Zaluki fyrir 23 árum, 3 mánuðum Fjöldi lestra: 307

Nýr bróðir

Halló sérfræðingarnir mínir =)
Ég er með smá áhyggjur af 3 ára dóttir minni.
Þannig liggur í málinu að ég er að fara að eignast barn í mars, og ég er dauðhrædd um að hún eigi eftir að taka því eitthvað illa.
Hún er nefnilega mjög eigingjörn á mig :(
T.d. þarf ég að svæfa hana í hvert einasta skipti sem hún fer að sofa, pabbi hennar má það ekki, og ef ég geri það ekki þá bara hreinlega sofnar hún ekki! (smá pirrandi)
Og eins líka þá eltir hún mig út um alla íbúð, það liggur við að ég þurfi að henda henni með valdi útaf baðherberginu ef ég vil fá að pissa í friði! :)
Ég er náttúrulega að reyna smátt og smátt að segja henni að litli bróðir eigi eftir að þurfa á mér að halda líka .. en þið vitið hvernig þetta er.
Vitið þið um einhver ráð til að “undirbúa” hana fyrir þetta ?
Mér nefnilega þætti hræðilegt ef að henni fyndist ég vera að eyða meiri tíma með nýja barninu eða að “afneita” henni á einhvern hátt :(

Takk fyrir
Zallý

———————————————–

hulda fyrir 23 árum, 3 mánuðum

jah ég veit nú ekki..
ég myndi allavega byrja á að reyna að minka það hvað hún er háð þér.. Það er ekkert voða sniðugt :/

En frændi minn var sona líka einkabarn, auðvitað dekraður og svona.. og svo eignaðist hann lítinn bróður og við héldum að hann yrði ofboðslega afprýðisamur og svona.. en hann elskar bróðir sinn alveg útaf lífinu.. er alltaf að knúsa hann og kyssa (þeir eru 2 og hálfs og 7 mánaða) Þannig það er aldrei að vita hvað hún gerir..
Vonum bara það besta. Gangi ykkur vel :)

Fyrra álit

ollana fyrir 23 árum, 3 mánuðum

Smá reynsla hérna. Mín dóttir var 3 ára þegar hún fékk lítinn bróðir. Það sem mér var bent á og ég reyndi eftir bestu getu að fara eftir var að hafa hana með í öllu sem hægt var.Hún hjálpaði til við að baða, skipta á, setti hann á brjóst og bara nefndu það. En að vísu var hún á leikskóla hálfan daginn svo þá fékk ég frið smástund. Ertu alltaf heima á kvöldin? Það gengur yfirleitt vel hér ef ég er ekki heima en ekkert ef ég er heima og einhver annar en ég reynir að svæfa hann.Ég held ég væri að kafna ef mín börn væru svona eigingjörn á mig. En þetta hlýtur að vera rosalega erfitt fyrir hana að geta ekki séð af þér. Veistu einhverja skýringu á því af hverju hún er svona? Ertu kannski búin að vera alltof of mikið með hana ein? Mér var bent á það að byrja fljótlega að skilja þau eftir smástund á einhverjum stað sem þeim líður vel. Og það hefur gengið mjög vel. Strákurinn er orðinn 2 1/2 núna og hann kveður mig brosandi með kossi ef ég þarf að fara á fund á kvöldin og það geri ég að meðaltali einu sinni í viku.Gangi þér vel. ollana

Fyrra álit

Krusindull fyrir 23 árum, 3 mánuðum

Til hamingju með barnið sem í vændum er.
Það er eðlilegt að börn finni fyrir afbryðisemi en það sem að þú getur gert er að leyfa henni að hjálpa þér og vertu dugleg að segja henni að hún sé stóra systir og að hún sé mjög dugleg við að hjálpa þér og að þú sért þakklát þó svo að hún geri ekkert annað en að tefja fyrir þér. Þau bara verða að fá að taka þátt annars fer allt í kerfi. Þú verður að fara meira út og leyfa þeim feðginunum að tengjast betur og það er erfitt ef þú ert alltaf við hendina. Það er góð leið að venja hana á það að fara að sofa hjá öðrum en bara þér því þú munt þurfa á þinni hvíld að halda.
Þegar að annað barn kemur í heiminn þarf að gæta þess að feðurnir taki meiri þátt í lífi eldra barnsins og fari jafnvel með það einn út t.d í gönguferðir eða bara hvað sem er. Ég get vel trúað því að þetta verði ekki auðvelt annars.
Ég hef heyrt að til séu bækur sem að fræða börn um það þegar að lítið barn fæðist í heiminn og hvert hlutverk eldra barnsins verði en ég veit ekkert hvað er rétt í því. Sjálf hef ég ekki reynsluna en séð nokkra ganga í gengum þetta.
Gangi þér vel.
Krusindull

Fyrra álit

HJARTA fyrir 23 árum, 3 mánuðum

Dóttir mín var 2ja ára þegar hún fékk systur og það var alltaf passað upp á það þegar verið var að koma að skoða nýja barnið að fólkið kom með lítinn pakka handa þeirri eldri líka. Einnig var það þannig að fólkið byrjaði á því að tala við þessa eldri þegar það kom, ég og kærastinn minn vorum bara búin að biðja fólk um þetta. Ef það ætlaði að koma með pakka fyrir nýja barnið að koma kannski með innpakkaðan sleikjó eða eitthvað. Við vorum líka með þá reglu að þegar pabbinn kom heim að þá byrjaði hann á því að leika við eldra barnið þótt að það væri spennandi að koma og sjá nýja barnið. Svo gerðum við það líka að þegar hann kom heim þá tók hann við litla barninu og ég knúsaði það eldra. Þegar ég var að gefa yngri brjóst þá reyndi ég að horfa sem mest á þá eldri svo að hún sæi það að ég sýndi henni athygli. Maður verður samt að passa sig á því að vera ekki að segja rosalega ert þú stór, þá fær eldra barnið þá flugu í hausin að það sé einhver sem er búin að taka hennar sæti, hún verður núna að vera stór af því að það er komið nýtt barn. Ég las það í barnasálfræðibók hvernig þessi afrbrýðissemi er, maður var látin hugsa þetta þannig að kærastinn mans kæmi allt í einu heim með aðra konu, og hann sýndi henni meiri athygli og væntumþykju en manni sjálfum, þetta er það sama og barnið er að upplifa. Maður verður líka að passa sig á að leyfa stóra barninu líka að vera lítið. Mér fannst erfiðara þegar ég átti þriðju stelpuna af því að þá var mið stelpan bara ný orðin 1 árs og það var ekki hægt að útskýra neitt fyrir henni, það kom bara allt í einu nýtt barn á heimilið, en ég passaði mig á því að sína henni mikla athygli og skamma nýja barnið þegar það var farið að geta hreyft hendurnar og rekst óvart í mann, þá sá hún að hún er ekki bara skömmuð, og þetta er allt í lagi af því að nýja barnið skilur ekki orð af því sem maður er að segja en því eldra líður betur fyrir vikið.
Kveðja
HJARTA

Kveðja

Fyrra álit

geggi fyrir 23 árum, 3 mánuðum

fyrst þú ert búin að fræða hana um það að hún sé að eignast nýtt systkyni þá er kanski ekki mikið hægt að gera núna. En þegar nýja barnið kemur í heiminn þá verður þú að passa vel upp á að hún sé líka með í þessu. Ég er ekki hrifin með þetta pakkaflóð til þeirra eldri. Börn taka þessu mjög mismunandi þannig að eihvað eitt virkar ekki á alla. Það sem ég hef heyrt að virki best er að þú látir dóttir þína hjálpa þér með nýja barnið því þá er hún ávalt með og er ekki skilin útundan. Sum börn hafa tekið það til ráðs að þegar gestir koma þá sýna þau ávalt nýja barnið því þá fá þau athygli því þau eru að sýna barnið.

Fyrra álit

HJARTA fyrir 23 árum, 3 mánuðum

Ég er ekki alveg sammála geggja, sú eldri verður náttúrulega að vera með í öllu sem er gert en af hverju á hún þá ekki að vera með í pökkunum? Hún verður abbó þegar hún sér að litla barnið er alltaf að fá pakka en ekki hún, það hafa margir notað þessa aðferð, tengdó gerði þetta líka og það virkaði vel hjá henni, en þetta virkar ekki ef hún fær bara pakka en er ekki með í daglega amstrinu. Pældu í því sjálfur, ef þú ættir systkyni, finnidst þér ekki leiðinlegt ef eitt af þínum systkynum væri alltaf að fá pakka en ekki þú. Það þarf ekki að vera mikið sem hver og einn gefur bara til þess að hún verði með :)
Kveðja
HJARTA

Kveðja

Fyrra álit

Krusindull fyrir 23 árum, 3 mánuðum

Ég verð nú samt að vera sammála Gegga því að það sé óþarfi að gefa eldri systkinum pakka líka.
Mér fyndist líka dónalegt að fara að heimta að fólk fari að gefa eldra barninu líka eitthvað, fólk gæti farið að líta á þetta sem eitthvert peningaplokk. Fólk verður bara að ráða því sjálft hvort það vill gefa eldra barninu. Foreldrarnir verða bara að skyra þetta út fyrir barninu. Ein sem að ég þekkti hún tók sig til og syndi syni sínum hvað hann hefði fengið þegar hann fæddist og honum fannst þetta allt svo flott og fékk að hafa þetta svona til að skoða um tíma og hann gleymdi alveg öllu þvi sem að systir hans fékk. Börn eru ekki heimsk og það er alveg hægt að útskýra hluti fyrir þeim.
Krusindull

Fyrra álit

[Notanda eytt] fyrir 23 árum, 3 mánuðum

Ég eignaðist mitt 3. barn fyrir 4.mán. síðan og þá var yngri dóttir mín 3. ára. Ég hef aldrei orðið vör við afbrýðissemi. Hún á Baby born dúkku sem hún gefur pela og “brjóst” um leið og ég sinni drengnum, hún setur hana út að sofa um leið og hann fer út, og gefur dúkkunni graut um leið og ég gef honum graut. Eins las ég stundum fyrir hana þegar ég gaf brjóst. Núna þá skammar hún mig ef ég er ekki nógu snögg til hans ef hann fer að gráta og hún fær að passa meðan ég elda. Þetta er kannski bara einstaklingsbundið en þetta hefur virkað í bæði skiptin hjá mér. Þú skalt reyna að venja hana á að sofna ein áður en barnið fæðist því þú hefur ekki tíma til þess eftir fæðingu og eins gæti hún brugðist illa við því. Mundu að hún gerir nákvæmlega það sem hún kemst upp með.
Þetta með pakkamálið; Leyfðu henni að opna pakkana, oft er nóg að fá bara að opna þá eru þau ánægð.
Með bestu kveðju og von um gott gengi, og ég vona að þú hafir eitthvað gagn af þessu.
gosh.

Fyrra álit

Krusindull fyrir 23 árum, 3 mánuðum

Gosh
Til hamingju með barnið.
þetta var fallegt að lesa.
Krusindull

Fyrra álit

pug fyrir 23 árum, 3 mánuðum

Já ég held að réttast væri fyrir þig að láta stelpuna taka bara eins mikið þátt í þessu og mögulegt er. Láta hana aðstoða þig. Ég er viss um að hún verði ánægð með það, þá er hún að fá athygli og líka litli strákurinn.

Gangi þér vel
Kveðja PUG ;)

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Nýr bróðir

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi