Bandaríkjamenn hafa reyndar eitthvað frítt heilbrigðiskerfi en það er bara fyrir gamalt fólk og þá sem eru allra fátækastir. Hinir verða að kaupa sér tryggingu eða borga í sjúkrasamlag.

Ef þú ert með tryggingu áttu á hættu að læknar sendi þig í dýrar ónauðsynlegar rannsóknir og jafnvel aðgerðir og haldi þér inni á spítala sem lengst vegna þess að tryggingin borgar hvort sem. Ef þú ert með sjúkrasamlag áttu á hættu að læknirinn sem sjúkrasamlagið er með í vinnu sendi þig ekki í dýrar rannsóknir þó þær séu nauðsynlegar vegna þess að hann fær bónusa eftir því hvað hann getur sparað mikið. Jafnvel þó læknirinn vilji síðan senda þig í rannsóknir getur sjúkrasamlagið neitað ef þeim finnst ekki þörf á því.

Hins vegar er kannski munur á að hafa heilbrigðiskerfi sem borgar allt upp í topp eins og er í Danmörku og þú þarft ekki einu sinni að borga fyrir lækni. Alls konar ímyndunarveikt fólk með ekkert alvarlegra en smá kvef getur mætt til læknisins og fengið fulla þjónustu og allt niðurgreitt. Það er náttúrulega rugl líka.

Mér finnst best að hafa þetta svona einhvers staðar á milli eins og er hér. Að vísu held ég að þessir sjúklingar fái of mikið að éta. Mamma var í aðgerð um daginn og hún er mikill mathákur en það var borið svo mikið í hana að hún gat aldrei klárað. Það er líka annað, ef þú ert á spítala færðu frítt að éta en ef þú værir heima hjá þér myndirðu þurfa að kaupa mat þannig að fólk er í rauninni að spara með því að vera á spítala.

Ertu viss um það kæri vinur að þú fengir þá þjónustu sem þú telur þig hafa nú þegar greitt fyrir ef þú lendir í því að fótbrotna og þarft að lifa af sjúkradagpeningum vegna vinnumissis, sem og að borga komugjöld hvarvetna fyrir myndatöku, sjúkrabílaakstur og endurkomu á slysadeild til þess að saga af gifsið ?