Ég veit því miður of lítið um þennan bíl en þetta er Volvo Safety Car Concept. Það sem að ég veit þó um hann er að útlitið fær hæstu einkun og ég mun fylgjast vel með verkum peter Horbury hönnuðar hans.

Svona getur farið með þessa yndislegu bíla…

Ford Focus bíll McRae eftir útafaksturinn í morgun. McRae tók fulla ábyrgð á þessu óhappi en hann sagðist hafa verið á fullri ferði í 5. gír og farið inn í hægri beygju þegar bíllinn lendir ofan í holu í vegkantinum sem olli því að Fordinn tókst á loft og fór amk 4 veltur í loftinu áður en hann kom aftur niður á jörðina. McRae og Grist sluppu lítið meiddir eftir flugferðina.

Mitsubishi Lancer Evolution VII

Bara að fá eitthvað skemmtilegt í staðinn fyrir þessa “eltingaleiks” mynd! :)

VW Golf MkI GTi, fyrsti GTi bíllinn og stendur ennþá fyrir sínu.

Bara til gamans, pikkaði þessa mynd af hinni stórkostlegu heimasíðu streetkiaz.com sem er áhángenda síða KIA eigenda!
Þeir stúta bílum í spyrnu, Ferrari, Porsche og þannig bílum;)

Þetta er bíll Tommy Makinen eftir rosalegan árekstur við vegrið í dag á Korsíku. Við áreksturinn kom upp eldur í bílnum sem valt á toppinn og rann áfram eftir veginum og stöðvaðist að lokum á snarbrattri klettabrún. Makinen komst út úr bílnum við illan leik meiddur í baki en aðstoðarökumaður hans sat fastur. Bíllinn stóð svo tæpt á klettabrúninni að menn lögðu ekki í að losa hann úr bílnum fyrr en búið var að binda bílinn fastan við annan bíl ofar á veginum og glittir í kaðalinn vinstra megin á myndinni. Eins og sést á myndinn er framendi bílsins að mestu leyti horfinn en Tommy og aðstoðarökumaður hans reyndust ómeiddir ef undan er skilin tognun í baki.

Ný Nissan Primera er á leiðinni. Nú má fá að líta nýja útlit Nissan en það er að minsta kosti hægt að segja að útlit Primera sé áhugavert ólíkt því sem áður hefur verið. Það verður gaman að sjá hvort hér er kominn bíll sem hefur burði til að takast á við það besta í geiranum.

Þetta er nýji Polo frá VW. Ætti þá að vera 2002 módel. Hann er ekki enn kominn til landsins en hlýtur að verða frumsýndur áður en árið er úti.

Petter Solberg hér á ferð í Rally New Zealand sem hófst í gærkvöldi. Vegna tímamismunar eru sérleiðirnar keyrðar að nóttu til að íslenskum tíma og því ættu úrslit að vera ljós á sunnudagsmorgun.