Saab 9-3 viggen í hlutföllunum 1:120 eða eitthvað

Maður þarf að vera smá klikkaður til að fá sér Caterham. Fólk sem finnst sniðugt að fara með þá út í snjó hlýtur að vera snarklikkað. Þannig fólk merkir ekki við gagnslausan búnað eins og blæju eða þak á aukahlutalistanum. Þannig fólk líkar mér vel við. Þetta átti að vera í jólaseríunni, en ég tileinka þetta íslendingum sem eru ekki haldnir ranghugmyndum um sportbíla, afturdrif og blæjur. Dömur og herrar: Caterham 7 SV, njótið vel, HO-HO-HO! :D

Jólasveinninn er ekki svo harður gaur, hann var dúðaður og það er miðstöð í Ferrari 355 Spider ;)

Vona að ég sé ekki að særa of marga með þessari mynd!
…sérstaklega ekki þig Mal3!
Acura (Honda) NSX í ljósum logum!

Hér er coupe/fastback útgáfa Mustang GT Concept 2005. Mun skemmtilegri hönnun en blæjubíllinn þrátt fyrir að maður sjái hvaðan hugmyndirnar koma. Gegnsætt þakið er eitthvað sem má vona að komist í framleiðslu, en afturljósin þyrftu að vera betur í takt við restina af bílnum. Mynd fengin af http://www.mustangworld.com/

Það er eins gott að vara sig á þessum skutbíl því hér leynist úlfur í sauðagæru. Í þennan BMW 540 er búið að setja supercharger og intercooler auk þess að setja M5 svuntu svo aflið er 437hö og togið 622Nm. Þetta skilar kvikindinu í 100kmh á 4.4sec og fyrir þá sem eiga beinskipta 540 og 12995$ aukalega þá er bara að slá til.

Þessi 22B lítur ekki út fyrir að vera mikið skemmdur en samt sem áður var viðgerðin metin á um 18.500 pund og lágmark 3 mánaða bið eftir varahlutum. Það er um það bil 1500 pundum minna en nýr WRX kostar út úr umboði í UK í dag. Bíllinn var borgaður út og er til sölu fyrir 18.750 pund fyrir áhugasama……

Svona fær maður sér einhver tíman :)

Skoda Octavia RS: “Skoda's fastest production car.” Engin stór orð vissulega en með VW 1,8T, 180bhp vél stendur hann við þau með prýði.

Nýr Renault Clio er væntanlegur í sumar, og innan línunnar er að finna endurbættan Clio 172, sem íslendingar fá vonandi að kynnast sem allra fyrst. Helstu breytingar í nýjum 172 eru nýtt útlit, 16“ felgur í stað gömlu 15”, togmeiri vél sem er enn 172 hestöfl, stífari fjöðrun og endurbætt grind, og meiri lúxus í innréttingu. Ég var aldrei neitt sérstaklega hrifinn af gamla útlitinu, og finnst það nýja skref uppávið. Hann er ekki eins mjúkur og sá gamli, og 16“ felgurnar fara betur en gömlu 15”. Nú er bara að þrýsta á B&L um að flytja þetta tryllitæki til landsins!

Orðrómur er um að væntanleg sé léttvigtar útgáfa af BMW M3. Bíllinn mun heita M3 ClubSport, og verður um 150kg léttari en hefðbundinn M3. Til þess að létta bílinn verður rafstilltu lúxussætunum skipt út fyrir kappakstursstóla úr trefjaplasti, og rafrúðurnar fá einnig að víkja ásamt öllum óþörfum tæknibúnaði. Vélin í ClubSport verður aðeins öflugri en í standard M3, eða 350 hestöfl. Ef orðrómurinn reynist réttur, þá mun bíllinn koma á markað síðar á þessu ári. Góðar fréttir fyrir harðkjarna akstursáhugamenn!