Skoðaði svörin sem ég fékk betur og sú sem svaraði mér sagði reyndar að þau ættu eitthvað lítið af eldri blöðum. Hafa væntanlega verið svona vinsæl :)

En svona til gamans, þá læt ég fylgja tilvitnanir í svörin sem ég fékk frá þeim á visindi.is (fékk tvö skeyti í allt frá þeim) og lái mér hver sem vill… en er hægt að treysta vísindalegum upplýsingum frá þessu fólki?:

1. póstur:

> Eitthvað lítið er til af eldri blöðum hjá okkur.
> Árið 1997 komu út 2 eintök.
> Árið 1998 komu út 12 eintök.
> Árið 1999 komu út 12 eintök.
> Árið 2000 komu út 13 eintök
> Árið 2001 komu út 13 eintök.
> Árið 2002 komu út 14 eintök.
> Árið 2003 koma út 15 eintök.
> Góð leið til að finna eldri blöð er að fara í kolaportið, hef ég heyrt,
> og auglýsa eftir þeim.
> Gangi þér vel

Sem er allt gott og blessað, en frá árinu 2000 hef ég nefnilega eintök nr. 1-12 OG LÍKA nr. 14. Hef verið áskrifandi frá 1999, svo ég spurði um 13. eintakið (hafði áhyggjur af að hafa týnt því). En svo fékk ég svar við því:

2. póstur
> Árið 2000 komu út tólf tbl.
> Eigum því miður ekki þau blöð sem þú biður um.
> Gangi þér vel að finna þau.

Hmm, já… skv. fyrsta skeytinu þá komu út 13 eintök árið 2000, ég á 1-12 og 14 en núna komu ekki út nema 12… Ég er nú kannski enginn Sherlock Holmes, en mér finnst eitthvað bogið við þetta :P
Ákvað að vera ekki að bögga fólkið meira og fór í Kolaportið og fann nokkur blöð sem mig vantaði…