Það koma afskaplega sjaldan inn greinar á áhugamálið og að er einn helsti vandinn. Umræður skapast oftar en ekki vegna greina og það getur jafnvel smitað út frá sér yfir í kannanir og á korkana.

En flestir hafa kannski ekki næga þekkingu til að skrifa langar greinar um vísindi, a.m.k. reynist það hinum almenna notanda erfiðara en að skrifa grein um uppáhalds bíómyndina sína, uppáhalds teiknimyndasöguna sína eða uppáhalds bókina sína o.s.frv. Og svo detta greinar fljótt út af greinayfirlitinu vegna þess að þetta er yfiráhugamál og það flæða inn greinar af undiráhugamálunum.

Þess vegna legg ég til að þú reynir að setja upp sérstakan “aðsent efni” kubb fyrir greinar og fáir leyfi til að birta eina eða tvær greinar af Vísindavefnum í viku hverri (Mogginn hefur fengið að gera það þannig að það ætti ekki að vera óhugsandi). Þá væru komnar fínar greinar um fjölbreytt efni á áhugamálið og þær héldust lengur á áhugamálinu auk þess sem þær kæmu á yfirliti yfir aðsent efni á forsíðunni. Þá gætu umræður hafist, notendur myndu e.t.v. svara greininni með hugleiðingum og frekari spurningum sem vakna við lestur greinarinnar o.s.frv. Þetta gæti líka smitað út frá sér yfir á korkinn eða í kannanir og myndir og gæti jafnvel skilað sér í fleiri greinum, en í það allra minnsta ætti heimsóknum á áhugamálið að fjölga svolítið.

Kæri stjórnandi.

Ég kem hér með tillögu sem ég vona að þú íhugir.

Eins og stendur, þá höfum við undir-áhugamálin
Dulspeki, Geimvísindi, Heimspeki og Sagnfræði.
Þetta er allt hið besta mál, því að þetta eru
mjög vinsæl áhugamál meðal notenda, að því er
virðist, og þá sér í lagi Heimspeki og Sagnfræði.

En þá veltir maður fyrir sér: Hvað ef notendur
vilja skrifa grein um stærðfræði, eðlisfræði,
líffræði, íslenska málfræði eða læknisfræði,
svo dæmi séu nefnd?

Ég hef einu sinni skrifað grein um stærðfræði,
og þá neyddist ég til að senda hana inn á
Heimspeki. Af hverju sendi ég hana ekki inn
á yfir-áhugamálið Vísindi og fræði? Jú, vegna
þess að það er vel vitað mál að á yfir-áhuga-
málin fara fáir ef einhverjir og þar hefði
greinin mín fengið mun minni athygli. Þar að
auki fyllist yfir-áhugamálið fljótt af greinum
allra hinna undir-áhugamálanna og greinin
myndi því afar fljótt fara af fyrstu síðu.

Ég legg því til að búið verði til undir-áhugamál
undir heitinu Önnur vísindi eða Önnur fræði.
Þar myndu menn þá geta sent inn greinar um
t.d. stærðfræði, eðlisfræði og líffræði þannig
að greinarnar fái þá athygli sem þær verðskulda.

Gætir þú ýtt undir, að þetta undiráhugamál
verði búið til?

Ég kveð í bili.
Evklíð.

*hugs*

Ég er svo óhugmyndaríkur. Ég hef lofað grein hérna áður, var aldrei viss um hvað ég ætlaði að skrifa. Það er það versta, það er eiginlega best að skrifa um eitthvað sem maður er að dunda sér í sjálfur en ekki það sem aðrir hafa áhuga á. Hinsvegar langaði mig að gera tilraun með það, það var einhver hugmynd á kork sem ég skrifaði varðandi þetta, kannski ég grafi hana upp og reyni að skrifa grein handa viðkomandi og þeim sem vilja. Sjáum hvað setur … og já, velkominn í stjórnandastarfið :)