Tzipporah fyrir 23 árum, 5 mánuðum Fjöldi lestra: 536

Fóstureyðingar

Ég var að skoða heimasíðu Alþingis áðan og rakst á svolítið í lögunum sem ég var hissa á að sjá:

216. gr. Kvenmaður, sem deyðir fóstur sitt, skal sæta …1) fangelsi allt að 2 árum. Ef sérstaklega ríkar málsbætur eru fyrir hendi, má ákveða, að refsing falli niður. Mál skal ekki höfða, ef 2 ár eru liðin frá því að brot var framið. Ónothæf tilraun er refsilaus.
Hver, sem með samþykki móður deyðir fóstur hennar eða ljær henni lið sitt til fóstureyðingar, skal sæta fangelsi allt að 4 árum. Sé um mikla sök að ræða, einkum ef verknaðurinn er framinn í ávinningsskyni eða hann hefur haft í för með sér dauða eða stórfellt heilsutjón móður, skal beita allt að 8 ára fangelsi. Hafi verkið verið framið án samþykkis móður, skal refsing vera fangelsi ekki skemur en 2 ár og allt að 12 árum.
1)L. 82/1998, 109. gr.

Vissuð þið þetta? Stangast þetta ekki svolítið á við það að fóstureyðingar eru leyfðar hér á landi?

lhg fyrir 23 árum, 5 mánuðum

Þetta miðast bara við fóstureyðingar án leyfis stjórnvalda, ekki satt? Stjórnvöld vilja ekki að konur séu að gera þetta sjálfar heima eða með aðstoð vina og kunningja. Þau vilja fá að ráða því í hvaða tilfellum fóstureyðingar eru leyfilegar. Í dag er frekar auðvelt að fá þær vegna “félagslegra aðstæðna” ákvæðisins en það er alls ekki víst að það verði alltaf hægt. Það getur vel verið að þeim lögum verði breytt einhvern tímann og það verði hreinlega sagt við konur “Nei, þú færð ekki fóstureyðingu”. Þá koma þessi lög inn ef hún reynir að gera það sjálf eða fá einhvern til að gera það við sig eins og þær gerðu í gamla daga áður en fóstureyðingar urðu löglegar.

Fyrra álit

daxes fyrir 23 árum, 5 mánuðum

Það þarf ekki einu sinni að breyta lögum, bara að túlka “félagslegar aðstæður” öðruvísi….

kv.
DaXes

Fyrra álit

Nala fyrir 23 árum, 5 mánuðum

Æi er þetta ekki bara ein af þessum gleymdu lögum, rétt eins og Tyrkir voru réttdræpir hér til ársins ´98 !!! Annars veit ég ekki, en þú ættir að kanna það ….

Fyrra álit

lhg fyrir 23 árum, 5 mánuðum

Eins og stendur fyrir neðan lögin hefur einhverju verið breytt í þeim 1998 þannig að þau eru ekki gleymd.

Fyrra álit

lhg fyrir 23 árum, 5 mánuðum

Hér eru annars “félagslegu ástæðurnar” úr fóstureyðingarlögunum (1975 nr.25 22.maí):

9. gr. Fóstureyðing er heimil:
1. Félagslegar ástæður: Þegar ætla má, að þungun og tilkoma barns verði konunni og hennar nánustu of erfið vegna óviðráðanlegra félagslegra ástæðna. Við slíkar aðstæður skal tekið tillit til eftirfarandi:
a. Hafi konan alið mörg börn með stuttu millibili og skammt er liðið frá síðasta barnsburði.
b. Eigi konan við að búa bágar heimilisástæður vegna ómegðar eða alvarlegs heilsuleysis annarra á heimilinu.
c. Þegar konan getur ekki vegna æsku og þroskaleysis annast barnið á fullnægjandi hátt.
d. Annarra ástæðna, séu þær fyllilega sambærilegar við ofangreindar aðstæður.
2. Læknisfræðilegar ástæður:
a. Þegar ætla má, að heilsu konu, líkamlegri eða andlegri, sé hætta búin af áframhaldandi meðgöngu og fæðingu.
b. Þegar ætla má, að barn, sem kona gengur með, eigi á hættu að fæðast vanskapað eða haldið alvarlegum sjúkdómi vegna erfða eða sköddunar í fósturlífi.
c. Þegar sjúkdómur, líkamlegur eða geðrænn, dregur alvarlega úr getu konu eða manns til að annast og ala upp barn.
3. Ef konu hefur verið nauðgað eða hún orðið þunguð sem afleiðing af öðru refsiverðu atferli.

Fyrra álit

[Notanda eytt] fyrir 23 árum, 5 mánuðum

er þetta ekki frjálst land. það var það allavega síðast þegar ég vissi. fólk á bara að ráða þessu sjálft!

Fyrra álit

Tzipporah fyrir 23 árum, 5 mánuðum

Ef að öllum er frjálst að gera þetta þá verður þetta bara notað í stað getnaðarvarna, það er ekki nógu sniðugt. Fóstureyðingu má framkvæma alveg fram í 12 viku og þá er fóstrið búið að þroska taugakerfið sitt, öll líffæri eru komin (þó ekki fullþroskuð)og það sem meira er barnið finnur til þegar því er eytt. Þetta er ekkert gert á neinn manneskjulegan og sársaukalausan hátt, fóstrið er klippt í sundur og bútarnir svo teknir út.

Það á ekki að nota þetta í stað getnaðarvarna. Ef fólk telur sig nógu þroskað til að stunda kynlíf verður það að geta tekið afleiðingunum.

Fyrra álit

lhg fyrir 23 árum, 5 mánuðum

Og ef við höfum þetta ekki frjálst þá lendum við bara í því að börn eru að alast upp hjá fólki sem vildi þau ekki og er það eitthvað betra? Eða þá að við fáum aftur ólöglegar fóstureyðingar og stelpan þarf að fara til einhverrar kerlingar sem gerir þetta með vírherðatré og borga henni 50 þús. kall fyrir. Er það eitthvað betra?

Fyrra álit

Tzipporah fyrir 23 árum, 5 mánuðum

Eða þá að hún getur tekið afleiðingunum, gengið með barnið og gefið það svo til ættleiðingar. Það er fullt af yndislegu fólki sem yrðu mjög góðir foreldrar en geta ekki átt börn.

Fyrra álit

lhg fyrir 23 árum, 5 mánuðum

Og hver lætur bjóða sér það í dag að ganga með barn í 9 mánuði og gefa það svo? Þessar stelpur sem lenda í að verða óléttar eiga sem sagt bara að “taka afleiðingunum” og verða einhverjar barnamaskínur fyrir fólk sem getur ekki átt börn?

Fyrra álit

[Notanda eytt] fyrir 23 árum, 5 mánuðum

þær eiga einfaldlega að leita sér ráðgjafar í getnaðarvörnum

Fyrra álit

lhg fyrir 23 árum, 5 mánuðum

Það er nú of seint að leita sér ráðgjafar í getnaðarvörnum þegar stelpan er orðin ófrísk. Annars er heldur engin getnaðarvörn 100% örugg. Pillan er nokkuð nálægt því en samt ekki alveg. Það geta alltaf orðið slys. Meira að segja er ekki 100% öruggt að láta taka sig úr sambandi.

Fyrra álit

Mulan fyrir 23 árum, 5 mánuðum

Konur eða stelpur með eðlilega geðheilsu nota ekki fóstureyðingar sem getnaðarvörn því þetta tekur mjög á andlega. hins vegar finnst mér að setja ætti stopp á konu sem er að koma í 3-4 skipti og neita henni um eða bara hreinlega skipa henni að láta taka sig úr sambandi. það getur alltaf gerst alveg óvart að verða ólétt eins og var sagt áðan að engin getnaðarvörn er alveg örugg. að gefa barnið sitt er miklu meira en að segja það, búin að ganga með það, finna fyrir því sparka og þess háttar, og umfram allt fæða það, heyra í því og sjá það, og gefa það svo bara frá sér! þá held ég nú að ég myndi frekar velja fóstureyðinguna´….! svo kannski hættir manneskjan við ættleiðinguna þegar barnið er fætt en verður í staðinn alveg ómöguleg móðir!

Fyrra álit

Apostle fyrir 22 árum, 7 mánuðum

lhq : Nákvæmlega, það er einmitt það sem þær eiga að gera gefa einhverjum öðrum tækifæri til að ala barnið upp og í leiðinni gefa barninu tækifæri á því að takast á við lífið.

Fyrra álit

PiCatChyou fyrir 23 árum, 5 mánuðum

Ég persónulega er ekki hrifin af fóstureyðingum en ef fólk er statt í einhverjum af þessum aðstæðum sem tilgreindar eru í þessum lögum þá ætla ég ekki dæma það en mér finnst að konur sem nota fóstureyðingar sem getnaðarvarnir og ég hef heyrt um að sama konan hafi kannski farið
2-3 sinnum í fóstureyðingu ætti nú kannski bara einfaldlega að láta taka sig úr sambandi ef hún er ekki tilbúinn til að takast á við afleiðingar þess að vera óábyrgur í kynlífi.

——————————

Fyrra álit

blimp fyrir 23 árum, 5 mánuðum

Samála ,það er alt of margar sem mísnota þessa lausn.Ef maður er nógu abýrgur til að stunda
kýnlif þá á maður að geta tekið afleiðingunum!
eg gæti aldrei gert þetta …..

Fyrra álit

[Notanda eytt] fyrir 23 árum, 5 mánuðum

Mér finnst ekki rétt að einhver þurfi að sæta fangelsi fyrir að fara í fóstureyðingu vegna þess að fóst er jú lifandi en það er ekki einstæklingur því að ef að móðirin væri ekki til staðar gæti fóstrið ekki lifað!!!!

Fyrra álit

hulda fyrir 23 árum, 5 mánuðum

jah sveimér þá

Fyrra álit

[Notanda eytt] fyrir 22 árum, 7 mánuðum

ja detti nú af mér allar dauðar lýs!

:)

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Fóstureyðingar

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi