Segðu mér, hvað ætti þessi rannsókn að leiða í ljós? Segjum sem svo að við gerðum þetta við 1000 apa og yfirleitt kæmi sama niðurtaðan fram. Hvers værum við vísari? Að ef við pínum apa með hljóði brjálist hann?

Sammála gthth, að gera eitthvað þessu líkt hvort sem væri með eða án ávinnings væri sorglega tilgangslaust :/
Þar sem ég hef ekki gert þessa tilraun, og ætla mér það ekki, þá á ég erfitt með að ímynda mér hvað myndi gerast. En í tengslum við ýmis mannvísindi hef ég lesið mér til um ómannúðlegar og tilgangslausar tilraunir á dýrum og sérstaklega öpum, þar sem þeir eiga jú að vera líkastir okkur mönnunum. T.d. að taka tvo nýfædda apaunga frá móður sinni og láta annan alast upp á köldum vírnets-dropateljara og hinum á svipaðri maskínu sem klædd er í fake-fur. Og myndirnar af litlu greyjunum hangandi, haldandi dauðahaldi, með stóru augun sín, horaðir og þurfandi, var eiginlega nóg fyrir mig til að skilja að sama hvað þessi tilraun leiddi í ljós, þá svaraði það ekki þeim kostnaði sem það útheimti af mannúð. Niðurstaðan miðaðist við það, í raun, hvor þrifist betur. Sá með fake-furið lifði einhverjum vikum lengum. Hvorugur lengur en 6 mánuði.
Annars myndi ég trúa því að þessi ákveðni api gengi fljótlega á vit feðra sinna, þar sem það sem lýst er í tilrauninni líkist kínversku dropa-pyntingunni. Og ég er ansi hrædd um að ekkert ungviði myndi þola hana til lengdar. Fyrir utan fylgikvilla og sýkingar tengdum tækjum og tólum sem grædd væru í nýbura með vanþroskað ónæmis- og taugakerfi.
Ég vil benda fólki á mikilvægi þess að velta fyrir sér siðfræði vísinda á þessum síðustu og verstu tímum. Ég er ekki að gagnrýna þig, eða að reyna að vera eitthvað andstyggileg, en það hefur komið fyrir í gegnum tíðina að fólk hreinlega gleymir sér í töfrum vísindanna á kostnað mannúðar og skynsemi. Það er í lagi að velta þessu fyrir sér, en ég vona að það verði aldrei neitt meira en vangaveltur.

Bestu kveðjur,

Lynx

testing :/