Ég geri mér fullkomlega ljóst að það munu verða árekstrar á meðan að heimurinn trúir ekki á það sama, en að slátra heilu þjóðunum afþví að það trúir á annað en við ? nei takk… afhverju þurfum við að fara niður á þeirra level og segja að allir muzlimar séu þá réttdræpir, vilt þú ekki á meðan að ég les kóranin lesa smá í bíblíunni, fyrst þú ert svona kristin !! meira að segja biskup íslands biður fólk um að sýna stillingu, og fara varlega í að fordæma heilu þjóðirnar eða trúarbrögð.

Ég sagði aldrei að þessir menn sem fyrirskipuðu og stóðu að þessum skelfilega atburði eigi ekki að dæma, jafnvel drepa. Förum bara varlega í að kalla alla muzlima réttdræpa og vond fólk og gerum okkur grein fyrir að þetta fólk lifir við allt önnur trúarbrögð, menningu og lífskjör heldur en við.

Drusla, svar þitt gefur vitni um stórkostlega vanþekkingu á málinu og því legg ég til að þú hafir þig hæga.
Þú biður um rök, gott og vel.
Þetta svar er því í lengra lagi en vel þess virði að lesa.

“REYND ÞÚ AÐ VERA RAUNSÆ, ÞETTA ”FÓLK“ Í AFGHANISTAN ER ORSÖK VERÐANDI STRÍÐA OG ÞVÍ ÆTTUM VIÐ AÐ EYÐA ÞEIM!!!”
-Þetta “fólk” er ekki orsök vandans. Orsök vandans er barátta um land, völd, hugsjónir, olíu og trú.
Þarna spila Bandaríkjamenn stóran þátt.

“VIÐ GETUM EKKI ÁTT HÆTTU Á STRÍÐI ÞVÍ ÞÁ EYÐIST ÖLL JÖRÐIN=BETRA ÞAU EN VIÐ ÖLL!!!”
-Þó að stíð mundi brjótast út, og jafnvel þótt það kæmi heimsstyrjöld, þá þýðir það ekki að öll jörðin eyðist.
Hugsanlega er einhver í Mið-Austurlöndum að hugsa að best væri að eyða NATÓ ríkjunum til að koma í veg fyrir stríð. Að hverju átt þú að ráða en ekki hann?

“ÞAÐ LAND SEM FELUR HRYÐJUVERKAMANN Á SÉR EKKI TILVERU RÉTT”
-Albanía er búin að lýsa því yfir að komi fram sannanir um að Bin Ladin hafi skipulagt þetta, þá munu þeir framselja hann.
Í Afganistan eru talíbanar við völd. Það er nokkuð víst að þeir hafa ekki meirihluta stuðning.
Þeir troða á réttindum kvenna og túlka Kóranin á sinn hátt. Það er alveg ljóst að gjörðir þeirra endurspegla ekki vilja þjóðarinnar.

“OG ÞAÐ ER EKKI OKKUR OG BANDARÍKJUNUM AÐ KENNA AÐ ÞETTA FÓLK ER AUMINGJAR SEM HAFA FLESTA ROSA ROSA FÁTÆKA OG AÐRA (HRYÐJUVERKAMENN) MOLD RÍKA.”
-Jú að hluta. Vestrænar þjóðir hafa margar hagnast á vanþróuðum og fátækum þjóðum. Svo voru það Bandaríkjamenn sem styrktu og þjálfuðu Bin Laden.

“WAKE UP”
-Ég er vakandi.

“Verum raunsæ, ekki vond, meðan ólíkir hópar með ólík trúarbrögð eru til verða árekstrar.”
-Hvað eigum við að gera, neyða alla til að taka kristni. Meðan maðurinn getur hugsað sjálfstætt þá verða til ólík trúarbrögð. Því væri betra að reyna að læra að bera virðingu fyrir trú annara frekar en að vilja drepa það.

“í augum muzlima, lestu bara kóraninn, er kristið fólk heiðingjar og því réttdræpt. Hvað getum við gert þegar þau byrja að ráðast á okkur?”
-Hvernig væri að þú rifjir upp hvernig þú eigir að myrða þá sem voga sér að segja þér frá öðrum trúarbrögðum. (Þú kannski veist það fyrst þú ert svona áköf í að myrða heilu þjóðirnar.)
Og ef þú ætlar að segja að það sé bara í Gamla testamentinu þá ættir þú kannski að rifja upp svolítið úr því nýja:
38:Þér hafið heyrt, að sagt var: ,Auga fyrir auga og tönn fyrir tönn.`
39:En ég segi yður: Rísið ekki gegn þeim, sem gerir yður mein. Nei, slái einhver þig á hægri kinn, þá bjóð honum einnig hina.
40:Og vilji einhver þreyta lög við þig og hafa af þér kyrtil þinn, gef honum eftir yfirhöfnina líka.
41:Og neyði einhver þig með sér eina mílu, þá far með honum tvær.
42:Gef þeim, sem biður þig, og snú ekki baki við þeim, sem vill fá lán hjá þér.


“( þegar ég segi okkur á ég við hundinn( USA) sem við erum lýs á)”
-Það er aldeilis álit sem þú hefur á okkur.

“Við verðum að bjarga okkur, það erum við eða þau!!!”
-Af hverju frekar við en þau? Hver gaf þér valdið til þess að velja?

“Ekki hefnd heldur hringrásin við veiðum okkur til matar og beitum sjálfsvörn sé okkur ógnað = VERTU RAUNSÆ”
-Þú getur ekki drepið heila þjóð bara í sjálfsvörn.
Ástæðan fyrir því að ég fordæmi árásina á WTC er að þar var verið að ráðast á saklausa borgara. ÞÚ ERT EKKERT BETRI!

“Þú ert, kannski því miður fyrir okkur, sennilega kristin og því réttdræp hjá þeim eins og við svo þú skalt hugsa sem ein af okkur.”
-Það fer bara eftir því hvað þú túlkar Kóraninn strangt. Alveg eins og Biblíuna. Hverjir voru það sem stóðu fyrir galdrabrennum og með hvaða rökum?

“Eins hræðilegt og það kann að virðast er oft betra að drepa sært dýr til að bjarga því frá kvölum heldur en að bjóða því upp á hálft líf= hundar með hundaæði eru drepnir”
-Ég mundi nú halda að Bandaríkjamenn væru núna sært dýr.

“= hryðjuverkamenn og þeir sem aðhyllast aðgerðir þeirra ættu að vera drepnir”
-Ég heyri ekki betur en þú aðhyllist ein mestu hryðjuverk sögunnar, að útrýma heilli þjóð. Má túlka þetta sem dauðaósk?

“Ég skammast mín ekkert”
-Sumir tala af reynslu.
Aðrir, af reynslu, tala ekki.

Ég vona að þessi rök dugi.

Kveðja,
Ingólfur Harri

sputnik: Þessi grein er ekki svara verð. Ég geri ráð fyrir að þú sért illa upplýstur unglingur sem finnur allt í einu fyrir öryggisleysi í þínum annars takmarkaða heimi.
Þetta fólk í Palestínu var bara fámennur hópur sem fagnaði um leið og þau heyrðu fréttirnar. Umfang atburðarins var ekki ljóst á þessum tíma og fólk var ekki búið að melta það sem gerðist. Meirihluti Palestínumanna var hins vegar sleginn yfir þessu og eflaust hefur þetta fólk sem fagnaði líka áttað sig á umfangi og áhrifum atburðarins síðar.

druzla: Hefur þú lesið Kóraninn? Ég efast um að þú ráðir við það, en ég bendi þér og öllum á að lesa Beginner's Guide To Islam sem er til á Borgarbókasafninu. Kristnir eru EKKI réttdræpir hjá múslimum. Reyndar hefur tíðkast í hundruðir ára gott samlíf milli múslima, kristinna og gyðinga, enda trúa þessir hópar á sama guðinn. Múslimir hafa getað aðlagað sig að breyttum aðstæðum og dreifst út um allan heim án þess að skipta sér af lifnaðarháttum nágranna sinna (það er frekar á hinn veginn). Í Islam eru allir jafnir fyrir guði, hvort sem þeir eru hvítir, svartir eða gulir, og hafa því margir múslimar barist gegn kynþáttahatri (nægir að nefna Malcolm X). Gyðingar líta á sig sem útvalda þjóð, og það voru kristnir sem fundu upp orðið heiðingjar (pagan) um alla sem eru ekki kristnir (fóru m.a. í krossferðir og rændu, nauðguðu og drápu alla sem voru ekki kristnir). Málið er, að múslimar hafa orðið að þola þvílíkan yfirgang vestrænna þjóða á þessari öld að margir, aðallega ofsatrúarmenn, hafa nú lýst yfir heilögu stríði gegn þessum löndum. Nú er um að gera að svara ekki í sömu mynt og þessir ofsamenn, reyna að leysa langtímavanda í samskiptum Mið-Austurlanda og Vesturlanda í stað þess að kasta honum á frest með ofbeldisverkum.
Og krakkar: ekki alhæfa, skoðanir ofsatrúarmanna eiga ekki við um heilar þjóðir eða trúarhópa. Að lýsa slíku yfir er eins og að segja að allir kristnir hati samkynhneigða eins og Gunnar í Krossinum, eða að allir kristnir séu kynþáttahatarar eins Ku Klux Klan.