir hönd vina minna, sem að margir hverjir voru í fallhættu og ég veit (eða geri fastlega ráð fyrir, því miður) að falli :( :( Þetta finnst mér rosalega leiðinlegt, ég veit um óteljandi krakka sem eru búnir að vera að fara í aukatíma og liggja yfir bókunum til að reyna að troða stærðfræðinni, sem það kannski hefur ekki lagt alveg nógu mikla rækt við seinustu ár, inní hausinn á sér…þetta fólk fellur. Hvernig haldiði að þeim líði ?? Þau hefðu alveg eins getað sparað sér ómakið fyrir þetta próf, þetta var ekki úr námsefninu. Því miður. Ég get líka sagt ykkur það að ég hef minna sjálfstraust í dag en í gær ! Ég er ENNÞÁ með aukahjartabank þarna inní einhversstaðar, prófið var í morgun…! Ég er búin að hugsa um þetta í allan dag, og að núna kannski nái ég ekki einu sinni að komast inní þann EINA skóla sem mig langar í, og nú líður mér líka þvílíkt illa því ég veit bara ekkert við hverju ég á að búast þar (já ef ég kemst inn þ.e.a.s.!) Eftir þetta próf finnst mér ég vera bara vitlaus, sein að fatta og hægvirk..og löt þar sem ég ásaka sjálfa mig að hafa ekki lært nógu mikið. Þetta er ekki rétt veit ég innst inni…en samt :( Það er ömurlegt að líða svona og gvuð minn góður….ef bara ég væri sú eina !
Fólk,(mér þætti líka vænt um að þið frá Námsmatsstofnun kölluðuð okkur eitthvað annað en “krakka” þegar þið ávarpið okkur hér á síðunni…! Við erum kannski ennþá börn, en við erum ekki KRAKKAR á leikskóla.)
3klukkutímar er LANGT því frá nægur tími til að leysa þetta próf sem var lagt fyrir okkur í dag, og prófið var bara ekki sanngjarnt.
Eftir þetta allt saman sjá auðvitað þeir sem sömdu prófið og Námssmatsstofnun að sjá að þetta var ekki réttmætt próf, og hljótið þið að vera í rosalegri klemmu…en 3000 og eitthvað krakkar sem líður illa og framtíðin er í húfi er SLATTI.