dha fyrir 17 árum, 2 mánuðum Fjöldi lestra: 499

Í sambandi við könnunina

Þar er verið að spyrja hvort stærðfræði, eðlisfræði, efnafræði og líffræði ætti að vera eitt áhugamál. Af hverju ekki bara hafa jarðfræði (þ.m.t. stjörnufræði í staðin fyrir geimvísindi) með og hafa eitt afmarkað raungreinaáhugamál? Ég held að það gæti virkað vel, allavega betur en geimvísindi eitt og sér.

carte fyrir 17 árum, 2 mánuðum

Þarna er ég algjörlega sammála. Einhverra hluta vegna læt ég skiptinguna hér fara mikið í taugarnar á mér. Held það sé út af dulspekinni eða þá að hérna eru einungis 4 greinar með sinn fulltrúa. Mér finnst bara bjánalegt að vera með geimvísindi og engar aðrar raungreinar.

Mig minnir að í öllum svona umræðum hafa komið fram þau mótrök að ef virkni á áhugamálinu er skoðuð komi í ljós að ekki sé ástæða til að draga þessar vísindagreinar fram sérstaklega og að þau geti bara verið á forsíðunni?? En ef geimvísindi væri með þá væri virknin væntanlega a.m.k. sú sem hún var á því áhugamáli einu og sér. Þannig er í raun verið að styrkja umfjöllun um raunvísindi og líka um geimvísindi.

Við lifum á gríðarlega spennandi tímum þar sem ótrúlegir hlutir eru að koma í ljós. Framþróun raunvísinda hefur aldrei verið jafn hröð og um þessar mundir. Ég held það sé erfitt að halda öðru fram en að vel skilgreindur staður þar sem áhugafólk og jafnvel framtíðarþátttakendur geti átt samskipti sín á milli sé þörf og góð hugmynd.

Fyrra álit

dha fyrir 17 árum, 2 mánuðum

Ég held að geimvísindaáhugamálið hafi upphaflega verið gert til að ræða um fljúgandi furðuhluti og geimverur - allavega eru korkarnir þar um það - en núna er bara verið að tala um stjörnufræði, sem er mjög takmarkað miðað við að hafa allar raungreinar saman.

Fyrst tungumál gat orðið sér áhugamál ættu raungreinar að vera það líka.

Hinsvegar held ég að félagsgreinarnar gangi of vel upp til að breyta þeim.

Fyrra álit

Noproblem fyrir 17 árum, 2 mánuðum

Það er löngu komið í ljós að núverandi skipting sé ófullnægjandi.
Líklega væri hvað þæginlegast að skipta þessu upp í flokka, þe. raunvísindi, hugvísindi og félagsvísindi.
Raunvísindi væru þá hvað helst líffræði, efnafræði, eðlisfræði(?), jarðfræði.
Hugvísindi: málvísindi(?), stærðfræði, heimspeki og tengdar greinar.
Félagsvísindi: félagsfræði, sálfræði.

Það þarf nú varla að taka það fram, en dulspekin á heima í “dægurmál”.

Fyrra álit

dha fyrir 17 árum, 2 mánuðum

Þyrfti samt ekki að setja eðlisfræði og stærðfræði saman?

Ég hef alltaf hugsað bæði sem raungreinar/náttúruvísindi þótt það sé mismunandi hvernig stærðfræði er flokkuð …

Fyrra álit

Noproblem fyrir 17 árum, 2 mánuðum

Já, þessvegna setti ég spurningarmerki við eðlisfræðina. :-D
Er hægt að flokka fræðigrein sem raungrein ef hún notar tvinntölur? nei ég segi svona. :P

Fyrra álit

dha fyrir 17 árum, 2 mánuðum

Jah, ég myndin nú ekki telja tvinntölurnar stóran hluta af stærðfræðinni :P

Bætt við 28. febrúar 2007 - 00:28
Við getum líka sett óevklíðska stærðfræði með heimspeki eða einhverju :)

Fyrra álit

BessiB fyrir 17 árum, 1 mánuði

Jah, ég myndin nú ekki telja tvinntölurnar stóran hluta af stærðfræðinni :P

!!!

Fyrra álit

dha fyrir 17 árum, 1 mánuði

Hvað?

Fyrra álit

BessiB fyrir 17 árum, 1 mánuði

Þetta er bara svo röng skoðun að það er rosalegt.

Fyrra álit

dha fyrir 17 árum, 1 mánuði

Ok …

Ég veit bara að ekki einu sinni eðlisfræðikennarinn minn kann tvinntölur og ég hef hingað til ekki heyrt um neinn sem telur þetta neitt merkilegt. En ég er reyndar bara í STÆ 403 … Ég veit ekki einu sinni hvað þær eru notaðar í, enda veit ég bara um einn sem kann þetta (stærðfræðikennarinn minn)

Fyrra álit

BessiB fyrir 17 árum, 1 mánuði

Jiiiii… ekkert merkilegt?

Dæmi; hornaföll er ekki hægt að skilgreina með fullkomnum hætti án tvinntalna. Við þurfum nefninlega tvinnfallagreiningu til að sanna að vörpun sem tengir saman talnalínuna og einingahringinn sé til.

Fyrra álit

dha fyrir 17 árum, 1 mánuði

Jæja, þetta er þá eitthvað sem kemur seinna í mínu stærðfræðinámi :) Mér finnst nú samt skrítið að enginn hafi einu sinni minnst á tvinntölur við mig áður.

Fyrra álit

carte fyrir 17 árum, 1 mánuði

Tvinntölur eru stórmerkilegt og gríðarlega hagnýtt fyrirbæri. Framhaldsskólinn er með mjög yfirborðskennda kynningu á stærðfræði og raunvísindum og þó að hlutir séu lítið í tízku þar þurfa þeir ekki að vera ómerkilegir úti í hinum stóra heimi :))
Ef við þekktum ekki TT værum við í slæmum málum þekkingarlega séð. Almennt eru þær teknar fyrir í Stæ 603 og þær koma eitthvað við sögu í eðl 403 (man ekki með 303), enda eru þær gríðarlega mikilvægar í tengslum við skammtafræðina. Þeir sem taka grunnnám í rafvirkjun og þeim greinum í framhaldsskóla læra einnig á tvinntölur enda eru þær afar hagnýtar í rafrásafræðunum.

Ef þú ætlar í stærðfræði, eðlisfræði, efnafræði eða verkfræði kemstu ekki hjá því að læra og nota tvinntölur. Þær eru teknar fyrir á 3. önn í HÍ en gjarnan notaðar að einhverju leyti á annarri önn (eftir hvaða nám er stundað).
Hvað er eðlisfræðikennarinn þinn annars menntaður???

Ef þú hefur áhuga á að vita eitthvað smávegis um tvinntölur þá get ég sent þér lítið pdf-hefti á íslensku sem kynnir tvinntölur til sögunnar…

Fyrra álit

dha fyrir 17 árum, 1 mánuði

Reyndar er eðlisfræðikennarinn minn menntaður jarðfræðingur, en þar sem það eru of margir jarðfræðingar í skólanum varð einhver að fara í eðlisfræði og efnafræði :P

Gaman að vita þetta. Ég hef áhuga á svona og mun líklega fara í háskóla í einhverja af þessum greinum svo mér finnst leiðinlegt að hafa misskilið tvinntölur … Ég sagði bara það sem ég hafði heyrt í kringum mig :)

Fyrra álit

carte fyrir 17 árum, 1 mánuði

Eðlisfræði tilheyrir raunvísindum. Stærðfræði má einnig flokka með raunvísindum ef það er þægilegt að hafa greinarnar nálægt hvor annarri, sbr HÍ, enda er stærðfræðin hagnýtt í raunvísindum þó greinin sé hugvísindi.
Núverandi flokkun jaðrar við hneyksli.

Fyrra álit

[Notanda eytt] fyrir 17 árum, 1 mánuði

geimvísindi eru akkúrat andstaðan við jarðvísindi!

Fyrra álit

dha fyrir 17 árum, 1 mánuði

Stjörnufræði er hluti af jarðfræði.

Fyrra álit

Vísindi

Vísindi

Ofurhugar

Stjórnendur

Hverjir eru inni

Korkar - Almennt um vísindi og önnur fræði

Í sambandi við könnunina

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi