Upplifðu nýja tíma með Windows XP

Microsoft Windows XP á íslensku
Íslenska notendaviðmótið fyrir Windows XP Professional eða Windows XP Home Edition gerir þér kleift að nota íslensku fyrir allar algengustu aðgerðir í Windows XP.

Íslenska notendaviðmótið fyrir Windows XP er ókeypis niðurhal fyrir alla þá notendur sem eiga Windows XP hugbúnað.

Leiðbeiningar um uppsetningu
Áður en íslenskt notendaviðmót er sett upp þarf fyrst að ljúka uppsetningu á grunnstýrikerfi Windows XP sem fengið hefur verið annars staðar. Einnig þarf að ganga úr skugga um að þjónustupakki 1 (SP1) eða nýrri af Windows XP sé uppsettur á tölvunni og að um 15MB af lausu rými séu til staðar

Notandinn þarf að hafa kerfisstjóraréttindi til að setja upp íslenskt notendaviðmót og ganga skal úr skugga um að engir aðrir notendur séu skráðir inn meðan á uppsetningu stendur.

Smellt er hér til að hala niður íslenskt notendaviðmót fyrir Windows XP og valið Open þegar spurt er hvort keyra eigi LIPSETUP.MSI.

Uppsetningarforritið leiðir notandann í gegnum uppsetningarferlið og notandinn er síðan beðinn um að endurræsa kerfið. Notandinn þarf að skrá sig aftur inn í kerfið til að ljúka uppsetningunni.

Íslenskt notendaviðmót styður aðeins uppsetningu á einu tungumáli á grunnstýrikerfinu. Ekki er hægt að setja þetta notendaviðmót upp á annarri útgáfu eða öðru tungumáli.

Ekki er hægt að setja íslenskt notendaviðmót upp á tölvu sem er með, eða hefur haft, Windows XP Multi User Interface Pack (fjölnotendaviðmót).

Upplýsingar teknar af vef Microsoft á Íslandi.