Þetta er bíll Tommy Makinen eftir rosalegan árekstur við vegrið í dag á Korsíku. Við áreksturinn kom upp eldur í bílnum sem valt á toppinn og rann áfram eftir veginum og stöðvaðist að lokum á snarbrattri klettabrún. Makinen komst út úr bílnum við illan leik meiddur í baki en aðstoðarökumaður hans sat fastur. Bíllinn stóð svo tæpt á klettabrúninni að menn lögðu ekki í að losa hann úr bílnum fyrr en búið var að binda bílinn fastan við annan bíl ofar á veginum og glittir í kaðalinn vinstra megin á myndinni. Eins og sést á myndinn er framendi bílsins að mestu leyti horfinn en Tommy og aðstoðarökumaður hans reyndust ómeiddir ef undan er skilin tognun í baki.

Ný Nissan Primera er á leiðinni. Nú má fá að líta nýja útlit Nissan en það er að minsta kosti hægt að segja að útlit Primera sé áhugavert ólíkt því sem áður hefur verið. Það verður gaman að sjá hvort hér er kominn bíll sem hefur burði til að takast á við það besta í geiranum.

Þetta er nýji Polo frá VW. Ætti þá að vera 2002 módel. Hann er ekki enn kominn til landsins en hlýtur að verða frumsýndur áður en árið er úti.

Lotus Elan í action. Þetta hafa verið einir frábærustu sportbílar allra tíma, sama hvernig á málin er litið. Sprint útfærslan kom með 1.6l twin cam vél sem skilaði 126 hö. Þar sem bíllinn var með plastyfirbyggingu og “steel backbone” undirvagni þurftu þessir hestar ekki að burðast með nema 719 kg. Sjálfstæð fjöðrun allan hringinn að sjálfsögðu. Þessir bílar eru enn liðtækir í Autocross. Mynd teki af Autozine.

Þessi 22B lítur ekki út fyrir að vera mikið skemmdur en samt sem áður var viðgerðin metin á um 18.500 pund og lágmark 3 mánaða bið eftir varahlutum. Það er um það bil 1500 pundum minna en nýr WRX kostar út úr umboði í UK í dag. Bíllinn var borgaður út og er til sölu fyrir 18.750 pund fyrir áhugasama……

Það er eins gott að vara sig á þessum skutbíl því hér leynist úlfur í sauðagæru. Í þennan BMW 540 er búið að setja supercharger og intercooler auk þess að setja M5 svuntu svo aflið er 437hö og togið 622Nm. Þetta skilar kvikindinu í 100kmh á 4.4sec og fyrir þá sem eiga beinskipta 540 og 12995$ aukalega þá er bara að slá til.

Ég bara var að fá þessa mynd og varð bara að pósta henni!
Þetta er bara svo dæmigert fyrir þá íslensku!
Ég klippti hana út úr stærri mynd þar sem sést að næstu tvö stæði við hliðiná eru auð!

Vona að ég sé ekki að særa of marga með þessari mynd!
…sérstaklega ekki þig Mal3!
Acura (Honda) NSX í ljósum logum!

Svona fær maður sér einhver tíman :)

Hvað er betra en gamli góði bíllinn sem að maður átti þegar að maður var að byrja “keyringaferilinn”. Þeir voru kannski ekki allir flottir, með mörg hundruðþúsundkróna græjur eða hraðskreyðir.

En þeir komu manni á milli staða(svona oftast) og það er það sem máli skiptir, er það ekki?