Já, ég horfði á allt myndbandið. Ég hef líka lesið mikið um reikistjörnuna X og ýmsar kenningar henni tengdar. Mitt álit er einfaldlega að þetta fær ekki staðist nokkra skoðun, það eru til margfalt einfaldari og sennilegri útskýringar á þessari svokölluðu ráðgátu. Til að mynda þá útskýrir landbúnaðarbyltingin hvernig menn gátu í fyrsta skipti framleitt mat fyrir aðra en sjálfan sig og þannig fjölgað auðum höndum sem gátu farið að stunda verslun o.s.frv. Sérhæfing og verkaskipting skapaði svo einfaldlega sérstakar valdastöður, og að endingu til dæmis faraóa. Þegar auður og vald komst í hendur fárra gátu þeir beitt sér fyrir sérviskulegum framkvæmdum eins og smíði risastórra grafhýsa. Þau voru smá í smíðum fyrst en stækkuðu svo einfaldlega með tíð og tíma. Ef geimverur hefðu komið og kennt okkur að byggja pýramídanna þá er erfitt að skilja hvers vegna þau byggðu smá grafhýsi fyrst, tæknin hefði átta að vera strax til staðar. Flestar þessar byggingar krefjast ekki gífurlegrar þekkingar, þú þarft skilning á stjörnufræði og stærðfræði, mikinn mannafla og góðan tíma.